ذكاء الانتقام

تعريف الشخصيات⁦♥️⁩

الفصل الاول
زاهد بحزن روحتله ي زينب علشان اخد منه حقى بس
زينب بحزن انا كنت عارفه انه عمره ما هيديك حقك س زاهد
زاهد بحزن وعيالى ي زينب ومصاريفهم
زينب ببتسامه تهوين متقلقش ي زاهد وان شاء الله عيالنا هيبنوا نفسهم وخرجت كيان ببتسامه صباح الخير ي بابا
زاهد ببتسامه صباح الخير ي حبيبتى
كيان انا رايحه الشغل بقى اصل النهارده مدير الشركه الحقيقى جاى وادعولى لينظر لها ببتسامه ربنا يوفقك ي حبيبتى وخرجت ندى
ندى بتثاوب صباح الخير
زينب يغضب اغسلى المواعين
ندى نظرت لابوها والله ي بابا دى مش امى علفكره انتوا لاقيينى على باب جامع ليضحك زاهد معلش ي حبيبتى اسمعى الكلام
ندى رضينا بالهم والهم مش راضى بينا
زينب بغضب انا هم ي ندى
ندى لا ي حبيبتى متقوليش كدا انا الهم كله انا داخله اغسل المواعين والله ي ماما انا لما بشوف معاملتك ليا ببقى عايزه الم هدومى فى اكياس بلاستيك واخد النص جنيه الى معايا واروح أجر شقه فنظرت لها زينب ثم ضحكت ي بنتى بلاش مناهده الله يخليكى لتضحك حاضر وذهبت
زاهد بضحك هتفضل كدا طول عمرها
زينب وهى تطبق الملابس اعمل فيها ايه بس وضحكت
ندى كانت تغنى فى المطبخ وهى تغسل المواعين
زينب بزعيق ما بس بقى
ندى بزعيق مش كفايه بغسلك المواعين وبعدين بضرب صوتى انا كليه موسيقى
زينب كليه الندامه
ندى شكرا ي حبيبتى وضحكت ثم أخذت تكمل غسيل المواعين
ودخلت زينب لغرفته ابنتها ال3 ي الله ي رقيه قومى
رقيه نظرت فى الساعه ثم قامت بفزع الصيدليه
زينب بضحك الساعه مش مظبوطه لتضحك رقيه وقامت لبست علشان الشغل ونزلت
وخرجت ندى وهى تقول بابا هو حسن فين
الاب فى شغله ي حبيبتى
ندى طيب
التعريف بالشخصيات
*زينب وزاهد كانوا بيحبوا بعض قبل جوازهم واتجوزوا وخلفوا 4 عيال 3بنات وولد اول بنت كيان فكانت هادئه جدا على عكس من فى البيت وتفكر جيدا قبل فعل اى شىء ولكنها عصبيه جدا لا تتحمل اى كلمه من اى شخص والثانيه وهى رقيه تعمل فى صيدليه وهادئه ايضا مثل كيان تحب عملها كثيرا والاخ الثالث حسن فكان رائد فى الشرطه وكان يريد ان يصل لقائد الجيش كله بسبب ذكائه فى العمل وقرر انه سيصل لهذا الهدف اما ندى فدى حكايتها حكايه صممت انها تدخل كليه الموسيقى مع ان العيله كلها كانت رافضه الا انها صوتها حلو جدا فأخذت القرار انها تكمل فى المجال الى بتحبه ومشاكسه تشاكس كل من فى المنزل وفى اخر الامر فكان زاهد له حق مع اخوه ولم يرضى ان يعطيه له وحزن حزنا شديدا*
-----------------------------------
فى الشركه كانت تجلس كيان وسمعت خبر وصول المدير الجديد وصاحب الشركه فخرجت ورأته وكان حقا وسيم ذو هيبه عظيمه يهاب منه الجميع ودخل مكتبه دون ان يرد على اى احد وكان خلفه عدد كبير من البوديكاردات للحمايه
كيان اخذت الملف وذهبت ودخلت المكتب ليرفع عينه عليها وهو يقول انت مين
كيان ببتسامه رقه انا كيان الدسوقى انا هنا من كام يوم بس حضرتك مكنتش موجود فلما سمعت ان حضرتك جيت قولت اجى علشان اعرفك بنفسى
كريم بخبث ومين قالك انى مهتم انى اعرفك اصلا فنظرت له بكل ثقه وهى تقول بما انى هكون من الفريق بتاعك لازم تتعرف عليا وعلى شغلى علشان نعرف نشتغل لكن ميهمنيش تعرفنى او اعرفك معرفه شخصيه زيي ما حضرتك فاهم فنظر لها اهاااا انت بتردى
كيان ببتسامه لا طبعا انا بس بفهم حضرتك سوء التفاهم الى حصل بيننا ودا السى بتاعى اتمنى انه يعجبك
كريم نظر لها نظره غريبه ثم اعطته الملف وهى مرتبكه جدا من كلامه
كريم امممم مش بطال الا انت اسمك ايه؟.....
