Sa Panulat ni K.
Maagang sumuong sa mga pagsubok
Sa agos ng buhay, masusing lumahok
Kahit ang problema'y tuluyang mag-amok
Bitbit ng tadhana'y mapagbirong alok
Tatak edukado at salat sa yaman
Kapintasang surot di naging kawalan
Di alintana kanyang kalagayan
Maipagtanggol lang bayang sinilangan
Nagdala ng sulo at pag-asang pakpak
Ang hatid sa baya'y malayang halakhak
Yabag mo Mabini, sa ami'y tumatak
Salamat Ka Pule, kami'y nagagalak
