الفصل التاسع
عشق الملاك
❣❣❣❣❣❣
في صباح يوم جديد تفيق نوران بكسل وتنهض من علي الفراش وتتوجه للحمام لأخذ الشاور وتصلي فرضها وترتدي ملابسها وتذهب للكليه تخرج من الغرفه وتقابل عبد الرحمن
عبد الرحمن...وفاتح دراعته قلبي ياناس اللي وحشني صباح الفل والياسمين علي عيون الجميل
نوران بزعل طفولي.. علي فكره مخصماك متكلمنيش من يوم ما وصلت من عند عمتو وانت مسالتش عليه ولا كلفت خاطرك تعرف اخباري عبد الرحمن.. والله غصب عني وعارف من حقك تزعلي بس انتي اكتر واحده عرفه اخوكي والطغوط اللي انا فيها الكليه المستشفي وكمان انا دكتور جراح كل يوم عمليات والله ممكن انام ساعه بس في اليوم وياستي حقك عليه وادي راسك ابوسها وعلشان خاطر التكشيره اللي علي الصبح دي انا هوصلك للكليه لان انا عوزك في موضوع ضروري
وعلي فكرا جاسر قالي علي طلب مازن ويغمز لها بعنيه علشان بس تعرفي اني مهتم
نوران.. خلاص يا دوك عفونا عنك وربنا يوفقك يارب عبد الرحمن تسلمي يقلب اخوكي يلا بنا علشان منتاخرش
تذهب نوران واخيها لطريقهم للكليه وفي الطريق نوران موضوع ايه اللي عوزني فيه
بصراحه عوز اسالك علي حاجه بس اهم شئ متفهمنيش غلط حكي عبد الرحمن لها من وقت تبديل التلفونات لوقت مجئ ملاك المستشفي بس ياستي دا اللي حصل وعرفت انها طالبه عندي واسمها ملاك اللي عوز اعرفه مين البنت اللي في الصوره مش عارف اوصف جمالها ولا عيونها اللي زي البحر يسحرك جماله نوران... اوعي البنت تكون عرفت انك فتحت تلفونها
عبد الرحمن... لا طبعا متعرفش هي اعطتني فرصه اكلم
شوف يا دكتور اولا انت غلطان انك فتحت التليفون وانا مقدرش اقولك مين البنت وعلي فكرا ملاك حكتلي علي الموضوع دا ولو عرفت انك شوفت صورتها هتزعل جدا
عبد الرحمن ... يقف بالعربيه فجأه ويحدث ضجيجا انتي بتقولي ايه يعني قصدك ان ملاك هي البنت اللي في الصوره بس من غير النقاب صح
تلعن نوران نفسها علي ما تفوهت بيه ... يا خبر انا مش قصدي بس هي كلمتني وانا قولتلها معرفش حاجه عن الموضوع دا كانت عوزه تعرف انت فتحت الفون ولا لا
عبد الرحمن ... اطمني مش هتعرف اوعدك وانتي كمان متعرفهاش بس عوز افهم حاجه عيونها في النقاب غير عيونها في الصوره
لانها بلبس عدسات وقت لبسها لنقاب علشان عيونها متظهرش وصلت ويلا بقا علشان اتأخرت
ينطلق عبد الرحمن مره اخره وعلي وجه ابتسامه لمعرفة ان ملاك هي صحبة الصوره يلا يا جميل وصلنا
تقبل نوران اخوها وتحتضنه سلام
تدخل نوران الكليه وتبحث عن ايه فتراها جالسه وفي يدها كتاب
نوران ..صباح الخير
ايه .. صباح الفل علي اجمل عروسه في الدنيا
نوران... مش مصدقه نفس يا ايه اني خلاص هتخطب لمازن دا كان بنسبالي حلم بس الحمد لله اتحقق ويبقا حقيقه
ايه .. لا ياحبيبتي صدقي اهو الحلم اتحقق وربنا يسعدك
يقطع حديثهم دخول شاب عليهم
(اعرفكم عليه ادهم الألفي كليه صيدله أهله منفصلين يعيش بمفرده شاب وسيم يطلقون عليه اسم فلنتينوا لكثرة معرفته بالبنات
صفاته فاشل بيحب الشرب والسهر كل تفكيره في المخدرات والبنات
معجب يا ايه جدا ونفسه تبقا من ضمن البنات اللي يعرفهم عنده صديقين هما حسام ودعاء ودول هنتعرف عليهم في الاحداث المقبله)
