ما لم يكن بالقلب عليم

بارت٦

البارت السادس
سيف: خابرت خالي لان البنات طلبوا مني اخابره يجي من وكت اليوم وبالفعل ورا حوالي نصف ساعة تقريبا اجا اول ما طب سأل على نور،شكد يحبها !
نور:سلمت على خالي وانطيته نتيجتي اول ما شافها حسيت بعيونه دموعوا ! احتظني حييل وباركلي
بنيتي الرافعة راسي دائما احسج بنتي الثالثة مو بنت اختي بس ! انت نجحتي هالسنة وبعد شهرين يبدي خصوصي السادس وحدور الج على أفضل المدرسين وادخلج كل الدروس اريدج ترفعين راسي بالوزاري
بعيوني بابا مو خالي
مسرة:كافي راح نبجي نريد حلاوة النجاح
خالي:تدللون اليوم بليل نطلع كُلنا طلعة عائلية،ومدتئن ومسرة خابروا ازواجكم خلي يجون هم وسيف خابر عُمر وحضروا روحكم
خالي ما اكدر اني روحوا انتوا
سيف ! دا اكول طلعة عائلية يعني الكل لازم حاضر
بس !
سيف لا بس ولا شي امشي خابر عمر خلي يجي لا يتأخر
إن شاء الله
نور:خالي اكثر شخص بحياتي مدللني ويسعى لسعادتي ما اعرف شون اكدر اجازيه ! تغدينا وكملنا رحت بغرفتي ارتاح نسيت اخابر ريام ابشرها شيخصلني منها بعد ! فخابرتها
ريام:بذات،أنانية متكولين اكو شخص كاعد على نار يريد يعرف اخبارج ويعرف شطلعتي ؟
نور: حقج والله بس اعذريني
ريام: ما اعذرج،مكدرتي تدزين رسالة !
نور: ريام اعتذر،تنذكر متنعاد،بس جنت تعبانة وراح عن بالي
ريام: اسكتي،شطلعتي هسة؟
نور : ريام طلعت ضُمن الأربعة الأوائل
ريام:سبعة انت،جنت متوقعة منج غير هالشي حبيبتي
وانت شلونها كُليتج،دراستج
والله هواية صعبة بس الحمدلله دا امشيها
تعالي فد يوم عندي
والله بنفسي،بس شلون تدرين بعمتج سلوى اذا اجي لازم تجي وياية أكيد وانتِ ..
لا تشيلين هم سالفتي ريام،تعالي وخلي تجي وعادي اني كدامهم متزوجة هسة واحنا بيتنا ماعدنا احد بيه غريب او شباب هواية فتعالي،لإن من صدُك مشتاقتلج
اشوف شلون أدبرها وانطيج خبر،يلا هسة اني رايحة عمج دا يصيحني
الله وياج حبيبي
عمومًا سديت المكالمة منها باوعت للساعة قرب وقت الطلعة لبست هدوم الطلعة اخاف لا يداهمني الوقت وحطيت شي خفيف جداً مكياج وطلعت شفت الكل مكمل الا مسرة من يوم يومها تتأخر،وزوجها دا يحجي عليها
صادق:خالي هاي بنتك شكد تطول؟
والله يا ابني جانت عندي بسرعة البرق أجتي عندك صارت ابطئ من السُلحفاة
صادق:عمي اذا هيج اني اتنازل عنها
مسرة:ها هيج ؟ بعتني !
دا اشاقة وياج حبيبتي يلا امشي تأخرنا
نور:أبتسمت على موقفهم وبساطتهم،دا أركب بالسيارة وتذكرت شغلة
نور:اوكفوا بس دقيقة،ورحت اركض على البيت علما
رجعت،شفت ناس بسيارة سيف وناس بسيارة خالي
مدائن ومسرة وأزواجهن بسيارة خالي
وبيبي وعُمر ووعمة سلمى وسيف السائق
واني واكفة بالشارع ما ادري وين أركب او مترردة بالأحرى اركب بسيارة سيف
عمر:نور شبيج ؟ شمنتظرة اركبي !
