💞 يوميات زوج صايم 💞

الحلقه🌹 ال٢🌹

💞#الحلقه ال ٢💞
💞#من_يوميات_زوج_صائم💞
💞#مشتركه_بيني_دي_دي_فتحي💞
💞#وزيزي_عمرو_وردوينا_طارق💞

🙏نبدأ الحلقه الثانيه،،، بالصلاة و السلام علي أشرف الخلق سيدنا محمد عليه أفضل الصلاة والسلام🙏

✍️✍️لينك الواتباد لليوميات👇👇

https://my.w.tt/xPRWGcn605

                       😘قراءة ممتعه😘

رودي لسة هتجري علي شقتها كانت زيزي أسرع منها وزقتها من علي السلم بعنف و غضب و رودي ادحرجت علي السلم كله و زيزي شيفاها من فوق و متحركتش من مكانها

والجيران اتلموا علي رودي المغمي عليها و ودوها المستشفي عليها... و بعد الكشف الدكتور بأسفلها بعد ما فاقت... انا اسف بس الجنين إللي في بطنك أتأثر من إللي حصل و مات
رودي بصريخ و دموع... لاااااااا لااااااااااا و قامت من نومها بتنهج و عرقانة جامد

وبعد ما إنتبهت لوضعها استعاذت بالله من الشيطان الرجيم و لسة هتشرب ماية افتكرت إنها صايمة و مينفعش تشرب و حطت دماغها علي المخدة عشان تنام بس النوم جافها

وبعد وقت ليس بكثير... سمعت باب الشقة بيخبط جامد قامت بسرعة و فتحت لقيتها زيزي و الشر و المكر هينطوا من عنيها و بمكر.... ايه كل ده مش سامعة ولا انتي عاملة نفسك مش سامعه عشان متفتحليش؟؟؟

رودي بخوف و هي بتحط ايديها علي بطنها... لا لا أنا سامعة و قومت عشان افتحلك علي طول

زيزي بمكر اكتر... طب يلا يا اختي عشان تحضري الفطار عشان متتاخريش في تحضيره

رودي بستغراب... فطار ايه اللي هحضره من دلوقتي لسة بدري

زيزي بغضب... بقولك ايه يا نحنوحة انتي انجزي و تعالي حضري الأكل بدل ما أعمل معاكي الصح

رودي بزهق... حرام عليكي هو انتي ليه مش سيبانى حتي في أحلامي و مزهقاني كدا

زيزي بنفاذ صبر(إللي هي معندهاش منه أصلا 😂😂) ... احلام ايه يا ختي انتي فاكرة نفسك سندريلا ولا ايه انجزي يلا و خلي يومك ده يعدي علي خير احسنلك

رودي بضحك بعد ما هدئت من نفسها وبثقه... و سندريلا تيجي جنبي ايه دا انا سكر محلي محطوط علي كريمة

زيزي بغضب... الكريمة مبتلزقش علي عود القصب يا بت ده أخره يتمصمص و يترمي للحمير ياكلوه ويلا فوقي كدا من أحلامك عشان سي حودة بتاعك سايب لينا ورقة طول بعرض و عايز كل الاكل إللي فيها يتعمل ولا كأنه هيعمل مائدة رحمان راجل مفجوع بصحيح

رودي بدلع... سايبلك انتي يايختي مش أنا لأن أنا حامل و تعبانة و حودة حبيبي قالي اوعي تتعبي نفسك في حاجة ياحبيبتي

زيزي قربت منها و رودي بتفتكر الحلم و بترجع لورا و خافت من زيزي تعمل فيها اللي عملته معاها في الحلم و حلمها يبقا حقيقي