ضربت لي سارة وانا صوتي كل نوم قلت ليها هلا قالت لي مشتاقين ❤قلت ليها مصحياني عشان كده ؟قالت لي دايرة اشوفك رجعتي مالك وبعدين المغرب اذن ،قلت ليها اوووف ما صليت قالت لي خلاص صلي و بعدين اضربي لي ❤، قلت ليها بتقدري تمريني ؟ قالت لي صعبة ماشة لي بيان خلينا نتلاقى بكرة في الجامعة قلت ليها تمام❤.
بقيت معارفة اعمل شنو ضربت لي جوجو قالت لي هلا نوران كيفك ❤قلت ليها تمام الحمدالله انتي كيفك ؟ قالت لي نقصاني شوفتك ❤قلت ليها طيب تعالي لي قاعدة براي زهجاننة 😭💔قالت لي انتي طوالي زهجانة يازولة امشي عرسي اخير ليك قلت ليها انتو البنات ما عندكم موضوع غير العرس 😹 قالت لي طيب انتي ما بت؟ طوالي اتذكر كلام صاحب الفراري قلت ليها مرات بحس كدة ومنتظرة ردة فعلها اشوف رايها قالت لي حرام عليك اذا انتي ما بت نحنا شنو😂😂 قلت ليها خلاص تعال لي قالت لي امي معزومة محرساني الشفع انتي ما بتقدر تجي قلت ليها خايفة اضايقكم❤ قالت ابدا بلعكس ابوي في الشغل واخوي برا البيت تعالي تغيري لي جو شوية وتونسيني بدل اقعد براي مع المرض ديل قلت ليها تمام❤.
فعلا مشيت لبست واتجهزت وظبط الميكب حقي وقفت قدام المراية واتاملت نفسي وقلت مستحيل زول زي دة يهز لي ثقتي فنفسي ❤وطلعت
ركبت العربية واتحركت على بييت جوجو اللي ببعد عن بيتنا تقريبا نص ساعة قلت خليني اتصل على عبدالله اتسلى شوية قلت ليهو سلام قال لي هلا حبي كيفك قلت ليهو تمام انت وين قال لي في الاستراحة قلت ليهو خسارة كنت داير الاقيك قال لي وين اسي بجيك قلت ليهو خلاص قربت اصل بيت صحبتي ودة شنو صوت الازعاج قالي دة محمد بلعب في البليستيشن ❤ قلت ليهو بالله اديني اسلم عليهو ياخ❤❤ قال لي بغار علفكرة قلت ليهو طيب اديني ليهو اداني محمد سلمت عليهوو قال لي خير دايرة شنو مش امبارح كنت معاك قلت ليهو عندي ليك مهمة😹❤قال لي ما بتجي الا وقت المصالح قلت ليهو مهمة سرية ومادايرة زول يعرف وانا عارفة قدراتك ❤قال لي اها شنو قلت ليهو في صاحب فراري كان واقف جمب جامعتنا معارفة اسمو ولا اي شس عنو عربيتو صفرة عايزاك تجيب لي معلومات عن صاحبها قال لي كل يوم بشوف فراري اديني مواصفات تانية قلت ليهو رقم اللوحة مميز يعني ما من السفارة ولا حاجة زي دي ❤ قال لي طيب بس دايرة اعرف لي قلت ليهو حبيب وحدة من البنات ودايرة تتاكد اذا بخونها قال لي كذابة قايلاني ما بعرفك زائد انا انسان ذكي لو حدة من البنات ما حتتحمسي قدر دة عموما ما حقول لي عبدالله سرك في بير قلت ليهو طيب دة واحد شفتو فمكان وغلط على ودايرة ارد ليهو الحركة قال لي دايرة فزعة ؟ ننحنا تحت امرك قلت ليها لا لا بتصرف براي ❤قال لي خلاص يوم بكرة بتكون عندك المعلومات ، قلت ليهو يا سلام انت الزيك مو ياخ❤ قال لي لا يا حبيبتي ما بسوي شي ببلاش قلت ليهو اطلب داير شنو قال لي تعرفيني بوحدة من صحباتك 😂قلت ليهو ابشششر يا حمودي قال لي حمودي في عينك خلي حبيبتي تدلعني قلت ليهو حركات قال لي خلاص حدي التلفون عبدالله شوية وحياكلني بعيونو😂 عبدالله شال منو التلفون قال لي شكلو عجبتك الونسة معاهو وبعدين دة شنو صاحب الفيراري دة منو قلت ليهو حبيب صحبتي ودايرة تعرف اخبارو قال لي وانتي دخلك شنو قلت ليهو طلبت مساعدتي وبعدين انا وصلت يلا باي قفلت قبل ما اسمع ردو.. وصلت بيت جوجو الساعة ١١ كدة بالكتير طلعت منها
يتبع
