على درب الالتزام 💕

🙃حوار 🙂

-أنت راضي عن ربنا ؟!
=إية! تقصدي تقولي "هل ربنا راضي عني"؟
-لا..أنا اقصد فعلًا "انت راضي عن ربنا "؟!
=أنتِ بتقولِ اية ؟!!..انا مين انا عشان أرضى عن ربنا!!

في يوم سيدنا النبي كان قاعد مع الصحابة فضحك ، فلما ضحك بص للصحابة وقالهم :" ألا تسألوني مم أضحك"
(مش هتسألوني إية اللي ضحكني)؟

فالصحابة بصوا لسيدنا النبي وسألوه وقالوا :"يا رسول الله ومم تضحك"؟

فقال صلى الله عليه وسلم : "عجبت لأمر المؤمن إن أمره كله خير ؛ إن أصابه ما يحب حمد الله ، وكان له خير ، وإن أصابه ما يكره فَصَبَر كان له خير ، وليس كل أحد أمره كله له خير إلا المؤمن "

لما سألتك أنت راضي عن الله ولا لا ، أنت استغربت السؤال برغم إن في كتير مننا في أوقات مش بيرضوا عن الله!

-إزاي😲
=الرضا عن الله إنك تكون راضي بقضاءه سواء كان خير أو شر ، انت بتبقى فاكر بنظرتك المحدودة إن ربنا لما يمنع عنك شيئ فدة شر "بس هو خير في الحالتين" ، وبتتأكد إنه كان خير بعد ماربنا يظهرلك الحكمة من المنع.

وسواء ربنا أظهرلك الحكمة أو لا لازم تكون واثق إن قضاءه كان خير لك وفي صالحك.

بص هقولك وهقول لنفسي حاجتين كتذكير ..

الأولى..الله بيده خزائن السماوات والأرض ، ولو لبالنا كل طلباتنا وأمانينا وكل اللي بنحلم بيه كله كله ، دة مش هينقص من ملك الله شيئ ، لكنه سبحانه يعلم الغيب ويعلم حالنا بعد تحقيق اللي بنتمناه ، ممكن نُفتن ، نذنب ، فدة هيكون هو الشر والمنع هو الخير!
تيجي نعد كام واحد غني مش بيطلع الذكاة ؟!
ويوم القيامة هيُعذب بسببها..تحب تكون كدة ؟
دة مثال بسيط لنعم أنعم بها الله على عباده وجحدوها!

حط في دماغك دايمًا أنت ماتعرفش حالك هيكون إية بعد النعمة بس ربنا عالم فبيرحمك ❤

التانية..احنا في دار بلاء ودار ممر مش مستقر ، فلازم هنقابل أختبارات وحزن وألم
وكل ماهنستحمل كل ما درجاتنا في الجنة هتعلى بإذن الله

عارف مع أول لحظة من دخولك الجنة مش هتفتكر إي تعب أو حزن حسيته في الدنيا!
اة والله✋

قال رسول الله صلى الله عليه وسلم :"يُؤْتَى بِأَشَدِّ النَّاسِ بُؤْسًا فِي الدُّنْيَا مِنْ أَهْلِ الْجَنَّةِ فَيُصْبَغُ صَبْغَةً فِي الْجَنَّةِ فَيُقَالُ: لَهُ يَا ابْنَ آدَمَ هَلْ رَأَيْتَ بُؤْسًا قَطُّ؟ هَلْ مَرَّ بِكَ شِدَّةٌ قَطُّ؟ فَيَقُولُ لَا وَاللَّهِ يَا رَبِّ مَا مَرَّ بِي بُؤْسٌ قَطُّ وَلَا رَأَيْتُ شِدَّةً قَطُّ

دة حال أكتر واحد تعب وشقي وحزن في الدنيا ، هينسى هيرد ويقول لما ربنا يسأله عن الشفاء والتعب دة "لا والله يارب مامر بي بؤس قط ولا رأيت شدة قط "

فما بالك بحالنا أحنا ✋

أرضى عن الله ليُرضيك ❤

قال تعالى في آية ١١٩ من سورة المائدة :"رَّضِيَ اللّهُ عَنْهُمْ وَرَضُواْ عَنْهُ ذَلِكَ الْفَوْزُ الْعَظِيمُ"

فإذا رضى وفقك للخير أينما كنت وحفظ جوارحك ورزقك حبه وحب من يحبه ووفقك للتوبة قبل الموت (علامات رضا الله عن عبده في الدنيا )❤

#رضينا_بالله_ربًا ❤🌱
علمنا الله وإياكم 😍
#سيرة_سيدنا_النبي🌻🌱

منقوول من #هبة_شلبي