بسم الله قبل ما نبدا ..
الرواية دي قيد الكتابة يعني اول ما الكاتبة تنزل انا بانزل باذن الله تعالى ..
فما تسالوا عن الباقي ..
قراءة ممتعة
ــــــــــــــــــــــــــــــــــــــــ
الليلة على غير العادة امي طلبت مني امشي معاها لي خالتي نسلم عليها قلت ليههاا مستحييل نووو ويي قالت لي ولا على كيفك قلت ليها يا امي عندي جامعة قالت لي ضربت لي بيان وقالت لي ما عندك محاضرة الا الساعة ٣ ونحنا ان شاءالله حنجي قبل ٣ قلت ليها انتي فهمك شنو من متين قاعدة تسوقيني معاك 😒، قالت لي امبارح خالتك ضربت واصرت تجي معاي ❤
مشيت لبست لقيت امي منتظراني تحت قالت لي تعالي شوية ظبطت لي حواجبي قالت لي عشان يعرفو بت مريم لا لينة ولا هينة انا ساكتة ومستغربة هي وابوي حاسين بشنو الايام دي فعلا وصلنا بيت خالتي في المعمورة سلمت علينا بقت تتونس مع امي وانا مرة مرة بتكلم وبجاوب على قدر السؤال كل شوية تشيل وتعاين لي قالت لي بقيتي عروس قلت ليها هه بدري قالت لي بريي ما بدري ولا شي كبيرة وواعية رايك شنو اخطبك ليك ولدي علي ؟ قلت ليها بنهرة كده ما مفكرة في عرس حاليا ودايرة اكمل قرايتي امي بقت تحمر لي ساي😒
وانا اصلا جني وجن الزول البقعد ينظر لي ويديني رايو من غير ما اطلبو او يدخل في حاجة ما بتخصو حتى لو كان زول قريب لي فما رايكم بي خالتي واهل امي الاانا ما عندي ليهم حاجة الونسة كلهم بقت عبارة عن "ولدي ما شاءالله" "علي اريتو ولد السررور " وامي فاهماها وعاملا رايحة حسيت انو اتخنقت من القعدة قلت لي خالتي اوصفي لي الحمام مشيت الحمام اتنفس شوية من القعدة معاهم❤ وانا طالعة لمحت زول غايتو لو دة علي الببتتكلم عنو مصيبة ما بتخيل زاتووو اكون معاهووو شينننن شنةة مرا جات بت عاينت لي من فوق لي تحت قالت لي انتي بت خالتو مريم ؟ قلت ليهو ايوا قالت لي مالك ما بتجي علينا قلت ليهو الدايرني يجيني فبيتي وخليتها ❤ رجعت لناس امي ولسا في نفس الونسة " انا ولدي ببتمناهو الف بت" بقيت بضحك مع نفسي طبعا بتتمناهو الف بت اخيرا امي نطقت وقالت ارح نمشي بعد دة و خالتو شغالة تحنس اقعدو قيلو اختصرتها وقلت ليها عندي محاضرة مهم ومضطرة امشي ❤
مشيت الجامعة وحضرت المحاضرة وتمينا اليوم عادي جدا ليان قالت لي رايك شنو نطلع نلفلف شوية قلت ليها حاضر زاتو ما دايرة ارجع البيت بدري❤.
قعدنا نلفلف لقيت اكتر مكالمة من عبدالله رجعت ليهو قالي ما بتردي مالك ؟ قلت ليهو كان مقفول قالي لي محمد من قبيل شغال داير رقمك ابيت اديهو ليهو قلت ليهو هو عندو رقمي قال لي اي لكن شريحتو اتحرقت اسي اضربي ليهو قلت ليهو طيب قال لي وارجعي لي بعد ما تقفلي منو وقفل بقيت بقول الله الله دة الفضل يتامر فيني ضربت لي محمد قالي سلام قلت ليهو وعليكم السلام قال لي الامور شنو❤ قلت ليهو انجز جبت الطلبتو منك قال لي اي ❤قلت ليهو يسلام يلا طيب ❤قال لي الرقم اول قلت ليهو رقم شنو قال لي رقم وحدة من صحباتك قلت ليهو بعدين قال لي تديني الرقم بقول ليك العندي❤ اتلفت على ليان بعد تحنيس اديتو رقمها قال لي الولد اسم باسل عبدالله عمرو ٢٥ متخرج السنة الفتت شغال مع ابوهو في الشركة وضعووو جيد جداا امو فرنسية و...... قلت ليهو تسلم ياخخ❤❤قال لي العفو ❤وليان بتعاين لي ساي ومستغربة وقفنا في الاشارة لقيت عربية صفرا واقفة جمبنا مستحيل انساها فتح صاحبها شباك العربية وو
يتبع
