هنا نبداء وفي الجنه نلتقي.(مكتمله) للكاتبه ياسمينا فايز

6/رمضان

انتَ مش لوحدك اللي معرفتش تغتنم في رمضان ومش لوحدك اللي كسلت ونَفسك الأمارة بالسوء غلبتك ،، مش لوحدك اللي أهملت القيام والأذكار والسُنن وأخرت الفروض .. رمضان كده ضاع عليك؟ تؤتؤ..
النهاردة 17رمضان يعني لسه في إيدنا 13 يوم هننام ونكسل بقى ونضيعه مننا ونبقى مكسبناش غير جوع وعطش بس؟❎❎ هنتظم ونتظبط ونراجع نفسنا وأوقاتنا ؟☑☑

1_ الصلاة ع أوقاتها
2_سنة كُل فرض
3_ قيام الليل لو ركعتين
4_القُرآن حتى لو صفحة كُل يوم
5_ أذكار الصباح والمساء حتى لو ذِكر واحد

مينفعش تقول رمضان ضاع مني ورمضان أصلاً لسه مخلصش ،،مينفعش تقول ضاع مني وانت مش بتجاهد ولا بتصلح ،، البدايات دايماً سُخنة .. الناس كُلها بتدخل في أي حاجة بكُل طاقتها العِبرة بالخواتيم💚