ذكاء الانتقام

بدايه مرحله الانتقام

الفصل الثانى
خلصت كيان شغلها واكملت ببتسامه شر انت الى جبته لنفسك ي كريم ودخلت مكتبه ووضعت سمغ على كرسيه لتقول بضحك هو هتضحكنى لما تيجى تقوم ومتعرفش زيي محمد هنيدى ثم وقفت وقفتها العاديه وخرج من حمامه وهو ينظر لها بشك
كيان هو حضرتك بتبصلى كدا ليه
كريم ولا حاجه ونظر للكرسى ليجد قطعه من السمغ لينظر لها وهو يقول طب لما تعملى كدا انا مش هعرف
كيان نظرت له
كريم نظر لها بتنهد كيان هاتى الملف واخرجى
كيان انا شايفه ان معاك حق اتفضل الملف وعن اذنك اخذه كريم وذهبت كيان
كريم تنهد بزهق وزق الكرسى وهو يبتسم ثم جلس على كرسى اخر
----------------------------------
فى عمل حسن
محسن بيقولوا قائد الجيش جاى بكره
حسن نظر له مين دا
محسن الى هيدربنا كلنا وقالوا انه شديد وصعب اوى ومعندوش رحمه فى التدريب
حسن ببتسامه وايه المشكله علشان نوصل لهدفنا لازم نسعى كويس
محسن حسن
حسن انت عايز تقول ايه من الصبح وانا شاكك فيك
محسن بصراحه كدا انا عايز اتجوز اختك لينظر له حسن بضحك وضح انهى واحده فيهم
محسن معرفش غير انها هاديه اوى وصيدلانيه
حسن بأسف انا اسف ي صاحبى بس رقيه مش هتتجوز لينظر له محسن باستغراب ليه
حسن نظر له لانى مش هجوزها لواحد شمام زيك ي محسن ولا انت فاكر انى نايم على ودانى وخلى بالك ان القائد الجديد دا هيبطلك الزفت الى بتشربه وخلى بالك انه صعب اوى زيي مانت قولت فياريت تبطل الزفت الى بتشربه وقتها هسلمك اختى وانا مطمن عن اذنك وقام وترك المكان
-------------------------------
ندى نظرت للصوره بدموع امتى ي نور ترجعى امتى ليه مشيتى وسبتينا لتتذكر الواقعه من عشر سنوات
فى حديقه الاطفال
نور ندى ي ندى
ندى ايه ي نور عايزه ايه
نور انا عايزه غزل البنات من عمو الى هناك دا ولو قولت لماما مش هترضى فخليكى انت هنا وانا هاروح اجيب وارجع
ندى ماشى هاتيلى معاكى وترجعى بسرعه
نور حاضر وذهبت نور
زينب اختك فين ي ندى
ندى بخوف بتلعب هناك
زينب طب ي الله علشان هنمشى وظلت ندى تنظر الناحيه الى ذهبت منها نور ولكنها لم تجدها ولا انها اتت
زينب بخوف نور فين ي ندى
ندى حكت لهم ما حدث
ندى بدموع ومن يومها ي نور وانا مش عارفه عنك حاجه طب ليه انا معملتش حاجه انا كنت فى اولى ابتدائى وقتها كنت صغيره اوى ي نور ي ترى انت فين او بتأكلى ايه ولا بتشتغلى ايه وانت عايشه هشوفك تانى ولا خلاص اختفيتى من حياتى وهفضل انا السبب فى اى حاجه هتحصلك سواء حلوه او وحشه ي نور وظلت تبكى بقوه وغزاره
---------------------------------
روح كريم لمنزله ورأى كاميليا جالسه على اللاب توب
كريم ببتسامه وهو يقبل رأسها بتعملى ايه
كاميليا مفيش ي حبيبى بشوف التصاميم جديده علشان صاحب الشقه الى بعملها طالب ديكور حلو وغريب علشان كدا
كريم اممممممم ماشى ي حبيبتى ربنا معاكى واخوكى فين
كاميليا كان لسه طالع من شويه اوضته ومعاه واحده اسمها م
كريم بزعيق لواحدهم
كاميليا فى ايه ي كريم
كريم نظر لها كريم وزفت وطلع غرفه اخوه ودخل وابتسمت له الفتاه فى اهلا بحضرتك
كرم بضحك صفى النيه شويه ي كريم
كريم بضحك معاك انت بالزات مبتصفاش ودخلت كاميليا
كريم بهمس خليكى معاهم اخوكى انا مش ضامنه ليقول بضحك خاصه ان البت فورتيكه
كاميليا بضحك لم لسانك انت كمان
