نروحو لدار حمزاوي هادية قاعدة في صالون مع جدة يقصروا
مايا : هادية بليز
هادية : وي حبي وش تحبي
مايا : راني فري مسحقياتك حبيبتي
هادية : انعم حنونة فواش تستحقيني
مايا : اذا عندك وقت نخرجو نديرو شوبينڨ ياك علابالك الفيونصاي ديالي مابقالوش غير غير 2 ايام
هادية مسكينة تهدر في قلبها : يا ربي حصلت واش هااد الموصيبة منين نجيب دراهم باه ندير شوبينڨ
قعدت ساكتة
مايا : هادية راكي معايا
هادية : اه ايه راني معاك
مايا : ايا واش درتي فيها تجي معايا؟
هادية ماحبتش تحشمها و ترفض : وي بيانسور على العين و الراس
مايا : حفضك ليا ختي ايا مالا قيس نص ساعة نوجد روحي ايا نعطيك لبسة من عندي 😊
هادية : لالا راني مليحة
مايا : تحشمي مني ايا
هادية : ايا اوكي طلعت لشمبرة بدلت حوايجها
بقات رايحة جاية فالشونبرا يا ربي واش ندير دوك كيفاش راحة نسلك روحي يا ربي سلمت ليك امري فوت هاذي العشية على خير و خلاص
لبست سروال بلوسيال مع تيشورت بيض و فيستا دجين قصيرة و صباط بيض و طلقت شعرها شوية ريحة و قعدت تسنى فمايا
بعد نص ساعة :
مايا : ايهاب تعيش اني لابسة طالون اطلع عيطلها بليز
ايا طلع ايهاب طبطبطب
هادية : حلت الباب : خير موسيو
ايهاب :هههههه راهي تعبطلك مايا بش تروحوا
هادية : اوك اني هابطة
ايا ركبوا فالطونوبيل دارت مايا غنا تاع ليكيب ناسيونال هههههههههه
مايا : جيش شعب معك يا الخضرة نروحوا نجيبوها خلي يصرا لي يصرا لالجيري بلادي اونيلا اونيلا اونيلا🇩🇿🇩🇿🇩🇿🇩🇿🇩🇿😍😍😍😍
هادية تغني معاها و تصفق جوزو وقت شباب حتى وصلوا لواحد المول كبييييييير بزاااااف و واااسع هادية مسكينة كي شافتو لعبت عليها الدوخة منين راحة تجيب دراهم باش تشري باينة السومة هنا تلهب
مايا : هدهد هذا المول تاع بابا الله يرحمو و دوك عمو مختار هو اللي يتصرف فيه نقدروا ندوا واش حبينا من هنا
هادية : الله يبارك بزاف شباب بصحتكم حنونة
بقاو يدورو يدورو و مايا الحاجة لي تشوفها تلصق فيها واش من ديغوب واش من صنادل واش من صبابط و تيشورت و سراول و ايكسسوارات ماخلات حاجة ماداتها هادية تبع فيها و ساكتة و تشوف غير بالعين حتى هي ماذابيها تعيش كيما اي طفلة و تتمتع و تتقلش مي الله غالب الدنيا هاذي قدر و نصيب
مايا : هادية شوفي هااذ لاغوب بزااااف شابة هاكي جربيها
هادية : اواه لالا خلي عليك حنونة
مايا : ياودي ماشي خسارة في ختي
هادية شافت السومة ديالها قلبها طاح لكرشها : اواه مايا بزاف غالية
مايا ضحكت من قلبها 😂😂: يا المهبولة ادي اللي تحبي ماناش راح نسلكو ندوا كلش باطل ياك قلت لك المول تاع بابا الله يرحمو
هادية : اااااا صار هكذا كون قلتي هكذا ماللول ايا مالا جيبي جيبي نروح نقيسها
مايا : هههههههههه شدي راني نستنى فيك
أنت تقرأ
كرونيك جمتنا الصدفة😍😍
Historia Cortaهادية تحكي : أنا ومتابعيني هااااي ماما انا متابعيني في قروب لقطوا في الاعضاء ازدق ازدق.....راني نقصر برك جماعة مديروش عليا تعرفوا لغنيا تع شوفوا رمضان مدار فيا ****** ومتبقاوش تشوفوا فيا ***** جبتلكم كرونيك هيا ايا ارواحوا قاع المهم بلا منطول وجد...
