بارت7
ليان/سويت جاي وطلعت وهذا الجاي يفيد للمهموم ضحك كال لا مابيه كتله اي واضح اتريد تحجي لو لا
محمد/لاشي يخص الشغل
ليان/يعني متكدر تكوله اسرار شغل
محمد/لابس حتى لو احجي محتفهمينه
ليان/دجرب ايجوز افتهم
محمد/حجه على الشركه وشلون صار بيها اغتلاس
ليان/هو وديحجي اذكرت بابا من ساعد صديقه مرت هم صار بشركته اغتلاس ومن هالحجي كتله اكدر انطيك حل وجربه فادك انت بخير مفادك انت مخسران شي هيه تجربه
محمد/ضحك بستهزاء احجي يم العريف عساس راح تحلينها
ليان/كيفك صوجي الحجيت وياك كمت وجر ايدي لحظه اعتذر احجي شسوي بديت احجيله وسوينه المخطط عجبه المقترح وكال والله فكره
محمد/من انطتني المقترح مجنت متوقع حيطلع منها هيج جنت متوقع حتحجي اشياء تافها بس فاجاتني بمقترحها ورحت ثاني يوم الشركتي وطبقت المقترح ونجح وفرحت وكبرت ليان بعيني اكثررجعت لكيتها نايمه الضهر محبيت اكعدها بدلت ونمت اني هم كعدنه المغرب فزيت لكيتها طلعت من الحمام كالتلي ليش مكعدتني اصبلك غده كتلها لا شفتج غاطه بنومتج واني هم جنت تعبان
ليان/ها بشر فادك المقترح لا اذا فادك عندي شرط الك
محمد/لا مفادني مقترحج اصلا منقبل شفتها دنكت استحت لان فشلتها ضحكت كالت اشو تضحك كتلها اصلان مقترحج نجح وشيعجب اشرطي شرطت شرط اول مره احد يكلي
ليان/شرطي اتكوم اصلي حرام اتروح منك صلاتك الله مو نطاك كلشي انت مستخصر عليه هالصلاه الي مطوله ١٠دقايق
محمد/محد ابد كالي صلي عجبتني فكرتها كتلها تم شرطج قبلت بي وهسه كدامج حتىضه ونصلي سوه شفت البسمه بوجها توضيت وبدينه نصلي سوه ما اعرف شحسيت بوكتها راحه نفسيه من ناجيت ربي وشكرته على نعمته
ليان/صعد درجه بعيني من شفته كام يصلي خلص صلاه كتله تقبل الله كالي اجمعين ها هسه وفيت بالشرط كتله اي ورها سمعنه عياط نزلته نركض لكينه اخته جايه وتحجي وتبجي وعمتي تلعلع
محمد/شكو اشبيج ليش تبجين
لمياء/كتلني الحقير وغلط عليه
محمد/خيولي شلون يمد ايده عليج وشلون يغلط عليج واله اطيح حظه وضل يدردم وصعد ليان تعالي طلعيلي ملابسي خلي اشوفه
عمتي/ليان الله ينطيج اشويه هدي هذا مخبل ليروحون يتمالخون
ليان/ماشي صعدت وهو يركع بالغراض اريد احجي واخاف تقربت يمه وكتلك اكعد وهاك هذا المي البارد اشرب واهدء كعد وشرب مي ورجليه مسكتت من الحركه خليت ايدي على رجله وكتله ميخالف نحجي كالي ليان مو وكتج كتله ميخالف اتحملني اول مره اطلب منك طلب
محمد/صعدت وصحت ليان تعالي حضري ملابسي ما ادري ليش بهاي اللحظه ردتها توكف يمي صعدت واني اضرب بالبوب من الحركه وصعدت ورايه كلتلي اكعد وهذا كلاص مي اشرب واهدء كعدت وشربت وتوتر عندي فول واهز برجلي محسيت غير ايد انمدت على رجلي حسيت بشعور حلو رغم اني نار كالتلي ميخالف نحجي كتلها موكتج كالتلي اول مره اطلب منك محبيت افشلها كتلها كولي