ادهم .. هاي يا بنات عاملين ايه
نوران ... اهلا كويسين
ادهم .. مش بتردي ليه ايه
ايه .. والله انا كنت كويسه قبل ما اشوف خلقتك بس دلوقتي بقيت متعصبه ومضايقه من ساعة ما شفتك
ادهم .. ببرود ليه بس يقلبي المعامله الوحشه دي وانتي عرفه ان غرضي شريف ويغمز لها
ايه ... بصوت عالي جاتك وجع في قلبك يابعيد والله ان ما بعت عن طريقي لكون ماسحه بيك بلاط الكليه يلا بينا يانوران
ادهم ... وربنا يا ايه لاندمك وبكرا هتجيلي زحفه تبوسي جزمتي
حسام صديق السوء... مالك يابني بكلم نفسك ليه
ادهم .. البت ايه دي لازم اعرفها مين هو ادهم الألفي ولازم تعرف مقامها وربنا لااسففها التراب
حسام .. قلتلك شلها من دماغك دي مش سكتك
ادهم ... لازم اربيها الاول واعرفها ازاي تتجرا وتعلي صوتها عاليه دا انا اي واحده تتمني بس اشاره مني تيجي دي تقف قصادي بقولك ايه هي مش طالبه علم النهارده بعد ما المود باظ تعالي نشوف دعاء فين ونروح اي مكان نشرب سجارتين
حسام ... يلا بينا جبتلك صنف بس ايه حكايه هتدعيلي
( وانا هدعي عليكم )
💗💗💗💗💗💗💗💗
في الكليه عند ملاك وليلا داخلين المحاضره وبيضحكوا ويهزروا فجأه يسمعوا همز وكلام غريب من بنات وراهم
فتاه تدعي ميار...انا سمعت يا بنات ان عربية دكتور عبد الرحمن مكيفه علي اعلي مستوي وان القاعده جمب الدكتور حاجه تانيه
فتاه اخري تدعي غاده.... ولا مكتبه بقا لما تدخليه تحسي براحه في قلبك علي طول
فتاه أخرى... اهم من دا كله يا بنات كفايه جمال الدكتور ووسامته دا عليه عيون ياخرابي يسحروا وكمان سمعت انوا من عيله غنيه جدا ولا انتي ايه رايك يا ملاك مش كلامي مظبوط
ليلا ... واحنا مالنا ياقطه وبتسالي ملاك ليه اذا كان عجبك الدكتور روحي ياختي قوليله
ملاك.. والله انا جايه أتعلم مش جايه اتفرج علي جمال الدكتور وعربيته وفلوسه مع احترامي دا تفكير عقول فاضيه
ميار بإندفاع ... جرا ايه ياشيخه ملاك اللي يسمع كلامك ما يشفكيش وانتي راكبه في عربية الدكتور امبارح ابقي اتكلمي علي قدك قبل ما تعطينا مواعظ شوفي نفسك الاول احنا الحمد لله محترمين ولا عمرنا ركبنا عربيات مع حد وطلعنا معاه صحيح اللي اختشوا ماتوا ولا هو الالتزام علينا والتسيب عليكي ابقي فهمي صحبتك كويس يا ست ليلا قبل ما تتحمقي علينا
ملاك بدموع من كلام تلك الحقوده اخرسي قطع لسانك انتي مش محترمه وانا مش هنزل لتفكيرك المريض وارد عليكي
ميار... لا انا محترمه غصب عنك الدور والباقي عليكي شكلك مدورها مع كل دكتور شويه طب احترمي النقاب اللي لبسها قبل ما تكلمي علي الاحترام ياقطه
تخرج ملاك من المحاضره وعيونها مليئة بالدموع وتجري وراها ليلا ملاك ملاك استني تلحقها ليلا وتراه تجلس بحزن والدموع في عيونها
ليلا ... ايه الكلام دا يا ملاك صحيح انتي ركبتي مع الدكتور عبد الرحمن
ملاك تنظر لرفيقتها بحزن انتي صدقتي الكلام دا ياليلا علشان اريحك انا فعلا ركبت معاه العربيه بس والله هو صمم انا مكنتش موافقه خلاص بس هو قالي طالما عوزه تنجحي ما تعطيش اهميه الكلام الناس وربنا انا ركبت معاه مش في نيتي حاجه كنت راحه ادرب في المستشفي انا مش كدا ياليلا متوقعتش في يوم اسمع الإهانات والكلام الجارح دا