كيان ببتسامه اسمى كيان الدسوقى
كريم وانا اسمى كريم الصياد
كيان ببتسامه اتشرفت ي افندم وان شاء الله اكون عند حسن ظن حضرتك بيا
كريم ان شاء الله اتفضلى ي كيان ملفك واتفضلى على مكتبك لما احتاجك
كيان حاضر ي افندم وخرجت من غرفته وهى تقول ببرطمه ايه المدير دا فينك ي استاذ أسر وخرجت ورن هاتف كريم بأسم كاميليا
كريم الو
كاميليا انا فى مصر ليضحك بشده ايه فى مصر
كاميليا انت وحشتنى اوى ي كريم وماما وبابا وكرم وحشتونى اوى نفسى اشوفكوا اوى
كريم بفرحه خلاص هاجى اجيبك من المطار
كاميليا بضحك لاااا انا خلاص قدام شركتك ليفرح كريم طب اطلعى بسرعه وقفل وفتحت باب الشركه صباح الخيييير
كريم بفرحه وهو يضمها وحشتينى اوى ي بنتى
كاميليا وادينى جيت خلاص المهم قولى ماما وبابا هنا ولا فى شرم
كريم لا هنا
كاميليا طب وكرم سافر السخنه مع صحابه فعلا؟.
كريم بضحك طبعا ابوكى مش هيوافق خاصه ان اخوكى طايش كاميليا اطلبلى اى حاجه انا تعبانه اوى ي كريم من السفر
كريم عايزه ايه لتنظر له وهما يقولوا فى سر واحد بيتزا كرانشى حاااار وضحكوا ثم طلب لها ما تريد واتى الاكل واكلوا مع بعضهم
-------------------------------
زينب ندى قومى اعمليلى شاى
ندى نظرت لها انت عارفه ي ماما ساعات بحس ان ربنا بيكفر عن ذنوبى
زينب ببتسامه طبعا ي حبيبتى طول مانت بتساعدى امك لتنظر لها حاضر ي ماما وقامت بغضب ورن هاتفها بأسم كارما
كارما ايه ي ندى عامله ايه
ندى بعمل شاى ي حبيبتى اعملك لتضحك كارما لا شكرا واكملت عملتى ايه
ندى فى ايه
كارما مع امك
ندى والله دا لو لقيانى على باب جامع كانت عاملتنى احسن من كدا لتضحك كارما وهى تقول ي بت علشان اخواتك بيشتغلوا وانت قاعده علشان كدا بقى و
ندى بقولك ايه عزفتى على البيانو
كارما اها طبعا
ندى طب كويس علشان المستر لما يخلينا نغنى انت تعزفى كمان
كارما اها بت بقولك انا هاجى اقعد عندكوا شويه قبل الدرس
ندى بغناء نفسك تررجع انت ملكش مكااااااان دور انى ارجع فانت بعته زماااااان
كارما بنفس صوتها الى فات كله مات ي الله شكرا سلام
زينب بزعيق بطلى غنا الشياطين حواليكى بترقص
ندى ترقص ي حبيبتى انا عيزاها ترقص اقولك انا كمان هرقص لتصوت ندى مره واحده
كارما بخضه فى ايه وايه الدربكه دى
ندى لا دا شبشب امى عادى لتضحك كارما والله ي ندر مفيش فايده فيكى ولا فى جنانك
ندى شكرا ي حبييتى المهم ي الله ألبسى وتعالى هستناكى
كارما ماشى ي الله سلام وقفلت
------------------------------------
فى الصيدليه
رقيه بضحك عارفه ي رؤيه والله انا ساعات بيجيلى معاتيه فى الصيدليه دى دخل رجل السلام عليكم
رقيه وعليكوا السلام اتفضل حضرتك عايز ايه
الرجل حبوب منع الحمل لتنظر له اسمها ايه
