زهقانة ؟؟
حاسه انك مخنوقه ؟؟
مش حاسه بطعم للحياة ؟؟
طيب تعالي بينا نطلع رحلة إلى........؟؟؟
تحبي تطلعي رحلة فين ؟؟
ايه اجمل مكان شفتيه فى حياتك ونفسك تروحيه؟؟
طيب تعالي نحلم سوا ..
و أي حلم؟!
ده أحلى حلم في حياة كل واحد فينا..
هخدك معايا مكان مختلف تماما..
مكان كل الناس سعيدة فيه
الوجوه غير الوجوه
حتى الابتسامة غير الابتسامة
الكل فرحان ومبسوط ومرتاح البال
لا شقااااااااااااااااااااء
مكان كله حب فى حب .. الحب الحقيقي بجد..
هاخدك و نروح الجنة ....
و مهما حلمنا و حاولنا نتخيل الجنة
مش هنقدر نتخيل !
عارفة ليه؟؟
لأن فيها ما لا عين رأت و لا أذن سمعت و لا خطر على قلب بشر!!
بس احنا بنحاول نحفرها في قلوبنا
وبدعي ربنا أن يرزق كل من يقرأ كلماتي الجنة بلا حساب و لا سابقة عذاب
عارفة حبيبك النبي صلى الله عليه وسلم وصفلنا بعض نعيم الجنة ليه ؟
علشان نشتاق ليها بقلوبنا ونجتهد علشان نفوز بيها
قال رسول الله صلى الله عليه وسلم:
يقول الله عز وجل: أعددت لعبادي الصالحين ما لا عينٌ رأت، ولا أذن سمعت، ولا خطر على قلب بشر, ثم تلا النبي صلى الله عليه وسلم يقول الله عز وجل:
فَلا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ جَزَاءً بِمَا كَانُوا يَعْمَلُونَ [السجدة:17])
ما لا عين رأت ..حاجه مفيش حد قبل كده شافها ولا حتى فى الخيال!
ما لا اذن سمعت.. اصوات جمييييييلة وموسيقى أغاني وألحان عمرك ما سمعتيها ولا حد سمعها قبل كده لأنك طهرتِ سمعكِ عن الاغاني الحرام فى الدنيا فربنا أبدلك ألذ و أجمل منها فى الجنة ..
ولا خطر على قلب بشر..يعني مفيش حد يقدر يتخيل..!
اصل ربنا هو اللى اعدها.. تخيلي بقى دي تبقى عامله ازاي؟؟
يعني جو تاني
حياة تانيه
النبي عليه الصلاة و السلام و الصحابة حطوا الجنة قدام عنيهم
عشان كده قدروا يستحملوا مرارة الحياة و ابتلاءاتهم
مين فين اللى هيصبر زيهم علشان يفوز بيها؟؟
ياللا بينا نروح الجنة ....
#يتبع...
💕💕💕💕💕💕
أنت تقرأ
على درب الالتزام 💕
Espiritualلكل فتاة تريد أن تتقرب إلى الله ولاتعرف من أين تبدأ. الكتاب يشمل: * خواطر دعوية؛ * اقتباسات من سيرة الرسول عليه أفضل الصلاة والسلام. * مشاهد من حياة الصحابة. * تفسير لبعض آيات القرآن الكريم. *... تابعوني.
