ذكاء الانتقام

خطه حسن بمساعده ميرنا 😉

الفصل السادس عشر
حسن فى ايه
ميرنا بدموع اخويا خد العلاج الغلط والدكتور قال انه لو خد حاجه غلط ممكن يحصل مضاعفات
حسن رجع شعره للخلف بغضب وانت ياعنى غبيه مش المفروض تاخدى بالك
ميرنا بدموع طب اعمل ايه
حسن بزعيق انت لسه هتعيطى اتنيلى شوفى اى دكتور جمبك فى المنطقه ودورت فعلا وجابته وكشف الدكتور وقال ان مش هيحصل مضاعفات غير انه هيجيله هبوط طول اليوم وكلمت حسن
حسن الو
ميرنا بحزن بقى كويس
حسن الحمد لله انا اسف لو
ميرنا مع السلامه وقفلت دون سماع الكلام
حسن نظر لادم
ادم ايه عملت ايه
حسن حكى له
ادم مينفعش تكلمها كدا هى مش واحد من العسكرى بتوعك ي حسن دى بنت وليها معامله خاصه
حسن لا ي شيخ
ادم رن اتصل عليها
حسن وانا هرن عليها ليه ما تتفلق هى كانت من بقيت عيلتى انا ماشى ي عم اخواتى عايزينى فى البيت علشان الفرح بكره سلام
ادم بضحك سلام وذهب حسن
-------------------------------------
ندى خرجت لمروان ايه رأيك
مروان نظر لها انت كل مره بتحاولى تبهرينى بتصدمينى ي حبيبتى اها والله
ندى ليه الميكاب وحش
مروان زفت
ندى بغضب مروان!....
مروان انت مبتعرفيش تحطيه اقتنعى بكدا دا اولا ثانيا انت شبه مصاصين الدماء بيضاء جدا جدا انت حطيتى وشك فى البودره بدل ما تحطى البودره على وشك ثانيا رسمه العين انت لو كنت عملتيها عند ام عبير جارتنا كانت هتبقى احلى من كدا وبعدين احنا عايزين نكون مظهرنا حلو مش يخض ي قلبى
ندى بطلت تريقه خلاص
مروان هو انا لسه قولت حاجه
ندى انت صديت نفسى واكملت بدموع انت عايز تعكنن عليا قبل الفرح صح وكسرت كل الميكاب واهو ي مروان مش هحط حاجه ودخلت الغرفه ورزعت الباب فى وشه
مروان خبط
ندى بزعيق متدخليش وملكش دعوه بيا فدخل مروان وحدفته بالمخده قولتلك متدخلش وظلت تحدفه حتى دخل وكتف يدها واكمل اتهدى ي متخلفه
ندى بغضب اوعى انا شبه مصاصين الدماء وجلب منديل ومسح لها كل ما وضعته ووقفها امام المرأه قوليلى بقى انهى احلى وانت كدا ولا بالقرف الى انت كنت حاطاه نظرت له انا اصلا حلوه مش محتاج توضح
مروان حلو اوى كدا انت الى قولتى اهو يبقى نروح الفرح كدا
ندى من غير م
مروان من غير اى حاجه انت كدا زيي القمر
ندى ضربته انا شبه مصاصين الدماء
مروان هما مصاصين الدماء وحشين
ندى اها
مروان ضحك وهو يلعب فى شعرها واكمل ببتسامه تعرفى ي ندى نفسى لو جبت بنت تبقى شبهك اوى كدا علشان ادلعها انا لو جالى بنت هدلعها اوى ولو ولد يبقى يتربى
ندى بضحك ايه التفرقه دى
مروان علشان يكون راجل يتعلم بنفسه ومتذاكريش معاه كل حاجه يعملها لواحده انما لو بنت طبيعى هتحتاج مساعدنا
ندى ببتسامه معاك حق
----------------------------------
كيان كريم ي كريم كيييمو
كريم بنوم عايزه ايه
كيان جعانه
كريم تعالى كلينى اعملك ايه ياعنى
كيان عايزه اتعشى برا
كريم الساعه كام
كيان لسه11
كريم طيب قومى نامى تصبحى على خير
كيان بدموع ماشى ي كريم انت عايز تنام وبس وخرجت من الاوضه
كريم يلعن ابو الجواز مانا كنت فى بيت أمى بنام براحتى وقام ونزل لتنظر له بدموع ثم لفت وشها
كريم جلس جمبها بقى  حد يكون جمبه القمر دا ويبص الناحيه التانيه
كيان اها انا
كريم قومى ألبسى ي الله
كيان بفرحه بجد
كريم اها والله واكمل مقدرش اقعد وانت زعلانه
كيان بفرحه انا بحبك اوى
كريم وانا كمان ي حبيبتى وقام انا هدخل اخد دش تكونى لبستى
كيان حاضر وقامت
كريم فرح من فرحتها واكمل لا الجواز حلو لما تكون بتضحك ووحش لما تكون معكننه عليا وضحك ودخل ياخد دش
------------------------------------
نور بزعيق ي زفته
رقيه ايه عايزه ايه
نور الجذمه السوده فين
رقيه وانا هعرف مين
نور بغضب انت الى كنت لابساها ودخل حسن
حسن بخضه اعوذ بالله من الشيطان الرجيم
نور بقولك ايه لو جاى تتريق اطلع برا مش ناقصه خفه دمك
جاسمين نور
نور نعم
جاسمين عارفه طنط سهر
حسن وليه السيره الهباب دى
جاسمين سمعتها لما كنت مع عمو مراد النهارده بتكلم حد بتقوله انها هتدى منوم لعمو مراد بس ياعنى ايع منوم