الرجل ساميه عبد الحميد لتنظر له بضحك هو انا هطلعلها بطاقه انا عايزه اسم الحبوب يا حاج
الرجل والله ي بنتى مانا عارف فاعطته وقالت دا بيجيب نتيجه مع اى واحده واعطتها له وذهب واكملت شوفتى ي رؤيه لسه مكملتش كلامى وضحكت رؤيه
ودخل احد الشباب لو سمحتى فنظرت له ايوه فنظر لها بحرج شديد
رقيه باستغراب هو حضرتك طالب حاجه معينه فنظر لها وكتبها على الهاتف فنظرت له واكملت بضحك ي سيدى مبروك واعطته الاختبار وذهب
رؤيه بضحك لا لا انا لسه دا اول يوم ليا
رقيه هو انت لسه شوفتى حاجه دا لسه الى جاى احلى
-------------------------------
فى الشركه انهت كيان عملها وهى تقول الحمد لله خلصت شغل لما اروح بقى وفتحت الباب وجرت بسرعه لتنصدم بشخص
....بزعيق المشروع ووقع المشروع على الارض ثم نظرت له بصدمه وهى تضع يدها على فمها من الصدمه..
...............................كيان بخوف انا اسفه انا مشوفتش ان
كريم بزعيق ياعنى ايه مشوفتيش انت عارفه المشروع دا خد منى كام يوم على ما قدرت انى اعمله
كيان نظرت له طب انا ممكن اساعدك تعمله تانى و
كريم بضحك ت ايه لا ي ماما انت الى هتعملى المشروع كامل وبكره الصبح الاقيه
كيان بغضب انت عملته فى كام يوم علشان انا اعمله فى يوم واحد
كريم بغضب بغضب انت الى هتعمليه واكمل بغضب وزعيق المشروع هيتم بكره ان شاء الله لتنظر له بغضب ونزلت ولمت المشروع واخذته وذهبت فى غضب شديد
كريم بغضب ايه دا واخذ عربيته وذهب لفلته
................................
ندى خلاص ي كارما انا نزلت اهو ي الله ونزلت مع كارما وذهبت الكورس الموسيقى
كارما جاهزه تغنى
ندى بضحك طبعا
كارما اغنيه ايه
ندى هتعرفى هناك
وذهبوا وبدأت ندى بالغناء امام جميع زملائها مع عذف كارما للبيانو
ندى *غريب الحب من فهمه ما بين اتنين بيتفارقوا وبين اتنين بيتفاهموا فى حد الحب دا سارقه والفرصه التانيه بنستناها واهو بنصلح غلطات بعد ما عدنا الحسابات حتى ولو مش قاصدين وان كان فيه حاجه احنا خسرناها هنعوض فى الجايات لسه فى عمرنا حكايات هنسيب فرحتنا لمين ونروح ونسيب ونقول محصلش نصيب ونغيب والشوق لو ييجى لاى حبيب يفكره بإلى اتنسى بعد اما جرحه يطيب* ثم عزفت كارما بالبيانو وهى تبتسم وتنظر لها ندى ببتسامه وكان الكل ينظر لها بإعجاب شديد بصوتها الرائع واندماجها بها لهذه الدرجه وخلصت ثم قامت كارما من مكان البيانو وهى تقول بتعب حد ييجى ياخد مكانى
مروان ببتسامه انا هاخد مكانك واكمل مين الى هيغنى
ندى لا انا هعزف وقامت وبدأت كارما بالغناء
كارما *عارف حبيبى وانا شايفاك وسمعاك بنسى كل الدنيا معااك حابه نفسى علشان حبااك حاسه انى بدأت اعيش كل الى انا حلمت بيه لقيته فيك ضحكتك صوتك عنيك.....*
من يدربهم ببتسامه اكتر اتنين عجبونى النهارده بأصواتهم كانت ندى وكارما فعلا صوتكوا حلو جدا واغنيتك مميزه جدا ي ندى