نور:وين ؟
بيبي:شبيج نور تعالي يمنا غير
نور:اضطريت اركب بسيارة سيف،لان خالي مع بناته وازواجهن والسيارة مابيها مجال
عمومًا ركبت ووصلنا للمطعم كان كُلش فخم ومُمتاز
كل واحد طلب أكل وخلصنا
بيبي:سيف تكدر توصلنا لبيت خالك عطالله ؟
سيف:اي بيبي تدللون يلا كملوا بسرعة حتى نروح
طلعنا كُلنا ورحنا لبيت خالي الثاني عطالله
خالي عنده ولد اسمه غيث عُمره 25 سنة وسناء وميساء بناته واثنينهن اكبر مني بسنة فقط
سناء جداً لطيفة ومسالمة عكس ميساء تمامًا جانت تحاول تنال مني وتحاول تبرز نفسها على حسابي من جنا نروح ببيت جدي ويه أُمي ونفس الشي أُمها أبداً ما حبن أُمي ولا استلطفوها
طبينا عندهم وضيفونا،حجوا بهواي مواضيع وأمور
اني تعبت رحت اشرب مي شفت ميساء موجودة ابتسمت كمجاملة محبيت ابداً اسوي بلبلة أو مشاكل
ميساء: اي نور شلونج،شطلعتي؟
ضمن الاربعة الأوائل
اها ! مُبارك ..حجتها بنفس غاصة ومو عاجبها
اكولج نور شنو سالفتج مع ابن عمي ؟
ياسالفة ميساء ؟
شبيج حُبي ! صحيح هو هاملج اقصد يعني مجرد بس اسم انت زوجته ؟
نور:حجت بأسلوب ركيك بشكل وواضح جداً ملامح الإستهزاء،مكدرت اتمالك نفسي على الرد عن هيج نماذج
نور:شوفي ميساء أني ساكتة هنا لإنه ضيفة بِبيت خالي عطالله،صدكيني اذا حبيت ارد بنفس مقامج فردي راح يسكتج للابد،لكن اني يلي اختار شوكت ويمتى انزل وارد عليج ! اما بخصوص كلامج فلا يقدم ولا يأخر عندي نهائي ! الزواج هو اسميًا فقط واني راضيةوهو راضي هم، ولو طخت عندي اكدر احققه واعلنه زواج حقيقي وحتى بالمحكمة أسجله ! فصدكيني هالمرة حجيتي مرة ثانية ديري بالج !
نور:حجيتها بقهر بس بقوة ظهرتها لميساء وبكل هدوء هم بينما داخلي يغلي دا أتلفت وانطخيت بكتف ! رفعت راسي جان سيف،شوكت اجا ! جان عاقد حواجبه وباينة عليه ملامح الغضب والإنزعاج
تركتهم ومشيت وما هامني الي صار بعدي طبيت للإستقبال كعدت بصف مسرة وتفكيري شارد
شوية وكام خالي وكُلنا رجعنا للبيت
سيف: صدفة دا امشي غيث رادني بشغلة دا اعمله على تطبيق بالكمبيوتر والبرمجة دا امشي وسمعت صوت اعرفه كُلش زين !
