بسم الله قبل ما نبدا ..
الرواية دي قيد الكتابة يعني اول ما الكاتبة تنزل انا بانزل باذن الله تعالى ..
فما تسالوا عن الباقي ..
قراءة ممتعة
ــــــــــــــــــــــــــــــــــــــــ
مشينا الدي جي لاقيت جوهرة وسلمت علي قلت ليها هلا جوجو كيفك من زمان عنك❤ قالت لي هلا بمرت اخوي❤ قلت ليها جوجو بتعرفي اني بتضايق من الكلام ده قالت لي حرام عليك اخويي بحبك قلت ليهو اولا عارفة اني م بحبو ثانيا هو قدري وانا دايرة واحد اكبر مني ثالثا انا اطول منو دايراني امشي معاهو السوق ودة طولو اكيد لا 😂 قالت لي خلاص بعد سمعت كلامك حرام اديهو ليك اخوي مسكين وارحمو😹قبل ما ارد ليها دقت علي ليان قالت لي وين انتو قلت ليها ادخلي انا عند الباب قضينا اليوم رقص وهبالة ولعب ❤دة كان يوم الاربعاء رجعنا البيت تقريبا الساعة ٣ صباحا دخلت البيت مرهقة شديدد ما شايفة شي قدامي نمت ما صحيت الا الساعة ٢ ظهر دخلت المسن لقيت ليان مرسلة لي " تتطلعي اليوم" قلت ليها ايوا الوعد الساعة ٧
طلعنا مشينا نتمشى ليان قالت لي نوران ما تبقي بخيلة اعزميني قلت ليها حاضر بس خايفة عمر يشوفني انتي عارفة بغار علي قالت لي طيب عبدالله ومحمد وفارس؟؟ قلت ليها اييييككك سحبت عليهم من زمان 😂 قالت لي مش عبدالله دة كنتي بتحبيهو قلت ليها لاكن كرهتو لانو طول شعرو وانا ما بحب الولد البطول شعرو
قالت لي طيب اديني واحد 😂قلت ليهو حاضرر 😂❤ مشنا المطعم طلينا سفري جا واحد بي عربيتو لكسز ماري جمبنا فتحو لينا شباكو واشر لينا بي جوالو نظام امليكم رقمي ليان شالت رقمو ورسلت ليهو قلت ليها جنس خفة قال ليها يا قمر انا داير الجنبك ليان قالت لي عايني الحيوان رسل لي شنو قعدت اضحك فيها قلت ليها الخفة ما سمحة وقفنا عند الاشارة دق جوالي لقيتو عمر قلت اوفف انا ناقصاك رديت قلت ليهو هلا حبي ❤ قالي التفتي يمينك انا بعد دة خلاص اتوترته وقلبي وقف قال لي خايفة مالك قلت ليهو اخاف من شنو مثلا اتلفتت وزي ما توقعت لقيتو واقف قالي ممكن اعرف صاحب اللكزس الكان واقف جنبكم دة منو ؟ قلت ليهو لا والله جاي تحاسبني قال لي لا بس ما اي واحد تاكلو بعيونكم قلت ليهو قصدك شنو؟ قال لي شكلي ما مالي عينك وبنسحب اخلي الكلاب الوراك ينفعوك يا متربية قلت ليهو متربية غصبا عنك قال لي اذا متربية ارجعي البيت قلت ليهو انقلع انا اصلا من زمان دايرة سبب اخلص منك قال لي حقيرة وقفلت فوشو ليان قالت لي اعصابك قلت ليها دة قايل نفسو منو قالت لي حرام الولد بيحبك قلت ليها بحب شنو دة واحد كذاب شنب ساي ما عندو قالت لي طيب بتتكلم معاهو لي وهو ما عاجبك 😏 قلت ليها والله ساي فشخرة انتي عارفة هو ولد منو😂قالت لي مجنونة😂😂😂💔.
الساعة ١١ جات وصلت ليان لي بيتها ركنت العربية قبل ما اصل البيت سمعت صوت اتلتفته وراي لقيت في ناس بكسرو قزاز العربية كوركتة وهجتة فيهم قلت ليهم انتو مجانين ها بعد شوية كده ظهر عمر الحكاية يادوب بدت توضح لي مسكني من يدي قال لي دي قرصة صغيرة بس شكلك ما عرفتي لعبتي مع منو قلت ليه ولا بهمني فكيت يدي منو ودخلت البيت لقيت السواق حق امي واقف جمب الباب وبستفسر عن الحاصل قلت ليهو اوعاك تككلم امي ولا ابوي حذرتك قال لي لا لازم بابا يعرف اختصرتو واديتو قروش قلت ليهو لو زول عرف انت مطرودددد
دخلت الغرفة غيرت هدومي وشلت اثار الميكب واتسدحت في السرير والافكار بتجيبني وتوديني مستغربة من عمر المغرور جدا والتصرف الغبي والطفولي حقو دة وقلت ياربي حيعمل شنو خاصة انو هو دفعتي في الجامعة بيني وبين نفسي قلت انا غلطانة اذا انتي ما بتحبيهو داخلة معاهو في علاقة لي ؟ تسلية؟ لعب؟ تمضية وقت؟ طيب هشام وعبدالله واحمد وديل كلهم شنو؟
ولا واحد فيهم راجل فعينك ؟ دة كان تفكيري كل يوم نفضت الافكار دي من راسي واستسلمت للنوم.
صحيت الصباح لقيت كمية مكالمات فايتة ٢ من عبدالله ٥ من سلمات و٢ من بيان مشيت صليت وضربت ليها
:الو
:هلا نوران
: بيان فيك حاجة ؟ صوتك مالو رايك
ما اتكلمت ولا نطقت بحرف وبدت تبكي لي بالتلفون
: يابت بيان قولي في شنو عشان ما اجيك علشان خاطري اهدي ولا ما عندي عندك خاطر
:اكيد عندك خاطر بس انا ولا شي بالنسبة ليك
: كيف ؟
: ما جيت الاربعاء الحفلة ولا وحدة فيكم قالت كدي نشوف بيان مالها لا وامبارح اليوم كلو بضرب ولا وحدة فيكم بترد انا البدق وبفتش عليكم وانتو ولا همكم وانا كنتة معتبراكم اخوات بس شكلي غلط
صراحة ليها حق اتحرجت منها وليها حق تزعل مع موضوع عمر نسيتها تمامم قلت ليها بيان الموضوع ما كدة لكن حصل لي مشكل قاطعتني وهي بتقول
حركاتك دي انا فاهمها ممكن تعمليها لي اي زول الا انا وشكلي فارضة نفسي عليكم
قلت ليها عايني شكلك زعلانة وما عارفة نفسك بتقولي في شنو تهدي وحضرب ليك
: حتى ما كلفتي نفسك تعتذري
: ما غلطة عشان اعتذر يلا باي .
لا لا خير دي مالها ؟ هي منو عشان تقعد تتعصب فيني طيب كان تسمعني على الاقل امكن سببي يقنعها رسلت مسج لي ليان قلت ليها شوفي بيان دي مشكلتها شنو.
يتبع
