#çhrønīqūę🇩🇿
جازو 5 ايام بعد وفاة الاب لي خلالهم حزن كبير في قلوبهم لكن كل واحد ميبين للاخر 😔..
كانو رانيا و هادية قاعدين فالكوزينة يغسلو فالماعن و الصمت كان سيد الموقف ..حتا كسرت هادية حاجز الصمت و قالت:رانيا..علابالي بلي مجازش بزااف علا موت بابا الله يرحمو😞..بصح لازم نوقفو علا رجلينا ملازمش نكونو ضعااف..بابا قبل ما يموت وصانا باش نتلهاو بيما و خاوتنا..ملازمش نسمحو فيهم ف هاد الوقت رانيا
رانيا: صح يا هادية😔..عندك الحق..لازم نوقفو علا رجليننا
.
الساعة كانت 8 تع ليل :
هديل : pppppfffffffff
كرهت كلش كرهت حياتي كرهت روحي
مروة : هديل بنتي قولي حمد لله هك ولا كثر
هديل : رانية غدوا تروحي للخدمة
رانية : نشاله هذاك شاف قالي كون مجيش غدوا نحاوزوك متنساوش عندي سمانة مرحتش
هادية : ياخي عباد ميحسوش كامل بناس 😖
هديل :ونتي هادية ملقيتيش خدمة
هادية : تع وجهي خدمة أنا
مروة لبنات راني رايحة نرقد
رانية : ماما اقعدي نسخنوا لعشا ناكلو
مروة : لالا كولو نتوما أنا حمد لله
وراحت مروة لشمبرتها منهار مات راجلها ولات تقعد وحدها ولات متقصرش بزاااف ومتاكولش ودوخ بزاااف
هادية : لبنات والله مراهي عاجبتني يما وشبيها
هديل : منهار مات بابا وهي هك لازم ندوها لطبيب
رانية : هه تديها لطبيب ودراهم مكاش ايا لبنات نوضو كشما ناكلوا
هديل : أنا مانيش قادرة ناكل
هادية : لالا تاكلي نتي تقراي لازملك تغذية
هديل : وش كاين بش ناكل حمبوكم
ايا امبعد جا سليم وبشرى
سليم وبشرى : اعطونا ناكلوا دك
رانية : ميكون غير خاطركم صغار دياولنا ايا ناكلو
هادية غمزت لرانية : وش رايحة طيبي
رانية : معندي منطيب مقبيل بعتتنا خالتو سارة طعام نتقاسموه وبراكة
هادية : اوك دك نجي نعاونك
أيا مهم لبنات راحو وجدو لعشا تعشاو حمد لله
رانية : لبنات راح ندي ماكلة لماما
هديل : مشكيتش تاكل
رانية : نفورسيها مراهي تاكل والو
طبطبطب
مروة : شكون
رانية : أنا ماما
أنت تقرأ
كرونيك جمتنا الصدفة😍😍
Short Storyهادية تحكي : أنا ومتابعيني هااااي ماما انا متابعيني في قروب لقطوا في الاعضاء ازدق ازدق.....راني نقصر برك جماعة مديروش عليا تعرفوا لغنيا تع شوفوا رمضان مدار فيا ****** ومتبقاوش تشوفوا فيا ***** جبتلكم كرونيك هيا ايا ارواحوا قاع المهم بلا منطول وجد...
