شجَاك ؟
تكبرت مِن گتلك أهواك
شكثِر غيرك أجو بس مَا
شِفتهم
دگو باب گلبي وشلعو الـ باب
ولجل عينك أبد مَا دخلتهم .🍂
_________________________
ملاك: تبدي قصتي لمن كان عمري 16 سنة، صف رابع إعدادي. طفلة البيت المدللة اللي كلمن يغفر لها عنادها..
أم ملاك:ملاك! كافي عناد يمه، تروحين وياي بلا عناد
ملاك: بابا احجي ويا ماما أريد أظل يم بيت جدو ما أريد أروح وياكم.
أبو ملاك: ولج ملاك كافي لا تعاندين زين المدرسة ودراستج وأمج منو يمها لو بس تعاندين
ملاك: المدرسة أروح ويا بيبي أو عمو ودراستي أنتبه عليها وماما يمها نورا وفاطمة.. بابا أمجد احجي وياهم
عمو أمجد: ولي للبيت شنو ماعدكم بيت كله كاعده هنا ههههه شوف الدموع ولج كبرتي شنو هالسولة
ملاك: مااا.. ما أبطل بجي وبعدني صغيرة
عمو أمجد: مسحي دموعج ولج ما تروحين.
أبو ملاك: اي بابا ضلي هههههه.
الكل: محد خربها غيركم والله
ملاك: راحو اهلي واني ضليت يم بيت جدو
فتت اسبح و بين دلال بيبي ورزالتها المعتادة لأن سبحت المغرب وما لافة راسي وبين حنية نسوان عمامي عليه كملت دراستي وصليت، وقبل لا أنام شلت الفون.. وهنا بدت أول قهره بقلبي.
شفيت الرسائل من "حسين" (ابن خالتي الأكبر مني بـ 3 سنوات، واللي اعترفلي بحبه قبل اربع اشهر وجنت معجبة بيه اني وافقت )
جان كاتب كلام يدل على عصبيته لأن ما رديت عليه من وقت ولأن بقيت يم بيت جدو بدون ما اخذ رأيه
راسلته : "مرحبا"
رأساً اتصل ونزل عليّ دوسه ونص
حسين: "شنو اتصل وما تردين؟ شنو أرسل وتغلسين بعدين تعالي اني مو كتلج ما تباتين وما تبقين يم بيت جدج وحدج منو انت و تعانديني وتكسرين كلمتي إذا من هسة هيج لعد من نتزوج شلون
ملاك: خلصت؟
حسين: شوف شحجي اني وهية شنو تجاوب
ملاك : لان ما عندك سلوب بالحجي ومن يصير عندك اسلوب اتصل بيه عود .
سديت الخط بوجهه وهو تخبل اتصالات حطيت الفون وضع طيران وطلعت للصالة ضليت أضحك وأسولف وياهم بس من جوة قلبي يبجي ليش ينكد عليّ وليش كل سالفة صغيرة يسويها مشكلة ما جان اله داعي كل هاي العصبية ويدري بيه اني مكدر ابتعد عن بيت جدي متعلقه بيهم شوي وكل واحد صعد الغرفته واني فتت اكمل ماده الامتحان بقهر
نمت متأخرة بالـ 4 الفجر من ورا الامتحان .
أنت تقرأ
ملاكي
Non-Fictionبين ثقل التقاليد وحكايات الكبار، تنشأ مشاعر لم يُحسب لها حساب. هل كان حباً حقيقياً.. أم مجرد ميثاق يُفرض باسم الأهل والنسب؟ حكاية عن صدمات الخيبة، والوقوف في وجه القسوة، ورحلة البحث عن أمان مفقود وسط عالم لا يرحم الضعفاء."
