ذكاء الانتقام

اعتراف كريم بحبه لكيان⁦♥️⁩

الفصل الخامس
فى بدايه يوم جديد
ندى استيقظت من نومها وهى تقول بتعب ي ربى ضهرى مش قادره واجعنى اوى معقول اكون خدت برد اكيد دا برد وقامت بوجع وتعب شديد ورن هاتفها
ندى بغضب ي عم ارحمنى بقى انت مش وراك غيرى وفتحت الو
مروان صباح الخير ي حبيبتى
ندى صباح النور ايه اخبارك ايه مروان
مروان الحمد لله بخير
ندى الحمد لله
مروان مال صوتك بيقول انك تعبانه
ندى ضهرى واجعنى اوى
مروان نمتى عليه غلط
ندى بضحك ازاى ياعنى
مروان بضحك ي ندى الله يخليكى فتحى مخك مش وقت هزار
ندى لا ي زميلى منمتش عليه غلط المهم هتخلص شغلك امتى
مروان لاا مش دلوقتى خالص ورايا شغل بالهبل واكمل ببتسامه خلاص كلها 3 ايام وتكونى معايا
ندى امممم
مروان طيب هقفل معاكى دلوقتى علشان شغلى
ندى ماشى سلام وقفلت الخط روح فى داهيه تاخدك وتاخد امك والى جابها دا انتوا عيله نكد مش عارفه هعيش معاك بتقل دمك دا ازاى ونزلت لتحت
كيان جهزت حقيبتها هما يومين بس وهرجع علطول وودعوها وذهبت
---------------------------
فى المطار نظرت كيان لكريم ببتسامه صباح الخير ليقلع نظارته الشمسيه التى تزيد من وسامته صباح الفل اتأخرتى ليه واقف مستنيكى من زمان
كيان معلش هعمل ايه بس علشان كنت مع ماما واخواتى
كريم ودور الصعبنيات دا انا عارفه
كيان ضحكت وحملت الحقيبه ي الله
كريم هاتى الشنطه
كيان بحرج لا لا طبعا انا هشيلها
كريم عيب لما تشليها وانا معاكى فنظرت له اتفضل
وركبوا الطياره
كريم تحبى تفطرى
كيان لا امى فطرتنى
كريم بضحك واديتك السندوشات
كيان بضحك انا شامه ريحه تريقه فى الموضوع
كريم لا لا ابدا
كريم بس قوليلى ي كيان انا عايز اعرف عنك اكتر
كيان نظر له وهى تقول بس الاول كنت بتقولى ان مفيش معرفه شخصيه بيننا
كريم بس انا عايز اغير
كيان وي ترى ليه
كريم هتعرفى بعدين المهم عندك اخوات
كيان اها حسن وبيشتغل رائد فى الشرطه لسه مترقى السنه دى وعايز يكون القائد وهو ذكى جدا وان شاء الله هيوصل لكدا واختى الصغيره ندى
شقيه جدا وكليه موسيقى لانها بتحب الغناء اوى وصوتها حلو والناس كلها عارفه دا بس هتتجوز قريب
كريم نظر لها باستغراب هى ندى دى اصغر واحده فيكوا
كيان تقصد اعند واحده فينا ندى عايزه تعمل الى ابويا معرفش يعمله وتجيب حقنا
كريم مش فاهم
كيان دا موضوع يطول شرحه واختى رقيه بتشتغل فى صيدليه واكملت بحزن ونور ودى تاهت وهى صغيره ولحد الان منعرفش عنها اى حاجه خالص
كريم ازاى فحكت له الحكايه
كريم بتنهد نصيبها بس هى اكيد بتدور عليكوا لو كانت عايشه
كيان مفتكرش
كريم مش عارف
كيان وانت
كريم انا اكبر اخواتى واكمل بحزن وامى ماتت من بعد ما ولدت كرم كان وقتها عندى 10 سنين ليقول وتتولد من عينه شراره وابويا اتقتل على ايد عميل عنده ملوش اى 60لازمه دورت عليه بس انا خدت عهد على ابويا وعلى نفسى انى مش هسيبه الا لما اجيبه واندمه على اليوم الى فكر انه يقتل ابويا فيه واكمل واختى كاميليا دكتوره نفسيه واخر واحد دا بقى كرم حكايته حكايه تقريبا مش متربى
كيان بضحك ليه بقى
كريم بتنهد مش عارف حقيقى ي كيان انا بحكيلك كل دا ليه
كيان يمكن علشان خدنا على بعض فى الشغل
كريم نظر لها وهو يقول وليه ميكونش حاجه تانيه
كيان ايه؟
كريم ولا حاجه هو انا ممكن اسألك سؤال شخصى شويه
كيان اتفضل
كريم احم هو انت مرتبطه بشخص معين او
كيان بشهقه انت عايز ابويا يقتلنى فضحك كريم وهو يقول ريأكشن وشك كفيل انه يخلينى اضحك من هنا للصبح
كيان دا كان رمانى من البلاكونه
كريم نظر لها وهو يقول انا معجب ببنت بتشتغل معانا فى التيم لتنظر له مين
كريم اكمل مش لازم اقولك مين بس ازاى اعترفلها بمشاعرى وانا عارف ان اهلها صعبين وانها استحاله تعمل حاجه غلط
كيان مانت هتتقدملها فين الغلط فى كدا
كريم نظر لها ياعنى انت شايفه انى اقولها
كيان اها طبعا قولها واستحاله ترفضك
كريم كيان!...
