نور: ماما احچي شكو شصاير
الام: مكانچ خالي😭😭😭
نور: صدك تحجين ماما واني كلبي وكع عبالي اكو شي والله اني هم لو تدرين شكد مشتاقتلكم كومه حتى احس نفسي ضايعه بدونكم مادري شسوي
الام: حبيبتي… اني اريدچ تهتمين بدراستچ وطورين نفسچ وخلي شي واحد ببالچ بس انتي گدها ماماتي
نور: ياعمري انتي ان شاء الله
الام: ابوج وحسن يسلمون عليج
نور: ياكلبي سلميلي عليهم هوايه ومشتاقتلهم هوايه
الام: ان شاء الله بنتي يوصل
نور: يلا ماما لازم اروح هسه
الام: بالحفظ والصون يمه
…… .
نور: تدرين مينا هاي ماما جانت تجلطني من جنا سوى وهسه تبچي عليه والله الامهات يحيرون
مينا: فعلا ...بس مستحيل تلاكين احد بحنانهم وحبهم الج
نور: اي والله
مينا: اني امي ماتت من جان عمري 15 سنه كلشي ماشفت منها حتى ماشبعت من حنانها
نور: اووو سوده عليه خطيه
مينا: اي والله وحتى نفسيتي بوكتها تعبت وأثرت على حياتي كلها بس الحمدلله ابويه ممخلي قصره عليه
نور: الله يحفظه الچ … زين ماعندچ اخ.. اخت
مينا: لا اني البنت الوحيده لان ماما ورا ولادتي صارت عدها مشكله بالرحم ومكدرت تنجب اطفال
نور: سوده بوجهي حبيبي اعتبريني اختج شتردين اني حاضره ومن عيوني
مينا :بعد كلبي متقصرين
نور: يلا صارلنه نفتر تعبت😂😂
مينا: يي كلبي بس المره الجايه نسوي shopping
نور: 😂😂اوك
سرمد: لك شبيك تفتر وراهم صارلك ساعه بلكت يشوفوك بلكي تطلع عرمه وتطلعك بالنعال
علي: بلكي تولي من يمي لان راح تنلط😒
سرمد: لك بابا امشي عاد يلا راحو ولو شون مصيبه ياربي
علي: اوو،شكد تخرط يلا امشي
نور: (واني كاعده بالسياره مال مينا واشوف علي من المرايه ورانا بسيارته ضليت اسال نفسي هذا هو لو اني متوهمه وليش ديمشي بنفس الطريق الدنمشي بيه… ؟؟)
علي: لك سرمد تدري هاي البنيه عجبتني
كلش مادري احسها مختلفه
سرمد: يامختلفه هي جتي كبالك وانعجبت بيها وشهل المشاعر السريعه ماشاء الله 😒
علي: تدري انت بس تحبط معنوياتي😒 مال اشمرك من السياره محد يلومني
سرمد: يي دمشي وصلنا حتبدي المحاضره
مينا: يلا نونه حتبدي المحاضره
نور: يي يلا جيت… بس دقيقه اروح للمكتبه ارجع الكتاب وارجع
مينا: اي كلبي بس لاتتاخرين
نور: اوك.. (واني امشي انداريت لكيت علي ورايه )… 😳😳😳😳
علي: 😳😳😳😳😳
نور: عفواً شسالفتك قبل شويه تلحكني هسه تلحكني مو عيب عليك
علي: لا لا موقصدي صدفه والله صدفه
نور: اولاً لاتكذب وتحلف كذب ثانياً الصدفه متصير مرتين وثالثاً اذا اكو شي ببالك ف ابعد عني اني مافيدك
علي:…. اااا
نور: مع السلامه😒
مينا: هاي وينج المحاضره بدت وشبيج جنج ضايجه
نور: لا مصاير شي خل نتتبه يلا
مينا: ووك
شنو راح تتوقعون يصير ؟؟؟معقوله علي يعوف نور وشنو راح يخطط يسوي تابعوا البارت الجاي❤️
بقلمي :ايه الحديدي