ليلا بحزن .. انتي غلطانه انك ركبتي معاه للاسف يا ملاك احنا عيشن في وسط مجتمع كل تفكيره سوء الظن والشك ولو البنت واقفه مع شاب وممكن يكون اخوها للاسف في مجتمعنا يبقا علي علاقه معاه عوزه نصحيتي تعاملك مع دكتور عبد الرحمن يكون في أضيق الحدود حتي في المستشفي تروحي لوحدك وترجعي لوحدك علشان مش واحده زي دي تتجرأ وتتكلم عليكي
ملاك .. انا معملتش حاجه غلط ومش واحده مريضه زي دي الل هخاف منها ربنا احسن من الكل انا تعبنا بجد هقوم اروح مش قادره اكمل
ليلا .. طب استني انا جايه معاكي
ملاك .. لا خليكي خلصي المحاضرات وبعدين روحي علي المقابله وربنا يوفقك واطمني انا بخير سلام
تحزن ليلا علي حال ملاك وتتنهد وترجع للمحاضره تدخل ليلا وتنظر للبنات نظره ناريه وتتوعد لهم يفصل تلك اللحظه دخول دكتور عبد الرحمن فيانتبه له الطلاب
يبحث عبد الرحمن عن ملاك فيجد مقعدها خالي فيعطي الطالبه المحاضره وعيوني علي الباب لعلاها تاتي تلاحظ ليلا نظرات الدكتور فتمحو تلك الأفكار وتنتبه للمحاضره
بعد وقت طويل تنتهي المحاضره وتخرج ليلا وأثناء خروجها يلاحقها عبد الرحمن
لو سمحتي يا انسه
ليلا... نعم يا دكتور في حاجه
عبد الرحمن بتوتر لاحظته ليلا اانا كنت عوز اسالك علي انسه ملاك ليه محتضرتش المحاضره انتي عارفه ان امتحانات الترم قربت ومينفعش غياب
ليلا بشك من كلامه..هي كانت هنا بس حست بشويه تعب فروحت ترتاح لكن هي كويسه
عبد الرحمن بقلق ظهر علي ملامحه...لا سلامته خير ايه اللي حصل
ليلا... خير يا دكتور ارهاق بس عن اذنك لان عندي ميعاد ذهبت ليلا وتركت عبد الرحمن شارد في ملاك
كانت غاده تتابع حديث ليلا وعبد الرحمن كدا انا شكوكي في محلها اكيد في علاقه بنهم يانا يانتي ياست ملاك
❣❣❣❣❣❣❣❣💗في مبني الشركه توصل ليلا علي الميعاد المحدد تنبهر بجمال الشركه يااااه مش مصدقه نفسي انا هشتغل هنا ليلا في نفسها يعني خلاص اتاكدي انك هتشتغلي انا خايفه يشوفني يحصله صرع😂😂😂
ربنا يستر بعد ما سالت ليلا علي مكتب بشمهندس جاسر توجهت إلي هناك ورات رحمه تنظر لبعض الأوراق بعنايه
ليلا .. سلام عليكم
رحمه .. وعليكم السلام
ليلا .. انا عندي مقابله مع بشمهندس جاسر
رحمه ... مين حضرتك علشان ابلغه
ليلا... قوليله ليلا
رحمه ... اهلا بحضرتك اتفضلي هو منتظرك بلغني لما توصلي ادخلك علي طول
ليلا بابتسامه..شكرا
تتنهد ليلا بخوف من ردة فعله عندما يرها تطرق الباب فياأذن بالدخول تدخل ليلا وتغلق الباب وراها تري جاسر مشغول في بعض الأوراق باهتمام ولا يهتم لها
ليلا ... احم سلام عليكم
جاسر ... وعليكم السلام ويرفع رأسه لينصدم انتي بتعملي ايه ودخلتي هنا ازاي يقوم جاسر ويتجه نحوها
ليلا .. ممكن تهدا وانا هفهمك وترجع للخلف
جاسر شايفني متعفرت قدامك انتي اصلا اللي يشفوك لازم يتعصب
ليلاوتلتصق بالحائط ..علي فكرا مش طريقة مناقشه دي ممكن تبعد شويه علشان الأكسجين بدا ينتهي وانا هفهمك
جاسر يسرح في ملامحها فهي تشبه الاطفال وبرائة عيونها
تخجل ليلا من قربه ونظراته لها ممكن تبعد شويه
ينتبه جاسر علي حاله ويرجع لوضعه الحاسم خير قولي عوزه ايه
ليلا ..احم انا ليلا
