#سنوات_من_عمري
للكاتبة ايمان جواد البارت الثامن
ميقات عقدنا اني ورعد والفرحة بعيونا اثنينا ماتنوصف
بيبي قررت تزوجنا بالعطلة من تخلص المدارس يعني ماظل شي
وهنا بدوا يرممون الغرف غرفتي بقت غرفتي اني ورعد وحسنات نزلت جوه يم عمتي والغرفة الجوه صارت لحيدر ومسلم والغرفة الفوك الثانيه لعقيل وسارة
بدوا الولد يصبغون الغرف والبيت كله
جان ماخذنه الواهس الكل فرحان بذاك الوكت
رعد جاب فلوسة يمي
-شنوو هاي رعد
-هاي فلوسي ضميهن يمج بعد هذن لامهن الج من سنين
-الي اني
-اي من اشتغلت وبيبي تكلي جمع فلوس لعرسك وهاي اني اجمع
-ها يعني بيبي دكلك مو انت
-رجعنا بيبي دكلي لم فلوس وصح هي تكلي ميقات الك بس اني ما اتخيل غيرج تصيرلي زوجه فتحت عيني ميقات الك وكمت مااشوف غيرج وحبيتج
-اممممم بس مامبين
-يعني شسوي تردين اجي اكلج ميقات اني احبج ونسوي علاقة اني وياج
-اي وشكو بيها
-ليش غريب اني وع شنو اسوي علاقة اشو انت مكابلتتي والي وشوكت مااريد احجي وياج دخذي الفلوس ضميها يمج هاي فلوس الذهب والغرفة والباقي هم يمج وكل يوم اشتغل اخليهن يمج بعد
صرتي مريتي بعد ...
جناات
اول شهر زواج صدك شهر عسل ولييد يحبني ويخاف علي ومدللني ادلل بيت عمي ماعدهم شي شغل عادي واني وعمتي نساعد ونخلصة عمتي حيل حبتني واني هم حبيتهأ فقيرة وع مالت الله
بس الفرحة ماتم عمي شد وي وليد ع مود الشغل ويومية عركة
يكلة اطلع اشتغل صارت عندك مرة
ووليد لازم السطح ويطير طيور
شكد احجي وياه ميفيد يكلي ماكو شغل
-وليد يعني تبقى كاعد الله عليك هم اني اريد اشتري حاجة يعجبني شي لشوكت تضل كاعد اريد ربع اشتري حب ماعندي
-تردين هسه اكوم اخذ من امي واجيبلج حبيبتي ادللي
-اووف صدك تحجي وليد ولشوكت نبقى ناخذ من اهلك يعني ابوك حقه من يتعارك وياك اطلع شوفلك شغل
-هو وينه الشغل يمعوده
-يعني تريده يجيك للبيت لو للسطح
-اوو صرتي تحجين مثل ابوي
-ابوك حجية صح انت متريد تشتغل لا هاي ولا ذيج انتكلت ع ابوك وامك
زين واني مفكرت بيه
-شبيج انت شتطلبين عيوني الج كلبي الج روحي انت هدية الله الي
-اووو عوفك من هالحجي وليد
-شبيج غير احبج احبج يروحي الج الصافي انت معليج قابل نايمة جوعانه
ياعيني
-اووف الحجي وياك ضايع انت ميفيد
سارة
بديت اجهز نفسي وطلعت اني وعمتي وميقات للسوك نشتري شغلات مكياج ملابس
وكفنة يم ابو القماش عجبني قماش كشمير حلوه نقشته
عمةة هذا اريد منه
اي بنتي اخذي اليعجبج وانت ميقات هم اخذيلج قطعة حتى نذبها يم الخياطه
كلت للرجال ابو القماش كصلنا قطعتين من هذا
-صار بويه ادللوا
منتبها ع الرجال واسمع صوت مره كالت فوزية
التفتت عليها
وين شايفتها هاي
عمتي فوزية ارتبكت وذيج المرة اجت سلمت وحضنتها جانت وياها مرة ثانية
شلونج فوزية شخبارج شصاير بيج متغيرة
الجهال شلونهم
-زينين الله يسلمج انت شجابج اليوم هنا
تحجي وتباوع علي
المرة باوعت علي شافتني تقدمت علي وفكت عيونها سارة بنيتي
-من كالت اسمي جسمي كله رجف مدري شصار بيه
صفنت بوجها
سارة ماما اني امج اجت حضنتني بنيتي يمةة مشتاقتلج صلوات كبرتي وصرتي مرة بعد روحي يمةة كامت تبجي حضنتني
واني ساكته مصدومه
اني امج سارة يمةة ماعرفتيني
دفعتها مني ودموعي نزلت
لا ماعرفتج ولا اريد اعرفج اني ماعندي ام امي ماتت من زمان
-ليش هيج دكولين يمةة ماصدكت شفتج شلونج يمة اخوج شلونه
-عمة فوزية امشنه
درت وجهي بس شنو دموعي تنزل عشرة عشرة بودي احضنها واكلها يمةو ليش عفتيني ليش يمة مشتاقتلج يمة محتاجتج يوم راح ازوج اريدج توكفيلي بعرسي مثل كل ام توكف لبتها ..