كريم بضحك ماشى ودخل غرفته لينظر لصوره ابوه ليعبس وهو يقول انا عارف انى مقصر معاك انى لازم اجبلك حقك متفكرش ان انا مقضى حياتى وناسيك لاااا انا بدور عليه كل يوم ومش لاقيه مش بنام الليل بسببه بس صدقنى يوم ما هلاقيه مش هرحمه وهندمه انه فكر انه يرفع عليك السلاح ويقتلك وقدامى ونظر للصوره بتتدقيق ودخل حمامه
-------------------------------
الجميع كان فى المنزل
كيان يااااه اخيرا هنتجمع ونقعد مع بعض
ندى بضحك ي شيخه دا انا نسيت ان عندى اهل
فضحكت كيان
وكانت رقيه تسمع فيديو لرامى جمال
ندى جلست جمبها ايه دا دا لابس هاند فري من ام25 جنيه زينا اهو لتضحك رقيه بشده وتقول بضحك انت مسبتيش حد الا لما اتريقتى عليه انت هتخلفى عيال معوقه
كيان عيال!.... بنى ادمين زينا
حسن والله دا لو خلفت فار بردو امه داعيه عليه
ندى بضحك علفكره انا ساكته بمزاجى ومش هتكلم خالص علفكره ماشى ي حسن
حسن حبيبه اخوكى انت والله ي ندى
ندى سمعت ان بكره القائد بتاعكوا جاى ي رب يطلع شديد كدا ويعلم عليكوا كلكوا
رقيه بضحك ولو حلو قولى ليحدف عليها التفاحه احترمى نفسك انا مش قاعد واكمل بضحك دا احتمال انا الى اعاكسه لتقول ندى والله يلا انت امك كانت بتتوحم على عسل
حسن علشان كدا خلفتنى
زينب بس بقى صدعتونى
ندى حاضر ي مرات ابويا وضحكت زينب وفجأه خبط الباب
ندى باستغراب مين الى هييجى فى الوقت دا
حسن مش عارف خليكى انا هقوم افتح وقام ليرى ما لا يتوقعه
حسن عمى!......
زهران اها عمك ي حسن
حسن انت ايه الى جابك هنا مش كفايه كلت حقنا جاى عايز ايه تانى
زهران ابوك موجود
حسن بزعيق هو ايه الى ابوك موجود ليه هو انا واقف قدامك شفاف
زهران نظر له ودخل
ندى نظرت له باستغراب اترينى بقول النهارده يوم وحش علشان هشوفك ي عمى
زهران بغضب بت انت احترمى نفسك انا عمك انت ازاى تتكلمى معايا كدا
ندى بدموع علشان انت بعتنا فاكر ولا مش فاكر فاكر لما بابا كان راقد على السرير وانت معاك تدفع ومدفعتش ولا نسيت فاكر لما اختى تاهت وانت كان فى ايدك تدور عليها ومعملتش فاكر لما بابا جه طلب حق ابوه انت عملت فيه ايه ايه بقى ي شيخ بقى اييييه الدنيا مجتش عليك ؟ ولا الدنيا مبتجيش الا على الى زيينا
زهران لااا دا انت شايله فى قلبك ومعبيه
ندى بدموع اهااا شايله وشايله من زمان اوى كمان شايله ومش مستحمله اكتر من كدا
زاهد خرج وهو يقول بزعيق ندى
ندى بدموع لااااا ي بابا انا هقول الى انا عايزاه ومش هخاف من واحد زيه
زهران نظر لها خلصتى كلامك
ندى انا لو فضلت طول عمرى اتكلم مش هديك حقك فى الظلم انت ظالللم
زاهد بزعيق ندى قولتلك بس
ندى نظرت له ودخلت غرفتها بدموع ودخلت وراها رقيه ووقفت كيان اكيد مجيك لهنا وراه مصلحه بس صدقنى لو شوفتك بتموت قدامى وفى اساعدك مش هساعدك ودخل احد الاشخاص حتى لو جاى يرجع حقكوا لتنظر له كيان
مراد ببتسامه ازيك ي عمى عامل ايه
*مراد شاب يملك من العمر25 عاما جميلا ووسيما ودكتور قلب ماهر جدا فى عمله ابن زهران واخوه مروان الذى سنتعرف عليه بعد ذلك*
مراد انا عارف طبعا ان ابويا قسى عليكوا و فخرجت ندى واكملت دى فلوس حرام وانا مش عايزه اعيش فى فلوس حرام
مراد بضحك كلمتين كانوا محشورين فى زورك خرجتى مخصوص علشان تقوليهم ي ندى
