هذا البارت راح اسوي طويل وباجر يمكن ما انشر
( محمد حسابك ضاع وما جاي اكدر احجي وياك اذا تكدر دز رسالة ادري اني غلطت واسفة حقك علي محتاجتك محمد )
ورة ما خلصت رحت نمت وثاني يوم هم دوام ومحاضرات ودوخة راس
من كملت المحاضرات رحت ويا جماعتي نفتر فا ما رجعت للبيت الى ب4يلة وصلت اول ما للشارع لكيت هوسة يم الكهوة رحت يمهم جان اشوفلك فهد وصلاح مدمايين وزلم يمهم جاي يضربون بيهم وهما ما يحركون لا ايد ولا رجل ضليت اصيح بس اريد اشوفهم شبيهم طلع واحد من اهل المنطقة متجاوز عليهم وهذولة هاجمين علي جايين اصدقائة وضاربيهن صلاح هو اصلن مريض ونوب ضاربينا خفت علي كلش خابرت على خالد حتى يجي ناخذهم للمستشفى وصدك شوية ونزلو الشباب من الشقة اخذناهم للمستشفى كتبو تقرير ونطوهم علاج ورجعنا ارتاحو شوية وبليل حجولنا شنو الي صار كلة طلعو حاجين على ام فهد هو شوية حساس بهذا الموضوع احنا نعرفهم الولد الي ضربوهم كتلهم باجر انعلمهم شلون يفكون حلوكهم
صدك صار الصبح رحت للكلية خلص الدوام رجعت للبيت اني اول مااجيت شفتهم واكفين براس الشارع فاول ما طبيت كتلهم هناك موجودين رحنا اني مهدي ومحمد وخالد وعمار وصلاح وفهد رحنا كسرناهم تكسر طبعن فهد وصلاح اخذو موقف المتفرج ما شتركو بلعركة بس شنو شوهو وجهي ولد الكلب رجعنا للبيت الي راح يسبح والي راح للشغل مالت والي نام اني رجعت للبيت ورة ماكملت شغلي تقريبن ب10 سوالف وشقة وهم حجيت ويا دموع
حجيتلها الي صار شبعت ضحك علينا تكول عصابة
انتم لو شنو ( دواعش يا اخي مو بيدهم )
خل نحجي على فهود شوية
فهد من البصرة عمرة 22سنة ابو متزوج ثنين امة الثانيةورة ما ولدت فهد تطلكت
يعني الي ربت فهد مرت ابو جانت امة الثانية ما مقصرة ويا بي شي
هو من عندة اخوان اربعة من مرت ابو واخوات ثنين
اما من امة بس هو
طبعن اخوتةوابو شيوخ بس هو
يعني متمرد من هو صغير ما يحب احد يقيدة باي شي
اجة البغداد لان عرف امة موجودة بيها
بمدينة الصدر بحي البتول بس ما يعرف شكلها لان اول ما جابتة راحت فاما شايفها
الي معروف عنة هو ( ابو النسوان )
يعني اذا وحدة طولت اسبوع احمد اللة واشكرة الف مرة
مخلص كل فلوسة على النسوان
وهم اكثر مشاكلة من ورة النسوان
اخل اوصف شكلة بمخيلتي
هممم
معضل واسمر طويل شعرة كفشة
لحية خفيفة منطيتة جمال اكثر
حواجبة من اللة مرسومات وسود
عيونة نعسانة ورموشة طوال وحلوات
خشمة طويل
شفايفة وردية
( حلو الوصف مو اني عجبني )
طبعن من احمد تزوج ( نور ) رحت اني والولد كعدنا بيت صلاح لان بيت احمد هوسة مال العرس
اول ما وصلنا لكينا وحدة تمشي كدامنا امبينة كلش نازكة التفتت علينا جان تصيح عاااااا وركضت على صلاح بس شنو من وجه كمر يا كمر حتى الكمر يمها مو حلو تحضن وتبوس بصلاح الي عرفتا هي اختة امل تصير اصغر منة جانت دائما تخابرة
عمرة 18سادس المهم رحنا للبيت ورتاحينا واني افكر بيها مو بنية ياللة بليل رحنا لاحمد حالة ما يسر لا صديق ولا عدو الوجه اصفر والجكارة ما توكع من حلكة تقريبن ب12بليل رجعنا لبيت صلاح همة لل
2:30 نامو اني ضليت كاعد لزمت طلعت برة جان اشوف امل كاعدة بلحديقة ولازمة الكتاب وتقرة ومندمجة بس شافتني كبل طفرت وراحت ركض جوة ضليت اضحك عليها شلون طفرت ضلينا 3ايام وبعدين رجعنا لبغداد
بعدين اكمل
نرجع الصلاح
