#سنوات_من_عمري
للكاتبة ايمان جواد
الجزء الثاني
البارت الثاني عشر
ميقات
علاقتي كلش باردة بوسام جانت ماكو مشاعر ابد اتجاها بس اسمي ازوجت واتعايش وي الوضع كوه واكل اتعود
طبعي تغيير تماما مو مثل من جنت مزوجه رعد اضحك اسولف اشاقة اطلب منا طلبات وامون عليه
لا ابد وي وسام غير شي كولة جان رسمي وماكو شي بداخلي يتحرك اله وكل يوم باجر احبه
ماجنت اكرهه ولا احبه شخص عادي جان عندي اما هو فقابلني بالمثل هم جان بارد وعبالك يمثل او يادي دور الزوج والعم لجهالي يروح يومين خفر بالدوام ويومين يجي للبيت هيج جان دوامه باليومين الي يروح اخذ راحتي اشتغل اروح لهلي يصيرلي وهس بكلشي بس من يجي حيل اتقييد
عكس المطلوب يعني صرت
بيوم الي اجة كالوا مسلم تخربط
خليت ورحت لهلي جنات جانت جاية خطار
طبيت
-شكووو شصاير شبي مسلم
-ورود ازوجت وهو انقهر ماادري شنووو اشو بس سمع بالخبر وكع
-ياااا صدك جذب طبها مرض لعد شمتوقع هي عافت بناتها وطلبت الطلاك تتوقع هيج بله سبب اكيد عدها سبير ع كولتهم
-اي والله خالته جوه ابطها بس خلصت العده ازوجت صدك جذب
-وهسه مسلم شلونه
-خابرت عليه كال حيدر هبوط بالسكر صاير عنده وهم انهيار عصبي وبعد هذا الي صار
-اوووف ياربي ليش هيج مكتوب النا
الحب مايوكع لهلي العائلة
الي نحبه نخسرة وماعدنا حض وياه
الحمد لله والشكر ياربي ع كل حال
بقيت يم اهلي
دك وسام علي
ها شبيه مسلم حجيتله
-والله بطران اليبيعني بنعال مااشتريه
-غير يحبها مو بكيفة هاي مشاعر تتحكم بالإنسان لا ارادية
-اخوج ماعنده لا كرامة ولا شخصيه
-هاي شنوو وسام مااسمحلك ترة هيج تحجي ع اخوي
-دتعاي يله امشي سويلنا عشة
ليش مرت عمي وين
-امي موجوده بس اني اريد مرتي تسويلي
-ماكو تره فرق واني ستوني طبيت خل اشوف وضع مسلم شلون يصير واجي
-كتلج تعاي يله
سده
هذا شبيه صار اسبوع ماتنحس هسه اني شلي بهالزواج يربي جنت مرتاحة وكاعده ع جهالي
لبست عباتي
كالت حسنات ستوج اجيتي وين
اسوي عشه لوسام يمعوده متنحس علي مدري شبي
جنات حجت
حقة ترة انت ماجنه رجلج ابد فالحة بس شغل وطبخ لج رجلج اصغر منج ويريد طلع وسوالف وضحكه حلوه ولبس
الله عليج هذا لون لابسته
شعرج اصبغيه حواجبج سوييهن ع الموديل
انت شايفة البنات هسه ورجلج صغير يحضي
-والله هذا اني هذا عمري وهذا شكلي مدازه علي
-انت شما اشوف راح تصير مثل سارة ميقات انت ازوجتي واحتسب عليج زواج بعد اهتمي برجلج ولا تخسريه
باوعت الها وخليت العبايه ع راسي وطلعت
رحت للبيت بهدوء شمرت العباية عمتي شافتني
اجيتي
اي عمه دخلت للمطبخ سويت عشة وجبته خليته بالصالة
دخلت للغرفة جان متمدد ع الجرباية ومبايله بيده
كتله صبيت عشة تعال تعشة وابتسمت بوجهه ابتسامة كذابة
حيدر
ضربت مسلم ابرة مهدأ
نام وكعد رجع مره لخ جان كلش تعبان اول مره اشوفة بهيج وضع اذكرت من عفت ميساء ومن سمعت بيها انخطبت شلون جان احساسي. ناار وشبت بداخلي
احنه ليش هيج ماعدنا حض وي الشخص الي نحبة
عقيل جان يحب سارة من اول ماكبرت كدامه حبها وجنت اشوف فرحته بعيونه الها
بس ماتهنه وياها واستشهد
ومسلم هذا حاله
واني اخس
وهسه البنت الي حبيتها حب من طرف واحد شكد احاول اتقرب منها بس هي بالها مو يمي ابد معتبرتني اخوها تحجي وياي كله باخوية
زين شسوي اخاف اعترف الها وتبتعد مني وترفضني وينكسر كلبي مرة ثانيه
وخاف اسكت تروح مني
اخ والف اخ
حياتنا متلخبطه ودائما تجري الرياح بما لا تشتهي السفن
مسلم سجلة الدكتور علاج ومهدئات وكدرت اطلعة
رجعت للبيت امي تبوس بيه ويمة فدوه الك الف مرة والله هسه رايحة لام مهدي اخطبلك هاي البت واشوفها شنوو بس ورود بالدنيا اشفت منها جبت عمرك انت مداري نفسك وتعبان وياها وهي بس تدرس شنو باكلة زينه بلبسة زينة وك يمة غير كون من تنقهر ع وحده شايف منها شي
باوع ع امي
كلها يمةة احبها ربيتها ع ايدي احس نفسي فقدت وحده من بناتي
اسم الله على بناتك ختولي يمةة ان شاء الله الله يعوضك بالاحسن منها
هز راسة الله كريم
بيبي صاحت وينهم مسييلم حويدر امداني عود هم عدي زلم نسوان تهزهم
ابتسم مسلم وراح دنك ع ايد بيبي وباسها
-ول عبالي زلمة وسفة تهزك مرة تولي الا اخطبلك احسن منها هسه امك تروح ع هاي وتشوفها الك
جده اني مو ع مرة ولا ع زواج اصلا مااريد زواج بس بيبي محروك كلبي حاس نفسي مغبون جده ليش قصرت بشي وياها جنت مداريها مثل المي بالصينيه تعبت لحد ماوصلتها وجنت اكول باجر تحصد تعبك يامسلم ومرتك ترفع راسك وبناتك يتباهن بامهن
اخ اخ هذا الي قاهرني اكثر شي مو بس لان احبها
-تولي جده قليلة اصل وناكرة المعروف شنسوي بالدنيا هواي مثلها جده
الله خلق الخيير والشر والجنه والنار.
ولازم نشوف مثل شكيلات ورود واكثر.
انه اسولفلك جده سالفة صارت عدنه بالسلف كبل