ندى بغضب انت فعلا بارد ازاى فى موقف زيي دا تضحك ولا كأن حصل حاجه بص ي مراد انا
زاهد بغضب ندى انت زودتيها اوى مدام ابوكى واخوكى واقفين يبقى انت ملكيش رأى ولا كلام ولا دخل فى الموضوع
ندى نظرت لابوها انت الى بتقولى كدا ي بابا انت ربتنى على الحريه صح ولا لأ وانى اقول رأيي ي بابا ومن حقى اتكلم فجلس مراد اتفضلى ي ندى اتكلمى
زاهد بزعيق ندا
ندى نظرت له ماشى ي بابا مش هتكلم
رقيه برقه الامور مش بتتاخد بالزعيق نقعد مع بعض ونشوف عمى عايز ايه ويمكن المشكله الى بينا تتحل ونرجع صله الرحم تانى
كيان ي سلام بالسهوله دى
مراد انا شايف ان رقيه العاقله الى فيكوا
رقيه نظرت له وهى تقول مش مهم عاقله ولا لأ المهم انهم يقعدوا
زاهد زهران مراد حسن ورايا على مكتبى ودخل الكل وراه
زينب بخوف ي ترى ي زهران جاى ووراك ايه
-----------------------------
مروان بقلق تفتكرى ي ماما انه يكلم عمى وندى توافق انا بحبها جدا ي امى
سهر بقلق مش عارفه وندى دى عنيده ومش سهله لينظر لها مروان بقلق ربنا يستر
*مروان يبلغ من العمر22 سنه كان يعشق ندى ويراقبها من بعيد ولكنها لا تحبه ولا تعطيه اى اهتمام يعمل فى شركات ابوه الضخمه*
---------------------------
زاهد انت بتساومنى ياعنى
حسن ياعنى ي نجوز ندى لمروان وناخد حقنا ي اما ولا كأنك جيت طب مانا عندى حل ان انت تطلع برا وانا هاخد حقى منكوا بالقانون ولا انت مفكر انى مش قادر عليك لاااا انا بس الى مانعنى ابويا لكن لو عليا انا معنديش مشكله اجرجركوا فى الاحكام والمقاسم
زهران طب ما يمكن ندى توافق
زاهد نظر له ونده على ندى لواحدها وقلق الجميع من شأن ذلك
حسن لندى بصى ي حبيبتى عمك شرط علينا شرط علشان ناخد حقنا
ندى نظرت لعمها وهى تقول حاجه مش بعيده على واحد زييه
مراد نداا
حسن بغضب صوتك ميعلاش عليها وانا واقف وانا محترم ان انت اكبر منى
مراد ما هى الى غلطت
ندى حسن قول الشرط وانا ايه علاقتى بيه اصلا الشرط دا
حسن انك تتجوزى مروان
ندى بصدمه ايه مروان ابن عمى؟
ونظرت لابوها وعمها وعلى مراد
حسن ببتسامه طبعا قولتلكوا انه مش هيحصل لان انا مش هبيع اختى علشان الفلوس
ندى برد صادم ومين قالك انى رافضه مروان شاب محترم وكويس لينظر لها الجميع
حسن بس انا مش موافق
ندى ومين الى هيتجوز انا ولا انت
حسن بزعيق انت اتهبلتى فى مخك عايزه تتجوزى مروان
ندى نظرت لعمها انا موافقه ي عمى ويا ريت تنورنا بكره انت ومروان ومراد وطنط سهر علشان نتفق على كل حاجه واكملت بس انا عندى شرط
مراد اتفضلى
ندى اضمن حقى قبل ما اتجوزه
زهران ازاى
ندى فى نفس يوم كتب كتابى هيكون هو هو نفس اليوم الى كل الفلوس هتتحول بأسم بابا فيه وقبل الفلوس ما تتحول انا مش هتجوزه واظن الرساله وصلت عن اذنكوا وخرجت
زهران على ميعادنا بكره ان شاء الله وذهب هو ومراد
زاهد بغضب نداا ي ندااااا
ندى خرجت نعم ي بابا
زاهد بزعيق انت بتبيعى نفسك علشان ايه ردى عليا
زينب بخوف هو فى ايه الى حصل
كيان فى ايه ي حسن فهمونا وتحدث حسن بما حدث وانصدم الجميع
ندى بدموع انا وافقت لان دا حقنا دا حقى
ليقول زاهد بزعيق انا حرمتك من حاجه طلبتى حاجه وانا معملتهاش
