بارت8
ليان/يعني اتخلين الجهال ينامون وترتبين الغرفه وتلبسين ووتمكيجين وتسولفين ومن ضمن السوالف كليلي اريد اعاتبك بشي حبيبي واحجي البكلبج بس بهدوء كليله ماعندي احد اشكيله غيرك انت كلشي بحياتي دائما حسسي هو ذات اهميه جبيره عندج وتهابينه وخلي ابالج الرجال ميتعير بفقره الرجال برجولته وها خلي ابالج كولي اتعاركت ونمنه زعلانين وصبح الصبح الله ليكولها ميت شراح تكولين
لمياء/يمه اموت غير ورى
ليان/لعد خلص يومي من تكعدين الصبح اتخيلي اليوم اخر يوم بحياتج وعيشي كله حلو ومن اضوجين من شي كليله بس بهدوء وبحنيه
محمد/الصاله قريبه على المرجوحه اني واكف ورى الشباك وسمعت ليان شلون تحجي وي لمياء شلون حجي حلو وشلون اقنعتها انو هيه الغاطانه بس بأدب حبيت اسلوبها
لمياء/ليان يعني هسه شسوي
ليان/هسه راح يجي زوجج وراح تتلكينه وتعتذرين منه ومن ترجعين للبيت عاتبي على ضربج لاكلما ضربج رحتي ترى الرجال يزهك من يشوف مرته ممحترمته وبس تزعل وتنك وتلح
لمياء/شكرا ليان واسفه على المعامله الجنت اعاملج بيها مجنت ادري بيج طيبه كلب
ليان/لاحبيبتي مسويت شي هذا اقل شي اسوي لاختي حضنتها وكمنه
محمد/فرحت من شفتهن تحاضنن وكبرت بعيني ليان وكرهت نفسي بيوم الضربتها والسمعتها حجي محلو
ليان/محمد انت اهنا اكلك
محمد/هاعيني اي جنت داباع فلم كولي
ليان/خابر على اياد وكله اني حجيت وي اختي ولينت راسها من تجي انت لضل تحجي فضو السالفه بيناتكم واني هم رزلتها وانت هاي اخر مره اسمعك ماد ايدك عليها يعني انطي بيها وبي زين
محمد/ها زين ولمياء شيسكتها
ليان/معليك سكتت اجه زوجها لمياء ومثل مكتلها استقبلته واعتذرت على الكالته وهو بادرها بنفس اعتذارها وهم اعتذر وكاللها بعد ما امد ايدي عليج من شفت موقفهم هيج دمعت عيني بس لزمت نفسي مقبلو يتعشون يمنه كالو راح نتعشى برى تعشينه احنا وغسلت المواعين ساره وحجيتلها شصار وراها اخذت جهالها وصعدت وعمتي وعمي طبو لغرفتهم ومحمد جان فوك بالغرفه احس اختنكت احس مو مكاني هذا رحت كعدت بالحديقه على المرجوحه ضلت دموعي تنزل شنوذنبي وشنو حياتي ما احس غير بس ايد انمدت ومسحت دموعي فزيت محمد من شوكت انت اهنا
محمد/صعدت من راحت اختي مجنت مشتهي اتعشه اباع الساعه ١١وليان مصعدت كلت خلي انزل اشوفها نزلت لكيت البيت مطفين اضويته رحت للمطبخ لكيت باب المطبخ مفتوح طلعت لكيت ليان بالمرجوحه كاعده ودموعها اصب انعصر كلبي عليها حسيتها صدك انضلمت اتقربت ومسحت دموعها فزت وكالتلي محمد من شوكت انت اهنا كتلها من نزلت اول دمعه من عينج ليش دتبجين
ليان/لابس اشتاقيت الاهلي اذكرتهم
محمد/وبس
ليان/اي
محمد/ليان هم عمرج حبيبتي وصدكي ترى مراح اذيج اذا جان جوابج اي
ليان/ملحكت احب توني شفت حياتي وانخطبت جنت اتمنى احب واعيش الحب بحلاوته وبمره بس الحمدالله هذا نصيبي الي كاتبه الله الي اشوفها بس اريد منك طلب
محمد/اطلبي عيوني الج
ليان/تسلم عيونك اذا مابيها تدخل مني زيدو راتب اياد
محمد/ليش ممكفيهم الراتب شكتلج اختي
ليان/شاهد الله مكالت بس حسيتها من حجت كل عركاتهم على المصرف لان ميكفي
