الكاتبه❤ سنيوريتا😇 لولي ☺Hala
روايه دعااااء🤲🏻 المظلوم
😓
قصه حقيقه مزدت شي من عندي كلها من واااقع😴
هلا بيكم.....💓
نبي نحكيلكم قصتي " حقيقية " و ياريت تقراها لاني واللهي بنتفجر وكان ماحكيت💔.....عندكم حق تقولو هادي علاش تنشر ف قصة عائلتها تمشي تفضفض مع صحباتها ....أني صح عندي هلبا صحبات مقربات لكن أني مانبيش حد يشوفني بنظرة شفقه وإلا يقولو هادي ضعيفه اني ف 2014 كنت نقراء ف تالثة عدادي و عندي ثلات صحبات بس مقربات هما رهف ورنا ....
كانوا يعروف هاكا الوقت عليا كل شيء لطن مايبوش يحرجوني و يتكلمو معايا ف الموضوع و اني نكون ف موقف صعب قدامهم.....الله غالب هوا هاداوضعي💔......كنت ف الاعدادي معجبة بولد أسمه علي لكن حب من طرف واحد اني معترفتش ع حبي ليه بكل خليته سر بيني و بين نفسي 💔اصعب حب ي بنات لما اكون من طرف واحد💔
ستووووووب😁✋🏻
خلي نعرفكم بنفسي وانا دخلت طول في قصه من كترت ما مستعجله 😭
أسمي جوري مواليد 2000 نقراء سنة تانية جامعة....بيضه عيوني عسليات و خضر مخلطات معاش عرفت كيف نوصفلكم اكتر لكن طرف 😍 يلي يشوفني يقول مزيها حد لكن العكس اني مكسورة من الداخل و نبين ف روحي حالي باهي و كويسه و عايشه الحياة إزي ....كانو ف بنات حاسديني كيف أنّي بيضه و عيوني ملونات....لكن يحسرة ميعرفوش أنّ اني هادا مش هامني كله....أني يلي يهمني الصحه و راحت البال 💔 الحمدالله ع كل حال
أني من عيلة متوسطه يعني بسيطه مش كل شيء نشوفه يكون عندنا و موجود...لكن أهم شيء أن الحاجات الأساسية متوفرة مش ل درجة جعانين 😌
🌟سنيوريتااا✨ لولي 💫
وعايشين ف نعمه....خلي نعرفكم بعائلتي 😞
امي مواليد 73
وبوي مواليد 68
عندي أخت وحده جنات متزوجه و 2 خوت
خويا الكبير عمر م93 ••خويا عمر الكبير كانت شخصية من الخارج قاسي هلبااا و لكن قلبة مافيش من أطيب منه الله غالب جبراته الضروف يولي هكي لكن راجل ف المواقف، طويل و أبيض....
••خويا علي كان قنين عيونه عسليات وكبار.....كان يقراء ف تقنية معلومات التاني علي 95 و أختي 90
قعدين مش متزوجين..أني أصغر وحده ف العيلة واكيده تقولو توا انها دلوعه لكن من يوم ولدت وانا عايشه في جحيم من ضرب واهانات وكل شي ممنوع 😭
من نخش في احداثات طول واكتر مواقف صارت🔥الكاتبه سنيوريتا لولي 🔥
و طبعاا بويا
وأمي 😭
ف سنة 2010 بويا كان راجل يخاف ربي و يقراء كل يوم ف القرأن و النسون حاسدين أمي ع معاملة بويا الكويسه ليها والإحترام يلي بينهم....فجأ تغيرة حياتنا و تغير حال بويا وبدي معاش يصلي و حتى القرأن سيبه....نقلكم علاش هادا كله لانه خلط ع رجالة متعين هواتف و سريب المكلمات ف نص الليل مع بنات الأحرام..." إنشاءلله ربي يبعدهم عليكم " المهم قعد ع الحال هادا قريب سنتين 😭...تخيلو معاش بدي يقضي للحوش وبدي طول النهار فاتح النت ويصرف ف الفلوس ع الكروت! كرت وراء كرت للنت... وبدي يدخن ف الحوش وحني معاش طقنا رائحته بكل وهاك الوقت أني صغيرة مش فاهمة حاجه وشن قاعد يصير 💔 تصدقو ف الليل أمي تقعد تسمع فيه كيف يهدرز ع التفهات ع الهاتف و تقعد تبكي بالدرقه علينا بدون صوت دموع بس زي المطر ينزلو وخلاص ف الأخير مراه معندها جهد دير شيء وهكي قعدت بدون منشوفوها حني ماتبيناش ننجرحو 💔 هادي ف الأخير أم ماتبيناش نأخدو ع بونا فكرة مش باهية ونحقدو عليه لانها طيبة مش من نوع النسون يلي يحقد ع يلي يضرهم، هي تتحسب عليهم ل ربي وبس هوا القادر ع كل شيء...أني وخوتي كونا حاسين بيها طول هالمدى بدي بونا راجل تاني...وقعد مستمر ع سريب المكلمات والدوه الفاضية....هاكا الوقت خوتي ف سن المراهقة لان أعمارهم متقاربه...بدو معاش يحبو يشوفو بويا بالوضع هادا 😪 خالطو صحاب السوء قعدو يجرو فيهم ف طريق الخطأ خويا الكبير بدي يروح الساعة 2 ف الليل وأمي تقعد مشغولة عليه وتقعد مقعمزة برا الحوش ع الدروج حتى ف عز الصقع
أنت تقرأ
دعاء المظلوم
Roman d'amourروايه واقعيه من بنت حبت اتفضقض لفي قلبها ومالقتش الا انا Hala حكتلي علي قصتها وحبت ان نكتبها روايه وياريت تقروها لان روايه تبكي صراحه 💔😔