ندى بزعيق ودموع لو كان معانا فلوس كان زمان حسن رتبه كبيره اوى فى شغله لو معانا فلوس كانت كيان فتحت شركه بأسمها لانها شاطره فى المجال دا وعايزه تشتغل فى دا لولا الفلوس كانت ماما فتحت محل خياطه زيي ما هى بتحلم لو معانا فلوس كنت جبت ورشه تشتغل فيها لان شغلك كويس لو معانا فلوس كانت رقيه فتحت صيدليه كبيره بإسمها واكملت بوجع وكنا لقينا نور عرفت بقى ي بابا انا بطالب بحقى ليه لينظر لها الجميع بدموع حتى زاهد
زاهد بوجع انا اول مره احس بعجزى قدامك ي ندى
ندى بدموع انت مش عاجز ي بابا ولا عمرك هتكون عاجز بس انا عارفه كويس اوى انا هعمل ايه وهجيب حقى من العيله دى ازاى واقسم بالله ي بابا لاخليهم كلهم ماشيين تحت امرى واكملت وهستغل حبه ليا لصالحى
حسن انت داخله حرب منتيش قدها ي ندى
ندى نظرت له لا ي حسن انا قدها وزياده اوى متقلقش عليا واكملت مروان اهبل وبيحبنى وهيكون زيي الخاتم فى صباعى وقت ما اقوله نفذ هينفذ
حسن لا ي ندى مروان مش زيي مانت مفكره مروان ضعيف قدامك علشان بيحبك ولكنه مش ضعيف زيي مانت مفكره
زينب بدموع بس انا مش هخليكى تضيعى نفسك علشان ورث ابوكى او
ندى نظرت لها لا ي ماما انا عارفه كويس اوى انا هعمل ايه وصدقينى انى هجيب حقكوا والنقطه دى جت فى صالحى ومش هيضيعها من ايدى ونظرت لهم ودخلت غرفتها
كيان نظرت لهم لا لا دى مستحيل تكون ندى او طريقه تفكيرها
زاهد نظر لهم بتنهد عمرى ما غصبت عليكم فى حاجه واديتكوا الحريه كلها وندمان انى عملت كدا
زينب نظرت له تعالى ي ابو حسن ارتاح ودخل غرفته
---------------------------------
مروان بفرحه لا لا انتوا بتتكلموا بجد ندى وافقت انها تتجوزنى
مراد نظر له طبعا مش هتاخد حقها
مروان مش مهم المهم انى بحبها وعايزها وحتى لو مش بتحبنى انا هخليها تحبنى انا بعشقها مش بحبها بس صورها ماليه الاوضه وصورتها معايا وجوا قلبى مش بتفارق خيالى اخيرا ي حب عمرى هتكونى معايا وحلالى وضحك ثم دخل غرفته
مراد رجع شعره للخلف وهو يقول انا فعلا مش مصدق لحد دلوقتى ان ندى وافقت وكلامها كان صعب جدا فى البدايه انا كنت مقتنع تماما انها هترفض
زهران لااا البت دى هنتقم وهنتقم مننا كلنا
سهر مين ندى
مراد انت مشوفتيش كانت بتتكلم ازاى ي ماما النهارده هى وكيان
سهر طب ورقيه
زهران بضحك العاقله الى فيهم ونظر له مراد وضحك
-------------------------------
كارما بزعيق انت اتجننتى ي ندى
ندى بصى ي كارما انا كلمتك علشان تيجى تقفى معايا مش علشان تقوليلى كدا وانا اخدت قرارى ومهما قولتى انا مش هغير رأيي والى فى دماغى فى دماغى ووحياه امى ما هسيبهم وهنتقم منهم واحد واحد عارفه عمى دا كان فى ايده يساعد بابا ورفض وانا لو جاتلى الفرصه مش هساعده وسهر بقى كانت بتوحى حمات ماما عليها جه الدور الى انتقم منها فيه
كارما بس الى بيحبك دا ملوش ذمب ي ندى
ندى لا له انه حبنى ي كارما واقفلى على الموضوع علشان انا عايزه انام وهستناكى بكره وقفلت وهى تقول بتنهد وجه الوقت الى اقدر اتحكم فى كل واحد فيكوا ي عيله الدسوقى اما وريتكوا انا ابقى مين مبقاش انا ندى بنت عيله الدسوقى
--------------------------------------
ي ترى ندى بتفكر تعمل ايه مع مروان وعيلته؟
وكريم هيجيب حق ابوه ازاى وازاى اصلا هيعرف مكان زاهد؟
وايه الحكايه القائد الجديد الى جاى دا ؟..
وي ترى ندى هتلاقى نور ؟...
يا رب يكون عجبكوا مستنيه رأيكوا؟.⁦♥️⁩⁦♥️⁩
شجعونى عايزه رأيكوا🥰