في آزقة مدينة الدار البيضاء المكتضة ... و بالضبط ... فواحد الطوموبيلة لي من طراز الرفيع ... جالسة شابة في مقتبل العمر ... لي تتسم بواحد الجمال رهيب ... و جالس برفقتها واحد الولد ... لي حتى هو عندو حقو فالزين ... و لكن ميكونش بحالها ... اجواء عندهم مكهربة أجي نشوفو أش واقع ... : أنا : (بمل ثقة فالنفس ) هاهاها و من بعد ... الشاب : أنا كنقوليك ماما بغات ليا بنت خالتي و قاتليا تزوجها ... و نتي كتقولي ليا من بعد أنا : إلا درتو بسطيلة عرض علي عافاك الشاب : واش بغيتي تسطيني ؟ راني كنبغيك ... فكري معايا فشي حل ... أنا : نون بب انا مكنبغيكش ... معندي مندير بولد مو فهمتيني ... كون كنتي راجل ... كن راك برهنتي على حبك ... و لكن حيت نت شماتة و عيفة الرجال ... كتخلي ماماك تحكم فيك الشاب : (تزير و مبغاش يبين ) وا حبيبتي صفاء ... راه مغاديش نتخلى عليك واخا نتزوج بيها قلبي ملكك ... صفاء : (ببرود ) غير خود قلبك و *ود علي معندي مندير بيك ... الشاب : كنبيغيك ا صفاء ص : و انا مكنحملش فيك شعرة أ الخرى ... الشاب : ميمكنش ... ياك كنتي كتقولي ليا بلي حياتك متكتملش بلا بيا ... ص : كذبت عليك .... الشاب : يعني كنتي غير كتلعبي علي الوقت كامل ... ص : تماما ... يالاه دابا ضرب على نمرتي ... و نساني ... سير الله يعاونك ... الشاب : هاهو غادي دابا تندمي على هادشي ... ص : واخا دابا نذم ... خرج فحالو و كسيريت ديريكت لواحد الكوان خاوي ... بديت كنغوت و نبكي على حر من جهدي .... اهئ اهى ... علاش ياربي كيطرا ليا هكا ... واش ماشي من حقي حتى أنا نحب و نتحب ... اهئ ... تفكرت فاش قاليا واخا نتزوج نتي لي اتبقاي فالقلب ... علاس بنادم مكيقدرش يدافع على حبو ... اهئ ... اهئ ... تصدمتو ياك ... هادي هي أنا لي كنت كنتصنع القوة قبيلة ... اه انا لي من داخل جد حساسة و لكن من برا كنبان راجل ... اهئ اهئ ... كنحس بقلبي كيتقطع ضيعت معاه عام و نص من حياتي ... و لكن ميستهلش ... حمار كلب حيوان ... هكا أصفاء زيدي حقدي ... عليه ... حيت هادشي لي يستاهل و لي يستاهلوا كاملين ... مبقيتش غنعطي قلبي لشي حد مزال ... من اليوم ... قلبي غيبقا ملكي بوحدي ... جففت دموعي ... و قلبي مزال كيبكي ...
