قوة إمرأة

البارت الرابع

البارت_الرابع٤

............(قوة إمرأة)............

ناجي : إيمان ( وسكت شوية ) تنهد وعاود قال
إيمان
إيمان تغلي : نعم، أشرف فيه شي رد عليا

ناجي عيونه خنانه وبكا بحرقة : ربي يرحمه ويسامحه

وافيه : شن تقول انتَ

ناجي ويمسح في دموعه : أشرف عطاكن عمره

وافيه بدات تندب وتنتش في شعرها

ميمونة نصدمت: إن لله وأن إليه راجعون لا أله إلا لله

بشرى بخوف : تكذب ياناجي صاح قول والله، أحلف اشرف توفى !!!

ناجي يبحت في إيمان كيف مصدومة تبحت فيهم :
الله يرحمه خوك توفي بعد ساعة دفينة علي صلاة
العشاء
(وطلع)

صبايا طلعن من دار ومن مطبخ والعيال الصغار
منـفجعين وافية تندب في وسط الصالة : يانعلي
يانعلي يا عزوتي يا خوي يانعلي

عزيزة : شن فيه !!!

بشرى تبكي : أشرف عطك عمره ياأمي أشرف توفي
اليوم

عزيزة نصدمت

أماني : كذابة أمبدري كان هنا وقالي ديريلي قهوة
كذاااابة (تبكي) تكذبي صاح

بشرى: ياريت كذبة

أماني بدت تصرخ : لا خوي يانعلي ياأشرف يافزاعي
مستحيل أشرف يموت نعلي ياغالي

وباقي يتباكن

إيمان خشت تشوف فيهم يصرخن وعيطن
ضبطتها أماني تبكي دفتها إيمان قالت : أشرف
مامامتش، أشرف مايسيبنش مواعدني 💔

عبير تبحت في إيمان وتبكي : الله يرحمه

إيمان لا إردياً قالت : صكري فمك !!!!

وعيطت بصوت عالي أعلي من صوت بكاهن وقالت
: أشرف حي، أشرف ما سيبنش فاهمات صكرن فمكن
(بصوت عادي) هذا مقلب دايره عشان يعرف قديش نحبه
بس ، حي هو ماتوفش

بشرى تبكي وتبحت فيها: يارب يطلع كيف ماقلتي
يارب

وافيه سكتت تبحت في إيمان كيف قعمزت
عادي علي صالون وتهز في كرعيها تحكي مع
روحها في سر تحرك في فمها وحواجبها

عزيزة خنقتها العبرة حطت شال علي وجهها
قعدت تبكي وافيه قعمزت في وسط الصالة
تبكي وكلهن قعمزن يتبكن علي صامط ويبحتن
في إيمان

إيمان بحتت فيهن وعيونها حمر ابتسمت وقالت : ما
تخافنش شوية ويقولوا مقلب اصبروا بس، يحسابني
نصدقه 😁

خشت ولية من برة تندب وتعيط وضبطت عزيزة
: نعلي يا موعرها نعلي ياأشرف الغالي رحب
ويحب لمة يانعلي ياوليدي أشرف

عزيزة تبكي : أه ياكبدتي أه ياغالي

إيمان تبحت فيه بنظرة هزوة وعيونها حمر
تاخذ في نفس بصعوبة