روايه دعاااء المظلوم 😥
👑للكاتبه سنيوريتا لولي 👑
الحلقه 2 عارفه انها قصيره بنات بس الروايه واقعيه ومنبيش نزيد من الخيال❤ .....
نرجعو من وين ماوقفنا.....
خويا عمر رجع للحوش لانه خلاص صحابه يلي كان يخدم معاهم خدو مصلحتهم منه و قلوله مع السلامة😪....خش للمربوعه ولقي أمي شادة البوكس خديه منه كعبة شكلاته و كلاه يسحابه أمي هي يلي جايباته و لما شافها ف إيدها الخلالات مهماش الموضوع هلبا....المهم أمي نصدمت لما شفاته مشت طول حضناته و قعدت تقوله أني كنت عارفه أنك رح ترجع للحوش لأني كل صلاة فجر ندعيلك و نقول إنشاءلله ربي يهديه و يصلح حالة و يبعد ع صحاب السوء و هوا بادلها و قعد حاضنها يبي يرجع السنين الغابهم بهالحضن.....بعد ماشبعت بشوفته طلعت وقالت اني لازم ندير حل ل عمري و ندبر للسحر يلي رح يدمر زواجي و حوشي....بعد شوية إتصلت بيها أختي جنات😍 و أني كنت مقعمزة حداها قتلها نبي نجي اليوم نهدرز عليك...طبعا فرحت أني وأمي لينا قداش مشفناهاش لانها كانت مسافر....
شوية خلي نقلكم أنّ أختي بعد ماتزوجت سافرت ل ألمانيا هي وراجلها أحمد كان يخدم ف السيارات و يجيب فيهم و يبيع..
قلنا باهي ع الاقل تجي ونغيرو جو
جيت أختي هي وراجلها أحمد عادي واخد علينا و مايتحشمش...ضيفناه و روح وقعدت جنات
...بدت أمي تحكيلها ع الخلالات وكيف تبي دير فيهم تفجأة جنات😱 وقتلها أنّ ف قبل مراء جارتنا فكت السحر بالنار😳وشفت حتى قبل ع الفيس هكي الناس دير...قعدت أمي تفكر وقالت زعما نمشي نحرقه بالنار وخلاص....وخدت قرار قالت خلي نمشي واللي يصير خلي يصير مسشينا حني معاها و خدت الولاعة و حرقت البوكس متع الشكلاتة و الخلالات قعدو رماد 🕳 رتحنا حني وقلنا إنشاءلله خير بعدها روح بويا ف الليل وقال وين وين البوكس يلي كان هني ع الطاولة وينه..خشيت اني وقتله خلاص اني فديت خلاص كل يوم عراك كل يوم سبان قتله راني كرهت عشتي و نتمنه نموت توا..هوا طبعاا مداير روحه متأثر شوية و طلع و معاش سأل عليه....
👑الكاتبه سنيوريتا لولي 👑
رجعت انا : ل أمي وأختي ف الدار وقلهم خلاص نحل الموضوع...
قتلي أمي: أنتي توا عرفتي شن درتي انتي توا راك تعصي ف بوك بالكلام يلي قلتيهوله و تعلايت الصوت قتلي ربي رح يحاسبك عليه ...💔
😥💔باللهي قولولي هادي إنسانه تستاهل حد يخونها تستاهل حد يتكلم من وراء ظهرها تستاهل الإهانات و تستاهل أنّ تعيش ف الهموم شفتوها قداش محترمه راجلها وتعتبر فيه سندها ف الحياة !! لكن هوا شن دار هوا كسرها هوا خلا كرامتها ف التراب ...بعد كل يلي داره فيها و قعد تقولنا هادا بوكم و ماتعلوش صوتكم عليه....
جي اليوم التاني:
كانت عندي مدرسه اولي تانوي نقرا سنه 2015
والصبح ونشبحو ف بويا يرفع ف الحواسيب متعاته للسيارة
وقفه خويا علي :قله ع خير وين رافعهم
و هوا عاد نظرله هكي بوي وقاله انت ي فرخ مدخلكش فيا و انت هاليومين تدخل هلبا راك تشوف شيء ما يعجبك...
طبعاا مشي علي وماردش عليه حتى كلمة لان عارفه وكان زاد معاه الكلام يبدأ يعيط ومعاش يسكت و ننفضحو مرة تانية قدام الجيران....
وانا في دخلي نتحسب عليه والله عارفه بتقولو كيف تدعي ع بوها من يلي عايشته خلاني ندعي عليه 😩
انا دخلت لدري وجهزت روحي وقعدت في جنان نستني في بنات بيش نمشي معاهم للمدرسه...
كاتبه 👑سنيوريتا لولي 👑
أنت تقرأ
دعاء المظلوم
Romanceروايه واقعيه من بنت حبت اتفضقض لفي قلبها ومالقتش الا انا Hala حكتلي علي قصتها وحبت ان نكتبها روايه وياريت تقروها لان روايه تبكي صراحه 💔😔