كيان نعم
كريم انا بحبك..
-----------------------------------
ندى لا ي ماما ضهرى وجعنى اوى فعلا معتش قادره حاسه ان
زينب انت لسه هتوصفيلى احساسك خدى العلاج وخلاص
ندى بضحك والله انت وليه فصيله
زينب احترمى نفسك ي ندى
ندى ي ستى سكتت اهو وخبط الباب
ندى بصدمه طنط سهر
سهر ازيك ي خطيبه ابنى
ندى الحمد لله ي ام خطيبى لتنظر لها سهر بغضب
ندى لا بصى ي طنط المعامله بالمثل ماشى هتعملينى حلو على عينى وعلى رأسى غير كدا يبقى معنديش انا بس وافقت علشان بحب مروان
سهر بضحك وانت مفكره ان لعبه انك بتحبيه دى داخله عليا هى هتدخل عليه لانه بيحبك لكن انا لا مش عارفه ازاى بص لواحده فى شكلك ولبسك واسلوب كلامك المقرف دا الى الناس مسمياه حلاوه روح
ندى نظرت لامها بضحك وهى ترجع شعرها للخلف امممم طب بصى ي طنط علشان نكون متفقين كدا ي تعاملينى كويس ي هتخسرى ابنك واظن انك عارفه انى دلوقتى مسكاكى من ايدك الى بتوجعك انا بحب مروان و ليدخل مروان بضحك ايوه اثبتى بقى عند الكلمه دى ابوس ايدك ودخل وهو يقبل يدها ويد امه وسلم على زينب
ندى مثلت الوجع
مروان بقلق انت كويسه ولا اجبلك دكتور
ندى اهاا ي مروان مش قادره حاسه انى تعبانه اوى
مروان بتنهد الف سلامه عليكى ان شالله انا وانت لأ
ندى بعد الشر عليك ي حبيبى وغمزت لحماتها
سهر بغيظ ماشى ي ندى انت الى بدأتى الحوار دا كله ومش هتخرجى منه الا وانت خسرانه حاجه وذهبت
مروان ماما ي ماما ونظر لندى مالها
ندى مفيش قفشنا شويه وترك ندى وجرى لامه
زينب بغضب ندى الى بتعمليه دا غلط
ندى محدش له دعوه بيا صح غلط انا عايزه اعمله وقامت بوجع ودخلت غرفتها وهى تقول بدموع انا تعبت مبقتش عارفه انا عايزه ايه ولا ليه كل دا بيحصل بس صدقونى ان انا مش هسكت عن المهذله دى كتير وان حقى وحق اهلى الى من سنين هيرجع تانى ي ماما انت وبابا
-----------------------------------
فى الشرطه
ادم جهزوا نفسكوا اننا هنطلع مهمه جديده النهارده
حسن هتتم فين
ادم نظر له فى الواحات
ادم عدد الاشخاص
ادم 16
ادم مده التصدير
ادم الساعه 5
ادم نوع الشحنه
ادم نظر له ببتسامه حشيش
محسن بضحك نروح نشيش شويه ونرجع لينظر له الجميع ليرجع شعره للخلف بحرج ثم ضحك الجميع
حسن والله ي محسن انت فى وادى والعالم كله فى وادى تانى
محسن بضحك انا طبيعى مخى بيحشش لواحده ليضحك الجميع ثم قال حسن متقلقش انا هقدر انى اقبض عليهم
ادم لو عملت كدا هتكون نقيب
حسن مكنش مصدق انه لو فعلا كسب المهمه دى فعلا هيكون فعلا نقيب وانه هيعافر علشان يقدر انه يوصلها حتى لو هيفديها بروحه المهم انه يحقق الى كان نفسه يعمله
--------------------------------------
كارما ماما انا هنزل علشان اجيب حاجات من السوبر ماركت سلام ونزلت ورأت عربيه امام منزلها والشخص الذى بداخلها ينظر لها ببتسامه
كارما مصدقتش نفسها وقربت من العربيه حتى خرج شاب جميل فى اواخر العشرينات
كارما بدموع لا لا انت
محمد ببتسامه لا صدقى ي كارما انا رجعت من السفر خلاص
كارما نظرت له انا انا فرحانه اوى انت جيت امتى
محمد بضحك تعالى بس اركبى ونروح نقعد فى اى مكان واقولك
كارما لا امى فوق تعالى نطلعلها
محمد بضحك ماشى ي مجنونه ي الله نطلع لمامتك
