Fool In Love [ one shot ]

Fool In Love ( Unicode )

အချစ်နဲ့တွေ့တဲ့အခါ လူတွေက ရူးသွပ်ကုန်ကြတယ်တဲ့။
ဒါဆိုရင်.....
ရူးသွပ်နေတဲ့လူတွေကော ....
အချစ်ကိုတွေ့နိုင်လား။

အဖြူရောင်တွေပဲသုံးထားတဲ့ဆေးရုံခန်းရဲ့ ခုတင်ပေါ်မှာ
သူက ထိုင်နေတယ်။ ညိုနေတဲ့ မျက်လုံးအောက်နားတွေနဲ့အတူ သူက တောင်ကြည့် မြောက်ကြည့်နဲ့။

" ရိပေါ် ...."

ဘေးနားက ဆရာဝန်ကြီးက သူ့ရဲ့ အမည်နာမကိုခေါ်တော့ သူလှည့်ကြည့်တယ်။

" ဆရာနဲ့ စကားနည်းနည်းပြောမယ်နော် "

ရိပေါ်က တစ်ခဏကြာတော့မှ ခေါင်းခါပြတယ်။
သူစကားမပြောချင်ဘူးဆိုတဲ့သဘော။

" ရိပေါ် ဆရာမေးတာတွေဖြေရင် ဘေးအခန်းက
ကောင်လေး ဘယ်ရောက်သွားလဲဆိုတာ ဆရာပြောပြမယ်လေ "

ဆရာဝန်ရဲ့စကားကြောင့် ရိပေါ် မျက်လုံးတွေက အရောင်လတ်လာတယ်။ ခေါင်းကို အထပ်ထပ်အခါခါ ငြိမ့်ပြတယ်။

" ရိပေါ် ဒီစာရွက်ပေါ်မှာ ပုံတစ်ပုံဆွဲရင်း ဆရာမေးတာ
ဖြေနော် "

" ရိပေါ်အိမ်ပြန်ချင်လား "

ပုံငုံ့ဆွဲနေရင်း ရိပေါ်က ခေါင်းခါပြတယ်။

" ဘာလို့လဲ "

" သူ့ကို စောင့်နေရမယ် "

ဆရာဝန်ကြီးက သက်ပြင်းချရင်း ဆက်မေးတယ်။

" ရိပေါ် ဒီကိုမရောက်ခင်က ဘာတွေလုပ်ခဲ့လဲ "

" မသိဘူး "

ရိပေါ်က ပုံကိုသာ ငုံ့ဆွဲနေတုန်းပဲ။

" ဘာလို့မသိတာလဲ "

" မမှတ်မိဘူး "

" အင်း....ဒါဆို ရိပေါ် ဘာမှတ်မိလဲ "

" ပြေးနေတဲ့လူတစ်ယောက်...."

" သူက ကျွန်တော့ကို ဝင်တိုက်သွားတယ် "

" အဲ့ဒီလူက ဘယ်သူလဲ မှတ်မိလား "

ရိပေါ်က ခေါင်းခါပြတယ်။ သူတကယ်မသိတော့ဘူး။
ဝင်တိုက်ခံရတာကို မှတ်မိနေပေမယ့် အဲ့လူကို သူသတိမရတော့ဘူး။

" ရိပေါ် အခု ဘာဖြစ်ချင်လဲ "

ရိပေါ်က ငုံ့နေရင်းကနေ ဘေးက နံရံကို ကြည့်တယ်။