مشيت على كيفي بناحيته جان صوت نور وميساء وهي تحجي بثقة،سمعت كل كلامها متوقعتها هيج ابد ! جانت غييير عن الي اشوفها بالبيت
بالبيت متحجي ونادر اسمعها تسولف،دائما تكون هي الطرف المستمع،عمومًا سمعت حجيها وعرفت ميساء حاجية علينا وعليّة نويت اتدخل بس ترجلت،تركت الساحة لنور عرفت شلون ترد عليها بدون تجاوز أو صوت عالي،مياء كلنا نعرف انسانة تبحث عن المشكلة من جنة صغار وإلى حد الآن
ريام:رحت حاجيت امي علمود شوفة نور وكالعادة رفضت
حاجيت ابوية ورفض
خابرت نور واني مقهورة ومغثوثة خفتت عني وقررت ارجع مرة الخ احاول وياهم
عسى ولعل يقبلون هالمرة،رحت سويت جاي ونكَيت على راس أُمي والحمدلله قبلت هي،بقى أبوية الجزء المُهم،انتظرته للمغرب يرجع وحاجيته بهدوء وسلاسة وشوية شوية قبل بس على شرط وحدة تجي وياي
وأختار عمتي رحاب،حاولت اطلب امي تجي لان بس هي تعرف بسالفة نور،عمتي رحاب صح مسكينة بس ابد ما تعرف بالموضوع واذا اخذها ادري بنور واهلها ينحرجون أكثر
انجبرت اقبل وبالفعل وافقت عمتي رحاب تجي
ريام:نور خاايفة لا باجر ننكشف
نور:بلا هالحجي مننكشف،محد راح يعرف بشي
ريام:نوربصراحة خايفة لا عمتيتريد تشوف زوجج أقصد تريد تشوف أبن خالج
نور:متطلب وحتى اذا طلبت نتحجج هو بالدوام او الشغل،أنتِ تعالي والله كريم
ثاني يوم الصبح كعدت نشيطة ورتبت غُرفتي وكملتها نزلت لبيبتي ولمسرة ومدائن،هن عندهن علم ريام وعمتي راح يجون،وعادي رحبوا بيها مكالوا شي
صار العصر واجتي ريام وعمتي
حظنتها لريام بكُلّ قوة ! هي الحياة بالنسبة إلي،هي الشخص إلي يساني وينقذني،طفولتي ومُراهقتي وشبابي قضيته وحقضيه وياها هم !
طببتهم هي وعمتي على الإستقبال بيبتي دخلت مع البنات وسلموا عليهم هم
اخذت إيد ريام وترخصت منهم وطلعنا فوك
ريام:شكد مشتاقتلج !
نور:اني اكثر منج بهواااي
ريام:شلونج نور؟ ومدت إيدها بحنان على وجهي
مرتاحة ؟
الحمدُلله على كُلّ حال،بالنهاية ماكو شخص يقدر يعيش لحظة سعادة ووالدته ووالده مو جنبه ولا بصفه ! ودموعي بدت تلالي بهدوء
لج ريام ممتخيلين شكد مشتاقتلهم ! مشتاقة لصوت امي وحُضنها،وحضن أبوية وحنانه،مشتاقة لصوت ضحكتنا كُلنا،وأكل أُمي وطعمه المُميز،مشتاقة أرجع طفلة بحضن أمها تختبي من ظُلم الدنيا !
ريام:سألتها لنور،ودموعها بدت تنزل بسلاسة شوي رخت أطرافها وكعدت بالارض منهارة،ادنيت عليها حضنتها بكل طاقتي،بست رأسها،فعلاً هالإنسانة متستحق كل هذا،بعمرها ما فكرت تأذي بشر !
بقينا نحجي هواي،فرغنا همومنا محسينا الإ على صوت مسرة بنت خال ريام تنادينا
مسحنا دمرعنا وملامح القهر ونزلنا
رحاب:يلا ريام تأخرنا هواي
مدائن:خالة ابقوا والشباب موجودين يوصلوكم،بعدنا مشفنا شي منكم
رحاب:لا والله بنتي تاخرنا وحيل تونسنا وياكم
رحاب:نور وين زوجج ؟
نور: ها عمتي منو ؟ أقصد أي هو بالشغل
سمعت صوت سيف وهو ينادي على مسرة
رحاب :الظاهر اجا !
مسرة طلعت من الإستقبال وراحت عليه،شوية وطبوا اثنينهم،سيف سلم على عمتي وعلى ريام
رحاب:الله يسعدكم يارب،حيل لايكين
نور:تسلمين عمة
رحاب:اكول نور زوجج باين الحب من عيونه
نور: ها ! أي اي عمة..وأبتسمت مُجاملة،محسيت الإ على إيد حاوطت أكتافي !
سيف: أي خالة فعلاً،أشكُرج
نور:باوعت جان سيف،لافف إيده على كتفي،خجلت بشكل فظيع،كدام بيبتي ومسرة ومدائن،وبيا حق هو يسوي هيج اساسًا !!!
حساب الكاتبةRyam_Alzubiadi