جاسر .. ويتذكر كلام نوران وسلمي انتي ليلا انتي صاحبه نوران انتي
ليلا هو علق ولا ايه انتي انتي احم ايوا انا اللي جايه اقابل حضرتك بخصوص الشغل
جاسر باستهزاء وجنانبك عندك فكره عن شغل السكرتريه ولا هتتعبينا وخلاص
ليلا .. اولا دي مش طريقة مقابله ولا مناقشه علي الاطلاق حضرتك اول شئ لازم تتطلب حاجه اشربها وبعدين نتكلم
جاسر بغضب وغيظ نعم ياختي انتي جايه تتضيفي يا انسه ولا جاي لشغل
ليلا.. حضرتك ليه متعصب كدا ممكن بس تتطلبنا اتنين ليمون وانا هفهمك كل شئ وان شاء الله هكون عند حسن ظنك والله لبهرك
يمسح جاسر وجه ببطن ايده ويكتم غيظه من تلك البلهاء ويتصل برحمه لتأتي بعصير
ليلا....كدا كويس نكلم في الشغل اتفضل حضرتك قولي المواعيد وايه المطلوب مني بالظبط وانا هعمله
جاسر دا علي اساس اني وفقت خلاص انك تشتغلي انا عوز اعرف مين فينا المدير هنا
ليلا .. حضرتك طبعا وبعدين جربني في الشغل وبعدها احكم لو مش جديره بالشغلانه دي صدقني انا هستقيل علي طول
جاسر بنفاذ صبر من جننها خلاص اوك بس لو مطلعتيش قد المسئوليه هتشوفي وش تاني خالص مفهوم قولتيلي اسمك ايه
ليلا... ليلا ليلا هغنيها
جاسر ... هنستظرف
تدخل رحمه بالعصير وتضعه علي المنضده تأمريني بحاجه تاني يا فندم
جاسر هتاخدي الانسه معاكي وتعرفيها تفاصيل الشغل وكل المطلوب منها بالظبط لانها هتحل مكانك
رحمه ..بابتسامه اوامرك يا فندم وطبعا دا اخر يوم ليه النهارده
جاسر ... عارف يارحمه وعادي علي الحسابات علشان تصرفي مكفئتك والف مبروك مقدما ومتنسيش بكرا معزومه علي خطوبتي
يقع العصير من يد ليلا عندما تسمع بخطوبه جاسر
ليلا.. اسفه مكنش قصدي
رحمه ... ولا يهمك هبعت حد فورا ينضفها تعالي معايا علشان افهمك طبيعة الشغل
قبل أن تذهب ليلا مع رحمه تلتفط لجاسر هو حضرتك خطوبتك بكرا
جاسر .. وينظر لها بحزن يريد ان يصرخ فهو حقا يتألم من تلك الزيجه ان شاء الله بكرا بس غريبه انك معندكيش خبر دا حتي العروسه صاحبتك
ليلا .. باستغراب صاحبتي
جاسر... انت هخطب سلمي
ليلا... بصدمه وببتسامه حزينه مبروك ربنا يفرحكم عن اذنك
تخرج ليلا حزينه من عند جاسر وتذهب مع رحمه وهي شارده طب انا ايه اللي زعلني كدا يخطب ولا ما يخطبش انا مالي خليني اركز في الشغل احسن وربنا يسعدهم
رحمه .... مالك يا انسه ليلا انتي مش مركزه معايا بكلم مش بتردي
ليلا اسفه بجد اتفضلي كنتي بتقولي ايه( نترك رحمه تشرح الشغل لليلا) 💗💗💗💗💗💗💗
في منطقه راقيه في ضواحي القاهره نذهب الشقه ادهم الألفي حيث المحرمات والخمور والمخدرات ويوجد معه أصحاب السوء حسام ودعاء
حسام بتمايل من كترة الخمور والمخدرات ادهم خلاص مش قادر من كتر الشرب انا هخلص معتش قادر اقف علي رجلي ههههه مش عارف هوصل بيتنا ازاي
ادهم ... انت مسطول خالص ياعم بات هنا النهارده
حسام ... لا مقدرش امي واخواتي لوحدهم مينفعش اسبهم
ادهم ...بضحك لا شهم ياض طب احنا هنعمل ايه في البت ايه انا عوزها زحفه مفهوم لازم تيجي راكعه تحت رجلي وتتطلب مني السماح
حسام .. انا عندي خطه بقا متخرش الميه واوعدك انها هتجيلك مسلمه
يرن جرس الباب ويفتح حسام اهلا دود اتاخرتي ليه
