#سنوات_من_عمري
للكاتبة ايمان جواد البارت ٢٢
سارة
غير من كلي هيج احس كرهت روحي وتمنيت الكاع تنشك وتبلعني
رفعت راسي علي شوف حيدر تره اني ممصدكة روحي ولا شي بس تعرف انت بيبي واوامرها وهي مريضة اخاف اكولها لا وتتعصب ويصير الها شي
اني لو علي اصلا لا اعقد ولا ازوج من الاطلاق
المهم اني سئلت وهم كلولي مدام عاقد عليج يعتبر زوجج فانت ابريني الذمة بكل تصرفاتي حتى اني اتصرف باليعجبني اطب اطلع اروح اجي اسوي الي اريده
-وشعندج يعني شسويين مثلا
-بكيفي مو شغلك هذا
-دروحي يله مالي شغل بيج سوي الي ترديه
اني مو اكرهج تره ولا تقهمين غلط بس اني مااريدج تصدكين روحج انت زوجتي ومن هاي السوالف
وتتعلقين بيه انت تعرفيني كولش زين اني وافقت حتى بس بيبي لا يصير بيها شي وهم انت تعرفين اني تحب ميساء وبسببج تفاركنا
-اني شكوو بسببي المفروض انت ترفض
وانت شكوو وافقتي هااا ليش قبلتي
اني مرة وانت رجال عادي اضعف واقبل بكلشي بس انت ماتوقعت تعوف ميساء وتوافق
سارة اطلعي مني
طالعة بس ابريني الذمة
اي باريج روحي يله
طلعت من غرفته بس متت قهر الله لا يخلي وحدة بموقفي عبالك اني شامرة روحي عليه اني البيه مكفيني بيبي باقيه تجيبني هيج وتذبني هيج
يتيمة ومالي احد و غصب علي اقبل بكلشي وين اروح اني وجهالي لا ابو ولا اخو يحميني
بس امي وبعيده علي ومنو يقبل اروح اكعد يمها
رجعت ع عمتي
ها عمة نروح
لا خليها ع باجر نروح من الصبح هسه راح الوكت خاف يصير علينا الليل
بكيفج عمةة ع راحتج
اخذت رضا بيدي وصعدت فوك
لزمت المبايل خابرت ع امي متجاوب دكيت ع ميساء
ردت
شكووو سارة انت صدك متستحين شكوو تخابريني
-شبيج ميساء شبيج مقاطعتني من ذاك اليوم لهذا اليوم انت ماتعرفين ضروفي
مو تدرين غصب عني الي صار
-لا مو غصب وانت ماصدكتي وهو هم ماعندة شخصية مع الاسف والله ضيعت سنين عمري حبيتة وانتظرته
-ميساء مو من قسمتج الله يعوضج بالاحسن
-اي من قسمة اختي صار الي حبيتها ووثقت بيها وحجيت الها كولشي
مع الاسف والله ياريتني مااعرفتج ولا شفتج
-ليش هيج تحجين وياي ليش والله مالي ذنب بالي صار انت من صفحة وحيدر من صفحة وبيبي شبيكم علي حرام عليكم حرام اني هم بشر حسوووا بيه ارحموني
سديته منها وشمرت نفسي ع الجرباية
عقييييييييل ليش عفتني ليش خليت اليسوه والمايسوة يحجي عليه وك ليش كلي ليش تقبلها عقيل تقبلها مرتك هيج يصير بيها
تعال ارجعلي عيوني انت ارجعلي فدوه تعبت كافي مااتحمل الي يصير لو اخذني يمك ويم رعد خل ارتاح كرهت الدنيا بدونك
نمت ع مكاني واصرخ وابجي الى ان غفيت
واشوف رعد يمسح ع راسي سارة كومي خوية ليش تبجين منو غاثج كليلي
رعد انت عدل خوية وينكم ليش عفتوني
محتاجتكم
اني يمج مااعوفج واكفلج والله
-وينك خوية الدنيا ذلتني خلافكم
-ميخالف اتحملي اتحملي ان الله مع الصابرين الصابرين الصابرين
٣ مرات كالها وراح تبخر
فزيت لكيت نفسي نايمة ع وجهي ورضا ابني ماكوو نازل جوه
شوكت نمت شلون غفيت ماادري ع كد الحلم
كعدت احس مرتاحة ع شوفة رعد اخوي
بس حصرتني العبرة سوده علي خوية صدك تحس بيه عمت عين التراب الضمكم .....