نور بصدمه ايه
حسن شالها ووقف نور طبعا انت عارفه خالو بيحبك قد ايه
جاسمين طبعا
حسن امتى بقى الكلام دا
جاسمين لما عمو مراد كان هنا وخدنى معاه نجيب ورد وروحنا علشان يغير هدومه وهو كان فوق وانا كنت بلعب ووقفت اسمعها انا اسفه ي نور عارفه انه غلط مش هعمل كدا تانى
حسن ايه الى سمعتيه
جاسمين انها هتدى منوم لعمو مراد وتضيع عليه الليله بس ياعنى ايه
حسن نزلها طيب ي حبيبتى
ونظر لنور دبور وزن على خراب عشه بكره ان شاء الله بقى انا هخلى نهارها اسود اصبرى وشوفى حسن هيعمل ايه وفكر انه يجيب ميرنا هتكون طرف كويس فى حل المشكله ودخل غرفته
ميرنا بغضب بترن عليا ليه
حسن انا اسف عارف انى غلطت بس عايزك فى موضوع محدش هيساعدنى فيه غيرك انت
ميرنا خير
حسن حكى لها الحوار
ميرنا طب وانا هعمل ايه
حسن رقاصه
ميرنا عند امك واكملت اقصد ان
حسن عارف انه دور صعب بس معلش لازم تساعدينى ولا اختى
ميرنا طب مينفعش اطبل لازم رقاصه رقاصه بس انا محجبه ولبسى محترم
حسن ي ستى تعالى بلبسك العادى وهنتصرف وقتها ماشى
ميرنا بضحك اتفقنا
--------------------------------
مراد الو
نور ايه ي حبيبى
مراد يااااه حبيبى مره واحده
نور بضحك بقولك ايه انا ورن الجرس طب خليك معايا وفتحت
مراد نظر لها بصدمه كانت تلبس عبايه واسعه جدا وطرحه وربطاها على دماغها بشكل مضحك
نور نظرت له بحرج
مراد دخل فى قمه شياكته
رقيه نظرت لهم بضحك وهو تقول عندما يعشق مراد شحاته وضحكت بشده ونظر مراد لنور وضحك
نور مش انت هتبقى جوزى يبقى لازم تاخدنى وانت عارف حقيقتى ولا ايه
مراد بضحك ايه وخرج حسن ونظر لهم بضحك
نور هو فى ايه ي جماعه هو انا شكلى وحش اوى كدا
مراد بضحك والله لو لبستى ايه قمر بردو
نور يخليك ليا وانو رافع من معنوياتى ورن هاتف رقيه باسم ادم لينبض قلبها بشده وتغيرت ملامحها
حسن بضحك مين الى رن عليكى خايفه اوى ليه كدا
رقيه لا مفيش دى صاحبتى انا هدخل اكلمها وردت الو
ادم ازيك ي رقيه
رقيه فيه حاجه ولا ايه
ادم طب ردى على السلام حتى
رقيه انت مفكرنى من البنات اىى
ادم انت نسيتى مفاتيح عندى معرفش دى بتاعت ايه انا بس كنت برن عليكى اقولك
رقيه بنبض قلبها ماشى ي ادم واسفه لو كنت كلمتك بأسلوب مش حلو انا بس متلغبطه شويه
ادم متلغبطه لي علشان بكلمك؟..
رقيه نبض قلبها بشده وهى تقول انا عمرى ما عملت حاجه من ورا اخويا
ادم وايه الى خلاكى تعملى كدا وتتكلمى من وراه احنا مبنعملش حاجه غلط انا بكلمك علشان نسيتى حاجه والله لو فى غلط يبقى من ناحيتك انت مش من عندى
رقيه نبض قلبها بشده وخوف انا اسفه لو كان كلامى ضايقك
ادم انت صوتك خايف ليه ؟....
رقيه كانت خايفه جدا وقلبها بينبض بشده
ادم ألو
رقيه الو معاك اهو
ادم لما تيجى تغيريلى على الجرح ابقى خدى حاجتك
رقيه بارتباك ان شاء الله وقفلت
ادم رجع شعره للخلف ببتسامه وهو يقول انت عملتى فيا ايه ونام بفرحه على سريره
ادم بوجع اهاااا واكمل بضحك ياريتنى ما فرحت وضحك
----------------------------------
رقيه بخوف انا كذبت اكيد ربنا هيكشفنى لان الكدب ملوش رجلين ولما احنا مش بنعمل  حاجه غلط بخاف ليه هو مجرد مريض عندى طب قلبى بيدق ليه معقول اكون ....وبرقت لا لا مستحيل طبعا مستحيل واكملت سلمى انا هكلم سلمى
سلمى الو
رقيه سلمى
سلمى ايه
رقيه بما انك مخطوبه بقى وكدا عايزه اسألك عن حاجات اختى سالتنى عليها
سلمى اسالى
رقيه هو ايه الاحساس لما تشوفى راجل غريب وقلبك يدق اوى
سلمى ماهو ي اما عليكى ليه فلوس وخايفه منه او ماسك عليكى ذله او بتحبيه
رقيه بصدمه بحبه
سلمى ايه
رقيه طيب ولما يكلمك وتبقى مرتبكه وخايفه وقلبك هيطلع من مكانه
سلمى حب ي عمرى
رقيه قفلت فى وشها حب ي نهار اسود ي نهاار اسود لاا انا اخر يوم هشوفه بكره ان شاء
الله واكيد مش هلحق احبه هسيبه مليش دعوه بيه
حسن من خلفها هو مين دا لتبرق بصدمه حسن!.....
------------------------------
استنونى لو عجبكوا وصوتولى بقى 😂⁦♥️⁩⁦♥️⁩