ص : (كتبكي ) اهئ سربي عافاك ... حطيت ودني على الباب كنسمعوا كيقلب فبحال سوارت ... عرفت آخرتي قربات ... شوية بدا كيحل فالباب ... كيتعاقر معاه حتى تحل ... عينيه بحال شي وحش حمرين ... و انا كنطلع. فديباردور ... ح : شديتك ا القطيطة ص : اهئ بعد مني ... فهاد اللحظة لؤي كان كيسمع ... و كان قريب بزاف ... كيحس بالأعصاب راكبينو ... الوحش لي فيه خرج ... زاد السرعة و بدا كيسوق بسرعة جنونية ... وصل لفيلا ...و دخل من بابا اللوراني ... كيسمع صوت حبيبتو ...كتستنجد بيه ... تبع صوت و هو كينهج ... لقاه ... ملصقها مع الحيط و كييبوس فيها ... و هي كتحامي على راسها و كتدفع فيه و تغوت ... شاف داك المنظر زاد جعر ... شدو من قرفادتو ... مدواش ... عطا لجد باباه واحد البونيا ... حتى طاحوا ليه سنانو الفوقانين ... جعر عليه .... بقا كيعطيه الوجه حتى كمارتوا ولات كتقطر بالدم ... وقفوا هو يعطيه بركبتوالمعلم حتى فقص ليه المسائيل ... دري غوت على حر من جهدو ... و سخف ... لؤي : هادا هو لي يقيم على عيالات الناس يا *امل الكلب ... اليوم نقتل *امل بوك ... (شاف فصفاء لي مصدومة ...لاحوا فالأرض و مشا عندها ) ص : (مصدومة و مكتدويش غير دموع ... هابطين من عينيها بغزارة ... ) ل : (عنقها ) صافي احبيتي ... انا جيت ... متبكيش عافاك ... (شاف فحمزة... بان ليه كيتحرك ... بغا يرجع ليه هي تزير عليه صفاء ) ص :(مزيرة عليه ) اهئ بقا معايا اهئ متمشيش اهئ... ل : (عنقها ) صافي شوت ... انا معاك ا حياتي انا معاك ... فهاد اللحظة دخل ياسر مشربن ... شاف داك المنظر عرف ان لؤي دار لي عليه ... واخا هكاك مصبرش ... هزوا من الأرض عطاه واحد 2 بونيات كمليه سنان لي بقاو ... عنق ختو لي كانت باقة تحت تأثير الصدمة ... مسح على شعرها .... و باسها فراسها ... ي : صافي احبيتي ... احنا جينا معندك مناش تخافي شوت ... شوت ... (بقا كيهدن فيها شوية ... دار لؤي براسو إشارة ديال زعما هاهي معاك ... و مشا يطل على حبيبتو ...لي كانت فسابع نومة ... شم الموناضة لي محطوطة ... و عرف بلي فيها شي حاجة ... عيط على واحد صاحبو كوميسير ... و علموا بلي كاين ... اما واليدين فاطمة مجايبين لدنيا خبار حيت حتى هما دار ليهم من مخدر فالحليب ... يعني دارس الخطة ... جاو البوليس ... و شدوه ... و صفاء باقي هي هي ... لؤي : واخا نديها تبات معايا ... ياسر : (شاف فصفاء لي باقة مزيرة على حبيبها فارسها المغوار ... حط إيديه على وجهها هي تقفز ) متخافيش هادا غير أنا ... تمشي معايا ...و لا تمشي مع لؤي ؟ ... ص : (مجاوباتش ... ) الصمت ...