محمد/الله كريم يله خلي نصعد ثلجت ترى
ليان/يله طبينه وسديت الباب وضوه المطبخ وصعدنه اخذت ملابسي وطبيت بدلت طلعت لكيته مشغل كارتون ومطفي الاضويه كتله لازم عجبتك الفكره
محمد/طبت للحمام والحزن بداخلها حبيت اسويلها الجو الي اتحبها طفيت الاضويه وشعلت كارتون طلعت من الحمام شفت ابتسامه منها كالتلي لازم عجبتك الفكره ضحكت وكتلها اي والله طبيت اني هم بدلت وطلعت لكيتها متلفله بالبطانيه ومندمجه وبيدها نستله كاكاو كتلها مراح تنزلين يمي ناكل حب كالتي لا اهنا مرتاحه كتلها اوك براحتج ضلينه نباع لحد ما نعست كتلها راح انام نعست انداريت لكيتها غافيه كمت طفيت التلفزيون ونمت اني هم
محمد/مرت الايام علينه واني بديت اتعلق بيها اكثر واكثر حبيت مرحها بالبيت شقاها سوالفها وي اهلي بس اني دائما تجنبني مو ذنبها هذا ذنبي اني خوفتها من البدايه وراها تمرضت ليان غحالتها بدت تسوء متاكل زين مالها نفس حيويتها بالبيت راحت بسبب بعدها على اهلها وديتها لاهلها ضلت يومين متحملت البيت بلياها الغرفه محلوه حياتي كلها محلو بالياها علمتني هواي شغلات علمتني شلون اعتمد على نفسي ومن تجيني المصايب احلها بكل تكبيره عقل خابرتها وكتلها راح اجيج اخذج رجعت وياي وطريق كله ساكته ودمعتها بطرف عينها حاولت احجي الطف الجو بس هيه بس جسد يمي روح يم اهلها
ليان/بعد ما اكدر اتحمل العيشه اهنا داكابر واشاقه واضحك بس كافي تعبت لا اني المزوجه ومكونه عائله واتحمل علمودهم ولا اني الي راجعه البيت اهلي ومكمله مستقبلي ضاله مثل الخدامه رحت لاهلي وشفت اهلي امي وابويه تعبانين بفراكي واخوتي هم تونست يمهم بس من خابرني محمد وكال راح اجي اخذج حسيت غصه بكلبي رجعت ويا حسيته بالسيارة ايريد يضحكني بس اني مجان الي واهس وصلنه ونزلت احس جسمي نار طبيت سبحت وعيوني متروسه دمع نزل بنزلت المي عليه نزلت دموعي خلصت وطلعت
محمد/كافي لازم اكللها بديت اريدج شنو ذنبها وشنو حياتها من اجتي لحد الان شايله مسؤليت البيت كله من هموم وشكاوي وشغل من كلشي وحتى اني رغم الاذيه الاذيتها بيها وجازتني بالاحسن منها هيه طلعت من الحمام العيون دم صايرات متحملت رحت اركض عليها حضنتها قوي شفتها بارده مبادرت نفس الحضنه
ليان/طلعت من الحمام اشو اجه محمد بساع حضني حضنه قويه مكدرت احضنه لان مراح انسى كلامه وخرت كتله بيك شي
محمد/وخرتني وكلتلي بيك شي كتلها لا بس كافي اريدج الي عذبتج هواي واذيتج وماشفت منج غير بس الكلمه الطيبه خليتيني اتعلق بيج واحبج بدون ما ادري علمتيني هواي اشياء اسويهن
ليان/انصدمت من حجيه كتلها اني مو لعبه حتى وكت ميعجبك توخرني منك وكت ميعجبك اجيبني الك واحنا متفقين على اتفاق اني صح اعذر وگلبي طيب واسامح بس عمري ما انسى وهذا الشي المحلو بيه وخرت ورحت نمت وشعري حان مبلل وهيه شتاء بارده
محمد/من كالتلي هذا الحجي حسيت خنجر 🗡 وضرب صدري كلت يعني عمرها مصير الي لان لحد الان مذكره اتفاقنه عافتني وراحت نامت وشعرها مبلل خفت عليها تتمرض بس كلت خلي اعوفها هسه ترتاح
