كرونيك جمتنا الصدفة😍😍

🌹الحلقة 7 🌹

#çhrønīqūę🇩🇿
7:00 تع صبح ناضت هادية صباح بكري...طيبت الحليب و راحت تنوض بشرى و سليم...مبعد راحت عند رانيا لقاتها ديجا وجدت روحها
هادية: رانيا!!مزال الحال ياك تخدمي علا 8
رانيا:ايه علابالي ..بصح لازم نروح بكري اليوم هادية..اوموان نسيي كيفاش نقنع المدير باش ميحاوزنيش
هادية: معليش ختيتو..ربي معاك
*****************

نروحو عند هديل لي راحت للكوزينة عند هادية
هديل: صبااح الخير
هادية:صباح النور..ارواحي تشربي الحليب
هديل: لالا معليش منيش جيعانة ..هادية حبيت نحكي معاك فموضوع😓
هادية: خير نشاله وشبيك ختيتي..كشما خصك؟؟

هديل: لالا مخصني والو..شوفي هادية انا حبيت نولي نعاونكم..يعني نحوس علا كاش خدمة نخدمها فالويكاند..عالاقل نعاونك بمصيرفة صغيرة

هادية: واش هاد الهدرة هديل!! بالاكي تزيدي تعاوديها..نتي التهااي بقرايتك عمري.. و جيبيلنا  الباك كيما وصاك بابا الله يرحمو و الباقي ربي و رحمتو..تفاهمنا!
هديل: نشاله ختيتو😔..

رانية : اعطيني قرعة ما .حقا راك رايحة للخدمة

هادية :.هاكي ختي . وي نشاله اوما ترفدو روحتينا

رانية :وي هك خير حمد لله ايا اني رايحة لبنات

هادية : باي ربي معاك

ايا هادية  وجدت روحها ولبست لبشرى وسليم وهديل وراحو هديل للليسي ديالها ووصلت سليم وبشرى لمسيد وهي راحت

هادية : اووووو راهي 8:30 طولت الكار اااااا حمد لله راهي جات

ايا ركبت في الكار وراحت للعنوان لي عطاهولها شوقي

روحوا عند رانية :
لي بسيف باش قدرت تقنع مول الريستورون باش ميحاوزهااش مالخدمة..و الحمد الله قدرت تقنعو...
ايا راحت تدي فالطلبات تاع الزبائن

ايا هادية قاعدة تمشي وتبحرتلها طريق

هادية : اوووو ياربي وين راهي هذي دار خويا تعيش سقسيك تعرف هذا عنوان وين

راجل : اااااااا ختي  وي شكون لي ميعرفوش جيتي عند عايلة حمزاوي

هادية : حمزاوي شكون هذو

راجل : ختي هذو اغنى عائلة ومعروفين باعمالهم وخدماتهم راني حاير كيفاش متعرفيهمش

هادية : شوقي تعرفوا

راجل : شوقي وي نعرفوا هو لي حاكم شركات كامل شوفي ختي منطولوش هدرة امشي هك ودوري هبطة لولة يقابلك فيلا ديالهم

هادية :ميرسي خويا حفظك

ايا هادية راحت كيما قالها راجل امبعد قابلتها وحد الفيلا

هادية : الله يبارك هذي باينة ديالهم مشا الله تبارك الرحمان تهبل

امبعد جاها وحد حارس