بس مااكدر
درت وجهي منها
ركضت وراي وج يمةة اني امج
-انت مو امي امي عمة فوزية هي الي ربتنا انت عفتينه واحنا صغار ورحتي ازوجتي
-ولج يمةة مو بكيفي ولا بيدي غصب والله بس خل افهمج
-مااريد افتهم شي شنو غصب اكو احد يذب جهاله ويكول غصب حتى الحيوان ميذب جهالة وانتي ذبيتينا واحنه صغار واحنه محتاجينج
-والله غصب ابوي زوجني وبيبتكم حرمتني من شوفتكم كم مره اجي وتطردني
-كافي لا تجذبين لا تحجين ع بيبي
عفتها ومشيت سريع وبقت هي وي عمتي فوزية وميقات
اركض وامشي مثل المجنونه ابجي بحركة امي اشوفها بعد ١٥ سنه وين جانت علينا ليش شفتها جنت ناسيتها كلبت المواجع علي
وصلت للبيت ابجي طبيت اركض للغرفة
شافتني بيبي وعقيل ورعد
اجو شبيج شبيج
عفتهم وركضت واصرخ
طبيت وسيت الباب من جوه
بيبي تدك شبيج بيبي احد وياج فهمينه وين عمتج شصار
مااكدر احجي ومااريد اشوف احد
معقولة بيبي كذبت علينا
لو امي تكذب
كلبي يدك سريع امي شفت امي حضنتني
ليش ماحضنتها ليش ماسامحتها
لا لا هي عافتنه اصلا هي صدفة شافتتي مجايه اصلا تسئل علينا
الباب يندك ماافتح
بعدين سمعت صوت ميقات وعمتي اجن اكيد هنه راح يحجن الهم شوية واندك الباب عقيل سارة افتحي الباب اريد احجي وياج
مسحت دموعي وكمت فتحت الباب
-سارة صدك تحجين ليش تبجين
-عقييل شفت امي شفتها حضنتني وماحضنتها اني باستني ومابستها حاجتني وماحاجيتها
مااكدر اسامحها عفتها وانهزمت
ليش شفتها ليش كلبت علي المواجع تدري شكد جنت احتاجها تدري شكد بجيت عليها جنت اختل جوه البطانية وابجي عليها
جنت اخأف ابجي كدام بيبي لا تضربني
ليش عافتنه ليش وليش شفتها اني اكرها اكرها
كافي حبيبتي كافي تبقى هي امج ومانعرف شنو ضروفها المفروض تفرحين شفتيها مو تبجين ياعيني خطيه هسه امي دكول شبعت بجي عليها واجت تتخربط حبيبتي المسامح كريم -هسة تذكرتنا مو صار سنين ناسيتنا
كتلج متعرفون ضروفها وبعدين موزين شفتيها
-لا موزين مااريد اشوفها اني حاقده عليها
طب رعد عدلت كعدتي جنت منتجية ع عقيل
كال سارة صدك شفتي امي
-اي اي رعد شفتها
-وليش ماجبتيها اشوفها
-شتريد منها مانريد شوفتها شنو قابل ذاكرتنه هي صدفة وشفتها بالسوك لو تحبنا وتريدنا تجينا للبيت
-لا يصير كلبج قاسي سارة تبقى امنه عمتي دكول اجت تتخربط من البجي
-هسه تذكرتنا وبجت دموع التماسيح هاي ليغرك .........