ليان/هدي نفسك وخليك اكبر من انو العصبيه تحتويك اسمع من الطرفين صح هاي اختك وتنقهر عليها وهسه داخلك نار بس حاول تسمع منه مثل ماسمعت من اختك دك هسه عليه
محمد/عجبني حجيها واقتنعت بي كتلها ماشي جيبيلي الجهاز مالي جابته ودكيت عليه الوووو ها اياد اكلك اشبيها اختي شسوت وهيج كتلتها
اياد/هلا محمد عمي والله اختك كفرتني اطب واطلع تعيرني انت فكر واحنا اغنى منك موزين قبلت بيك متت هم تعبت اعصابي شنو بشر لو حيوان اني
محمد/اذا هيج لاعمي حقك بس اريد منك شغله تعال وتواجهو حتى صاحب الحق ينعرف
اياد/ماشي اجيكم بليل
محمد/زين خويه الله وياك ثيمالا
اياد/ثيمالا
ليان/حنزل جوه هسه اني وانت هم من تنزل على كيفك من تحجي وياها
محمد/ماشي عيني ليان مشكوره على وكفتج وياي
ليان/الشكرلله ماسويت غير الحق نزلت جوه ولكيت عمتي اسكت بيها كالت ها شكال محمد اشرتلها نروح للمطبخ مخليت لمياء تحس كالت ها شكو كتلها خابر محمد على اياد وكاله ليش كاتل اختي كاله موتتني دائما اتكلي انت فكر واني اغنى منك وممحترمتني موتتني
ام محمد/يجوز يجذب ليصدكه
ليان/اي عمه هو كاله تعالو حتى تتواجهون ونشوف منو منكم صاحب الحك
ام محمد/اي زين سوه خلي نروح نشوف لمياء
ليان/يله رحنه انطيتها مي شربته وكالت مشكورهكتلها بالعافيه كتلها امشي نطلع للحديقه اشوبج جاي ونحجي كالت ميخالف طلعنه سويت الجاي وجبته الها كتلها ادري مو وكته الحجي هذا بس اريد اسألج سؤال
لمياء/ لاعادي اسألي
ليان/شلون تعرفتي على اياد
لمياء/جان وياي بالكليه وعلاقه حب بيني وبينه
ليان/زين هو حالته فقيره وانتي اغنياء شلون قبلتي وشلون خليتي اهلج يوافقون
لمياء/اسكتي متت بينما وافقو حاربت الدنيا علموده
ليان/ولحد الان تحبينه اني سامعه الحب يقل بعد الزواج
لمياء/لاحبي اله ابد مخلص ولسه احبه واكثر من قبل
ليان/زين اذا مابيها تدخل مني عليش تعاركتو
لمياء/متت متحمله الفقر الهو بي تعبت منه اريد حالي حال هاي البنات اطلع واللبس اني بنت عز يم اهلي وخليت اهلي يشغلونه بشركتهم
ليان/ انطيج نصيحه متخليج تتعاركين ويا بعد
لمياء/ياريت
محمد /نزلت لكيت امي بالمطبخ دسوي العشه كتلها وين لمياء كالتلي طلعت هيا وليان بالمرجوحه كاعدات وساره وين كالتلي ساره فوك مو تدري بيها هيه ولمياء مو على توافق
ام محمد/هسه يمه عوفنه كلي شراح اسوي بقضيه اختك
محمد/والله يمه ما ادري هو يحلف يكول بس تعيرني وهيه غير شكل تحجي اله انواجهم يله الله كريم ليضل بالج انتي طلعت اباع عليهن من بعيد اباع على ليان شلون دخلت بيناتنه وكسبت امي واختي وخوتي ومرت اخويا وابويه حتى اني كسبتني بطيبه كلبها رجعت طبيت كعدت بالصاله
ليان/اني عندي الحل الج تعاتبي ويا بس عتب بحنيه
لمياء/شلون يعني