ندى ببتسامه شكرا
اكرم جهزوا نفسكوا للمسابقه الكبيره
ندى ببتسامه ان شاء الله وذهبت مع كارما
كارما بفرحه كان صوتنا فعلا هايل
ندى الحمد لله ي بنتى ودا طبعا احسن حاجه وخبطت بها عربيه
ندى بزعيق انت ي حلوف انت مش تفتح ولا انت اعمى لما انتوا حمير مش عارفين تسوقوا بتسوقوا ليه دا ايه ام القرف دا لينزل شاب جميل ووسيم ليقلع نظارته وهو يقول بغمزه طب ليه الغلط ي جميل
ندى بغضب انت شكلك كدا بنى ادم مستفز وانا مش مستعده اضيع وقتى مع واحد من أشكالك
الشاب لا انت كدا بتغلطى
ندى بتريقه ي حبيبى
الشاب طب اسمك ايه
ندى اسمى؟ امممممم لتنزل لمستوى كوتش العربيه ببتسامه عرفته وقامت
الشاب بغضب انت ازاى تعملى كدا و
ندى ي الله ي كارما وشدتها وذهبوا دون اى حديث لتضحك كارما ايه ي بنتى انت مش خايفه منه
ندى ودا حد يتخاف منه دا صايع المهم قوليلى انت فعلا هتسافرى
كارما لا معتقدش
ندى طب الحمد لله
----------------**----------------
فى منزل كريم
كريم كان يفكر فيما حدث ثم مسك رأسه بوجع شديد
كريم بدموع امتى ي كريم امتى تلاقى الى قتل ابوك وقتها هتقدر تاخد حقك منه وتقدر تحرق قلبه زيي ما حرق قلبى على ابويا انا شوفته بعنيا وهو بيقتله بس ازاى مش عارف اوصله وتوعد له هقتلك لو لقيتك ي زاهد هقتلك صدقنى ووقتها مش هتخلص من شرى ولا انت ولا اى حد قريب منك هيخلص من شرى وضحك بشر بكره اندمك على اليوم الى فكرت تقتل فيه بابا
-------------------------------------
ذهبت ندى المنزل
ندى على السلم ي بابا ي حااااااج حسااااااان بت ي كياااان
حسن بغضب اسكتى بقى انت علطول صداع
ندى وهى تخلع الكوتشى حبيبى انت جيت
حسن لا دا انعاكسى
ندى ظرافه اخويا والله ي حسن
حسن والله انا كرهت البنات بسببك
ندى اخص عليك ي حسن دا انت المفروض تنتقم من اى بنت تشوفها
حسن اسمها ندى لتضحك ندى لا كدا هنزعل من بعض
حسن صحيح ي ندى وخرج الاب زاهر انا نازل اجيب حاجه وجاى
زينب ماشى لتمسك به ندى بغناء قولولى ازاى اسيبه يروح قولولى ازاى دا هو الروح قولولى لمين هعيش لو راح دا لو غاب يوم بعيشه عذاب
زاهر بضحك دا هيكون ربنا رحمنى من جنانك
ندى بضحك انا غلطانه انى بغنيلك بقى وكدا
زاهر متغنيش انا ماشى ونزل وهو يضحك على جنانها وخرجت كيان وهى فى قمه غضبها
ندى قلب اختك مالك أحبيبتى
كيان ندى والله ما ناقصه ظرافتك
حسن بصحك كبسه
ندى خليتى الى ميسواش ربع جنيه يقولى كدا لتضحك كيان ي بنتى الله يكرمك سبينى فى حالى
ندى ايه دا
كيان ايه
ندى ي شيخه ايه دا
كيان ايه ي بت فى ايه
ندى كل ما تتعصبى تحلوى اها والله لتضحك
ندى بغناء لا لا لا دا حكايه ويا دوب بضحكايه خلانى اعشق هوااااه لا لا لا دا حكايه وعيونه دى كفايه حلت فى عينى الحياه وضحكت كيان