*محمد هو معشوق كارما فكان يعشقها منذ الصغر فهو سافر لاستكمال دراسته ورجع من سفره وهو لم ينساها فكانت هى من تصبره على ما هو فيه دائما وكان قايل للناس كلها ان دى حبيبته ومخافش ابدا من اى حد*
----------------------------------
سهر بزعيق انا مش حابه زفته دى ي ابنى دى بتلعب عليك الله يهديك
مروان بزعيق انا مش صغير علشان حد يضحك عليا انا بحبها وهى بتحبنى قولى بقى انك كرهاها علشان كدا عايزه تفرقى بيننا بس بقولك لا ي ماما انا بحبها ولو حتى هى مش بتحبنى فانا هعيش معاها بحبى انا مش عايز حاجه غير انها تكون جمبى ماما انا بعشقها انا لما سيرتها بتيجى انا ب
سهر بزعيق حب كل ما اكلمك تقولى بحبها فيه حاجات تانيه اهم من الحب انها هتكمل معاك حياتك
مروان وانا مش مستعد اكمل حياتى مع واحده انا مبحبهاش
سهر بس هى لو مبتحبكش انت مش هترتاح
مروان لا ي ماما لو معاها هرتاح وهستحمل منها كل حاجه ي ماما انا بحبها بقولك بحبها وانا سمعتها وهى بتقولك انها بتحبنى انت ليه مش مصدقانى
سهر بزعيق انت اعمى بحبها بس صدقنى انك هتندم فى الاخر ي مروان متنساش انى حذرتك وانى قولتلك الى هيحصل وتركته وذهبت ليكسر كل ما حوله ورنت ندى
ندى مروان انت مجتش ليه
مروان مفيش حاجه ي ندى زمانى جاى
ندى بضحك ايه زمانى جاى دى
مروان ضحك وهو يرجع شعره للخلف
ندى الناس بتقول زمانه جاى وانت المفروض تقول مسافه السكه جاى اهو اى حاجه انما زمانى جاى دى وردتش عليا فى القاموس ليجلس على الكنبه ويضحك وهو يقول تعرفى ي ندى انى فعلا محدش بيقدر يغير مودى غيرك انت لتسكت ندى
مروان بصوت زيي الاطفال ندى انت فعلا بتحبينى زيي مانا بحبك
ندى اكيد طبعا
مروان ندى مش عايز حاجه تفرق بيننا انا ما صدقت انك تكونى معايا
ندى متقلقش ي مروان انا بحبك وهفضل معاك وشيل اى حاجه من دماغك وحشه واتخيل ايامنا وهى كلها حب وسعاده وعيال صغيره حوالينا ليقول بلهفه امتى بقى الايام دى تيجى
ندى قريب ي مروان كلها كام يوم ويحصل الفرح مش فاضل كتير اوى
مروان مش فاضل على الحلو الا نصه
ندى الى خلاك تصبر كل دا مش هتقدر تصبر كام يوم ي مروان
مروان تنهد وهو يقول ندى انا بحبك
ندى وقتها ابتسمت وهى تقول وانا كمان بحبك ي مروان ومش عايزه كلام اى حد يأثر عليك انا فعلا بحبك ولو مكنتش موافقه كان زمانى قلبت الدنيا والتربيزه عليك
مروان فرح من كلامها دا واكمل طب انت كويسه
ندى ي حبيبى والله تمام ومتتعبش نغسك قوم غير هدومك وصلى ونام
مروان ببتسامه حاضر ي حبيبتى وقفل ثم توجه لغرفته وهو فى راحه نفسيه
ندى بتأنيب ضمير والله ي مروان حرام الى هعمله فيك دا بس صدقنى غصب عنر عيلتك هى الى عملت فيا كل داا
---------------------------------
مراد كنت بتكلم ندى
مروان بضحك هو انا ليا غيرها ي عم
مراد بتنهد وهو يضع مفاتيحه انا اتفقت مع المحامى انه ييجى علشان يرجع كل حاجه لاهلها تانى يوم كتب الكتاب زيي ما اتفقنا
مروان كويس اوى انك عملت كدا دلوقتى هكلمها اقولها
مراد ماشى
-------------------------------
زينب واخرتها ايه ي ندى ي بنت بطنى
ندى اخرتها فل وعسل وهنا ان شاء الله متقلقيش بقى عليا ودخلت رقيه بصويت ماماااااا الحقينى لينظر لها الكل بصدمه فى ايه
رقيه......
-----------------------------
ايه رأيكوا فى البارت دا يا رب تكون روايتى عجبتكوا⁦♥️⁩⁦♥️⁩ لو عجبتكوا صوتولى 😂⁦♥️⁩⁦♥️⁩