اني الصراحة جنت خايف على احمد لا يوكع نفسة بمشاكل ويا هاي البنية وخصوصا من عرفت هي من الديوانية هو من نوع المتعصبين يخوفون كلش
اني بهاي الفترة جنت اشوف بنية بلمعهد كلش خجولة وما تحجي ويا احد حتى البنات ما جانت عندها علاقة بيهن يعني على كد الدراسة بس
خل اوصفلكم شكلها ( هم من عقلي راح اوصف شكلها ) بشرتها حنطاوية وطولها متوسط يعني لو طويلة كلش ولا قصيرة كلش جسمها مخصر يلفت النضر والعيون بلوا كبار ولونهن جوزي والرموش طوال وثخينة والحواجب مرسومة من اللة والشفايف قصة ثانية ناعمات ويخبلن والخشم صغير
صح اكو هواي بنات احلة منها بهواي بس هاي تحسها
برائة طفلة صغيرة من تباوع على العيون ياخذنك العالم ثاني
حاولت هواي احجي وياها بس ما تنطي مجال لاحد
مرات افكر انو اني جاي اخون ملاك وفكري يروح ويرجع بهاي الطفلة
المهم جان يوم خميس وعدنا امتحان طلعت جان اشوف هاي العيون الحلوة تبجي صراحة خفت رحت كعدت يمها سئلتها شبيج ما ردت كتلها تردين مي
هم ما ردت رحت جبت مي ونطيتها صدك شربت شوية هدئت كتلها
: هسة اكدر اعرف شبيج
مابية شي
: لعد ليش تبجين
: هيج
: اكو واحد هيج يبجي
: ما اريد احجي بلموضوع
: ماشي ما نحجي بي نحجي بغير موضوع
: ما اريد احجي باي شي
: ماشي اذا ما تردين تحجي لا تحجين واذا مضايقج وجودي هسة اكوم
: لا عادي
: يعني ابقة كاعد
: بكيفك
: تردين جكارة تروح الضوجة
: ههههههه لا شكرأ
: يحتاج هلهولة لان ضحكتي
: اي واللة
: اكوم اهلهل
: ما تكدر
: كلوووووووش
: اسكت فضحتنا
: تشربين عصير
: لا
: شبيج صايمة
: ما اريد
: دك احمد
بين احمد وصلاح
: الووو
: هلا شلونك
: تمام انت شلونك
: زين الحمد للة
: اكلك تعال باجر الحنة والسبت العرس
: عرس منو
: عرسي
: جذاب
: واللة شبيك
: الف مبروك بس شوكت خطبت
: لك راح اتزوج نور واني اصلن ما ردت لا حنة ولا عرس بس كالو كدام العالم بس
: ودموع
: اوووووف هو ما كاسر ضهري غير دموع
: اتهون انشاللة
: انشاللة تعال مو ما تجي وكل للولد حتى هم يجون
: اكيد حبيبي نجي بس انت هدي شوية مو زين عليك العصبية
: انشاللة ابو كيان
: اللة وياك
صلاح
ضلينا نسولف اني وهاي الحلوة والي عرفتا اسمها زينة كمل الدوام ورجعت للبيت وكلت للشباب انو احمد راح يتزوج وحضرنا الجنط كل واحد اخذ جنطة ايد للملابس مالتة والشاحنة والجكاير يعني غراضة كلها والي عدهم شغل راحو يبلغون صاحب الشغل انو ما يكدرون يطلعون الجمعة والسبت والاحد وطلعنا الضهر لكربلة كلت للولد يجون يمي يرتاحون بيتي لان هسة بيت احمد هوسة وبعدين انروح لاحمد رحنا للبيت قبل ما نوصل شفت امل راجعا من المدرسة بل بداية ما نتبهت بس بعدين بس بعدين التفتت جان تصيح وتركض علي مثل الخبلة
امل كلش متعلقة بي يعني يومي ما يبلش اذا ما اسمع صوتها ضلت تبوس وتحضن بية كدام الولد استحيت شاورتها
: امل الولد وياي عيب
: نتبهت عليهم ودنكت راسها خجلانة بس بعدها لازمة ايدي
رحنا للبيت ارتاحينا والي نام والي طب سبح بليل رحنا لاحمد جان وضعة كلش تعبان الى درجة ووووو
البارت الجاي انكمل كتبت 1000كلمة بعد ما اكدر وهذا شعر
ما يفهم الدكتور ما عندة عرفة
حسبالة كل وجعان ترهملة وصفة
كاتبلي كومة علاج يضحك
مايدري عطر هواي جن صيدلية
ذب القلم دكتور شك الشهادة
ومحلفك القران عوف العيادة
مو كل وجع تنطي حباية وبرة
داء العشك هيهات تلكالة خبرة
هذا هو تصبحون على خير
😙😙😙😙😙😙
