نور: اجه اليوم الثاني واني ميته قهر اني الليل كله افكر بمستقبلي معقوله حيضيع احلامي معقوله حتدمر ليش ياربي…
الام :حضري روحچ العالم حيجون
نور :ماجاوبتها مجرد دموع تنزل من عيني واني دااجهز اندگ الباب عرفت اجوي واباوع من الشباك حسن يسلم عليهم…
حسن: هلا عمي ابو خالد… ..هلا خالد…. تفضلوا
خالد: هلا حسون مشتاقين
حسن: تشتاقلك العافيه حبيبي
الام: نور يله العالم اجوي وبلا تبجبج ماراح نعدمچ
نور:… .🥺🥺🥺🥺🥺🥺🥺 نزلت وشفته اسمه خالد الولد حلو ومابيه شي بس اني ماموافقه ..ماريده☹️☹️
اني خالد عمري 21 سنة اشتغل ويا ابويه بشركه مقاولات اسمر شعري جوزي عيني بني فاتح احب الرياضه كلش
نور: السلام عليكم
خالد_ابوه: وعليكم السلام والرحمه
خالد: اباوع عليها واگول لروحي سبحان ال خالقها شنو من جمال شنو من ادب نيالي ح تصير مرتي
ابو خالد: احنا جايين وبكل شرف نريد نخطب بنتكم لأبنه والي الشرف اذا توافقون
نور: اي… بس بشرط
الكل باوع عليها متفاجئ….
خالد :شنوه؟؟؟
نور: ما اتزوج الا ورا 4 سنين من دراسه الكليه يعني بس اريد تعقد عليه ماسوي حفله ونصير ببيت واحد الا ورا 4سنين
ابو نور: بنتي شهل حچي
خالد: موافق
نور: (باوعت عليه بصدمة) يصير خير ان شاء الله
الام: كلللللللش الف مبروك
نور: (خنگتني العبره وصعدت ال غرفتي واني ابچي دكت عليه ساره) هلا سوسه شونج
ساره: ولچ وينچ من البارحه ماكو وادگ عليچ ماجاوبين شبيچ
نور: ماصاير شي
ساره: وج شون ماصاير شي وصوتچ مخنوگ
نور: اني….. اني راح اتزوج
ساره: صدك تحجين؟؟؟؟؟
لا لا اكيد هذا مقلب صح؟؟؟
نور: وحگ الله جاي احچي الصدك
ساره: وج ليش.. وشون… ومنو
نور: واحد اسمه خالد يشتغل بشركه مقاولات صديق اخويه يصير
ساره: عزاا بعيني… يربي… اوووف
نور: هاي هيه هاي قسمتي والحمدلله الضاهر مامكتبولي احب يجوز احبه بعد،الزواج 😞😔
ساره: مادري… مادري شگلج قهرتيني… .🦾🥺🥺🥺
نور: لاتكولين الحمدلله ع كل حال الله اله بيها صالح
ساره: حبيبتي بعد كم يوم اعلان النتائج ربي يحقق الي ببالنا
نور: امييييييييين… ❤️ربي يجبر بخاطري ويحقق الي ببالي لان بس هو يدري شكد تعبت
ساره: يي والله تستاهلين كل خير..
ياترى شنو راح يصير ويا نور ومعقوله النتيجه ح تسوي تغيير جذري بحياتها تابعوا البارت الجاي❤️
بقلمي :ايه الحديدي ❤️