ندى انا هقوم انام انا علشان تعبت وهصحى بالليل
ودخلت غرفتها وفتحت كشكولها ونزلت دمعه منها وهى تقول امتى اخلص من الوجع دا بقى ولا انا هفضل عايشه بيه وبكت ثم نامت
-------------------------------
ظلت كيان جالسه طوال الليل وهى تفعل المشروع حتى أذن الفجر فصلته واكملت المشروع
كيان اشوفك والع ي كريم واكملت لا انا الى هولع فيك واشوفك ولاع ليه والله انا طيبه ومش هستحمل اشوفك والع وضحكت على نفسها وعلى كلامها وظلت تكمل المشروع التى كانت تفعله
------ --------------------------
رقيه كانت جالسه ترسم الشروق فهى تعشق هذا الوقت وتعشق الرسم والتلوين فكان كل واحد منهم يعشق شيئا وكان كل واحد ينمى هذه الموهبه لديه
--------------------------------
فى صباح يوم اشرقت فيه شمس مليئه بالأمل والتفاؤل فقامت ندى بكل نشاط وفتحت ستاره شباكها ونظرت لجمال الطيور ثم خرجت وجدت امها
ندى انت عارفه انا لسه صاحيه بنشاط وامل وتفاؤل فمتموتيش امل ماشى ي ماما لان انا النهارده اجازه فاللهم صلى على النبى كدا عايزه اقضى معاكى يوم حلو و حياه ابنك الى بياكل تفاح دا لاغسلك المواعين بس بلاش بوز مرات ابويا على الصبح دا لتضحك زينب ماشى ي ام لسان مترين وضحكت ندى وخرجت كيان وعيونها منتفخه
الكل مالك ي بنتى
كيان مفيش انا ماشيه ومشت بغضب دون ان تتحدث
رقيه خرجت وهى تغنى عود البنات
حسن عالى يشقبلى انا حالى لتزغرط ندى عود البطل ملفوف
حسن بغضب هو انت حرام لو اتعاملتى مع الناس بهدوء
ندى بضحك اها ي قلبى وضحكت وقامت ودخلت غرفتها وفتحت نفس كشكولها لتقول بدموع تعرفى ان مش بتعدى عليا لحظه حلوه الا لما اترحم عليكى ربنا يرحمك....
- - - - ------ - - - - -- --------
ذهبت كيان ثم وضعت المشروع اتفضل
كريم نظر لها برافو انك خلصتيه بالسرعه دى
كيان نظرت له بغضب
كريم بس مال عيونك
كيان والله كلك نظر المشروع خلص بسرعه جدا
كريم مانا عارف
كيان هبدت على مكتبه بغضب شوف انا عمرى ما قولت لحد كدا بس دلوقتى بقولها انا لو قدرت انتقم من الى انت عملته هنتقم
كريم ببتسامه وهو يرجع بكرسيه للخلف وي ترى بقى بتهددينى
كيان لا التهديد دا مش من طريقى انا بنفذ علطول
كريم ببتسامه وانا هستنى
كيان رفعت رأسها بضحك انت الى اتحديت يبقى تستحمل وخرجت من مكتبه وهى تقول والله لاخليك تلف حولين نفسك وضحكت وخرجت.
--------------------------
ي ترى ندى مين الى لما بتفتكره بتعيط؟....
كريم عايز ينتقم من زاهد ي ترى لما يعرف أن كيان بنته ممكن يعمل ايه وازاى اصلا زاهد هيقتله هل ممكن يكون سوء تفاهم؟
وكيان بتفكر وتعمل ايه فى كريم؟.....
استنونى البارت الجديد ان شاء الله من روايه ذكاء الانتقام
رأيكوا؟؟......⁦♥️⁩⁦♥️⁩