دعاء ...اسكت اشكلت مع ماما واخيرا عرفت اطلع من البيت انا دماغي ضايعه وعوزه اظبتها
حسام .. معايا صنف حاجه معتبره جربي وقولي رايك بس انا لازم امشي بقا علشان اتأخرت اشوفكم بكرا
دعاء ...ليه ياحس دي السهره لسه هتبدي ولا انت وراك مذاكره
حسام...عيب عليكي هو انا بتاع كدا بس لازم امشي علشان امي واخواتي سلام اشفكم بكرا
ويذهب حسام ويغلق الباب وراه
دعاء ...مالك يا ادهم ساكت ليه
ادهم ... بفكر في خطه اكسر بيها مناخير البت ايه واجبها ارض
دعاء بخنقه وضيق ..هو انت مبتزهقش يا ادهم سيبك منها واركز معايه ولا انا مش مليه عينك يا بيبي
ادهم ...مش ادهم الألفي اللي حتة بت زي دي تقوله لا وربنا ما هرحمها بس كل في وقته حلو بقولك ايه الصنف دا عامل احلي شغل ايه رايك نعمل دراسه عليه
دعاء بمياعه ودلع .. ومالوا يا قلبي ندرس ونشرح لصبح يلا بينا
تذهب دعاء وادهم للغرفه ليفعلوا ما حرمه الله
💗💗💗💗💗💗
في فيلا التهامي يسير عبد الرحمن في الغرفه بتوتر فهو اليوم لم يري ملاك طب اعمل ايه وكمان بكرا الجمعه طب انا ايه اللي قلقني كدا عادي هي مجرد طالبه مش اكتر
فهو بين سراع مع قلبه وعقله
عقله ..وانت مشغول بيه ليه هي تهمك في حاجه
قلبه .. اكيد طبعا من وقت ما عرفت ان هي صاحبة الصوره وانا حاسس بفرحه كبيره مش عارف ليه
عقله ...عادي زيها زي اي واحده انت اللي مكبر الموضوع
قلبه ...لا طبعا هي دي الإنسانه اللي بحلم بيها ملتزمه ومحترمه ومتدينه ودي اللي اسلمها حياتي وانا مطمن
عقله...انت عطيلها اكبر من حجمها في غيرها كتير
قلبه ...لا طبعا دي حوريه من الجنه مفيش غيرها وفعلا اسم علي مسمي ملاك وهي ملاك
انا تعبت من كتر التفكير طب لو سالت نوران هقولها ايه لالا ما ينفعش انا انام احسن وربنا يحلها
عند سلمي تتصل بناهد وتكلمها علي جاسر
سلمي ..مش عارفه ليه حسه انوا مش مبسوط واوقات بيكون شارد وسرحان مش معايه خالص
ناهد ... يابنتي عادي ممكن ضغوط الشغل وكمان انتي بتقولي داخل علي مشروع جديد تلاقيه واخد كل تفكيره
سلمي ... يارب ياناهد مش عارفه ليه مش مطمنه وحسه دايما بقلق
ناهد... يابنتي انتي غاويه تعب وخلاص اهم شئ طمنيني عن صحتك لسه الدوخه والخنقه بتيجي ولا العلاج جاب نتيجه
سلمي... والله لسه تعرفي لو جتلي ومخدتش الدوا بحس ان روحي هتروح وهموت
ناهد .. بعد الشر عليكي يا قلبي خالي بالك من نفسك واهم شئ الدوا بمعاده ومتفكريش في اي شئ غير صحتك وروحي بقا نامي علشان تصحي بكرا وشك مفتح اصل العريس يغير رايه
سلمي.. طيب ياحبيبتي هروح انام بس اهم شئ من بدري تيجي تقعدي معايه اصل وربنا ازعل
ناهد ... يقلبي من الفجر هتلاقيني عندك يلا تصبحي علي خير
تنهي سلمي اتصالها مع ناهد وتذهب بتفكيره في جاسر فهي تشعر بإنه غير سعيد من ارتباطه بيها هل مجبور علي الارتباط بها ام فعلا يحبها
💗💗💗💗💗💗💗
ودا اللي هنعرفه في الحلقات المقبله توقعتكم ايه
عشق الملاك #بقلم شوشو#
أنت تقرأ
عشق الملاك # بقلم شوشو
Acakهي فتاه ملتزمه وبسيطه أحبت العلم كل ماتتمنه ان تصبح دكتوره ناجحه لكن للاسف سوء الظن دمرها وحطم أحلامها فهل هتستسلم للحقد والغرور ام تمشي ورا قلبها وتقع في حب استاذه