مسلم
كل اسبوع اطلع وي ورود
قوة علاقتنا وتعلقت بيها وحبيتها بنية حبابه وفقيرة وتنحب وتحبني وتموت علي وشكللها تسوي
جانت مامحجبة وكتلها تحجبي تحجبت
كتلها نطلع بالاسبوع مرة
كامت شلون مكان تجي ونطلع نروح مكان عام نكعد نسولف ونتشاوف
فديوم شفتها ضايجه كلش
-شبيج عمري اليوم مو ع بعضج
-مسلم اخوي سرمد يضايقني كلش ويريدني اترك واني شاطره والله كولة اطله تسعينات
بس عندي درس ضعيفة بيه وردت من امي فلوس ادخل درس تقويه
بس ماعدها وسرمد يكلها بطليها
تعبت مسلم طموحي اصير دكتورة والله اني شاطرة بس واكفين ضدي ومحد يساندني ويشجعني
بابا رجال ع كده وامي ملتهية بالبيت واخواني وسرمد يفرض شخصيته يريد علي تعبت والله تعبت
كامت تبجي
صدك تبجين وردتي كوليلي شسويلج
اجي اخطبج من هسه وع العطلة نزوج واني اوصلج اخليج تصيرين احسن دكتورة
-ياريت مسلم ياريت اني ماعندي غيرك بس انت هسه الي انت سندي
-حبيبتي مايكون خاطرج اله طيب باجر احجي وي امي واخطبج اجي
واذا ع الفلوس المدرس اني اطيج
شكد فلوس التقويه
-لا لا مااكدر اخذ منك
-لا تاخذين اني وانت ماكو فرق وراح تصيرين زوجتي والصراحه اريد ارفع راسي بيج واكول زوجتي دكتوره
-الله يخليك الي ويحفظك يارب
طلعت ١٠٠ الف هاج
شنو هاي خليهن يمج
لا
اشش اخذيهن لو ازعل
زين شكل لاهلي منين جبتهن لا مسلم مااخذ عود اذا خطبتني صدك ذاك الوكت اكدر اخذ منك
لعد احسبي نفسج هذا الاسبوع خطيبتي
ابتسمت وعيونها كامت تلمع من الفرح البراءة كلها بعيونها جانت فقيرة كلش وع نياتها حبيتها لبرائتها اكثر شي
-احبك والله والقران اموت عليك انت عوضتني عن حنان وحب امي وابوي
-واني هم احبج صرتي كلشي بدناي انت
دكومي ارجعج للبيت لا تتاخرين وعود نتخابر واكلج الاخبار راح افاتح امي وبيبي وشوف شيكولن
-يارب يقبلون بيه
-حتى لو ميقبلن اني اريدج واخذج اخذج الي سمعتي
جنات
خليت الصينيه مالت الغدة
وستوني كعدت ناكل سوه
نزل وليد من السطح
عمي كله ها شرفت الملك انت واحنه خدم يمك نجيب وانط بحلكك وانت كل احساس ماكو متكول اطلع اشتغل اجيبلي فلس
مثل الحيوان ماكو احساس
-يابه هاي انت كل مااريد اكل تذلني ع هالكمه مااريد بطلت مااكل وياكم بعد
-انت متاكل ومرتك
غصيت باللكمه وكمت متت بدمي عفتهم يتعاركون وطبيت لغرفتي بجيت ع حضي هاي يومية تصير عركة ع الاكل مذلةله ع اللكمه
اووف حقة الرجال رجال جبير يشتغل ووليد يير طيور
طب وليد وراي
يتأفف شيخلصها يربي والله متنا مو عيشة ذله بهذا البيت
باوعتله ابجي شوكت تشتغل وليد كافي حقه ابوك
-ليش تبجين لا تخبليني كلشي ولا دمعة توكع منج
-وليد اطلع شوفلك شغل لو اعوف البيت واروح لهلي ميصير هيج تره
-شنو تعوفين البيت غير احرك البيت هذا كله علمودج
-اوو وليد كافي جذب تسوي نفسك تحبني لو تحبني تروح تشتغل كافي تعبت ترة
مااشتغل والله عليمن مشتغل يمعوده ناكل ونشرب وكاعدين شعندي
-زين مدام متشتغل اني رايحة لهلي
-شبيج
مابيه شي
كمت جريت عباتي لبستها
وهو يجر بيه جنات شبيج صدك تححين
اي صدك
طلعت بالصاله وهو يركض وراي جنات لا تخبليني تدرين مااكدر اعيش بدونج
عمتي شافتني وين
عمة رايحه لهلي وماارجع اله ووليد مشتغل
وللحكاية بقية ايمان جواد
