ماسة ليست للبيع

الشخصيات

1.. ماسة نادر غالي

دي البطلة بنت رقيقة جميلة محترمة منتقبة من عيلة فقيرة لكن حامدة وشاكرة ربها

بيضة زي القشطة وعينيها زرقة بتبان من النقاب تخبل ورموشها طويلة كأنها حاطة كحل بس هي مش بتحط ميكاب خالص لأنها مش محتاجة أصلا

شعرها أصفر حرير وطويل جدا لغاية ركبتها بس طبعا محدش غير أهلها بيشوفه من وهي في ابتدائي

مش بتتكلم مع شباب أو رجالة أبدا حتى دكاترتها في الجامعة مش بترد عليهم وهم عارفين انها محترمة عشان كدا مش بيضغطوا عليها يعني باختصار صاينة نفسها للحلال ⁦👌🏼⁩

عمرها 18 سنة في سنة أولى كلية حقوق وشاطرة جدا في دراستها ودايما بتطلع الأولى وبتفهم في شغل الشركات وبتتكلم 4 لغات عربي وانجليزي وفرنساوي وروسي

2.. هلال ضياء الدين منير

د

ا البطل شاب وسيم مغرور قاسي من عيلة غنية مش بيعمل لحد حساب ومش بيحب حد يرفض أوامره

طويل وعريض وجسمه مليان عضلات ودايما بيلبس بدل سودة بالببيون وبيحط برفان يخلي البنات تطير وراه زي الدبان

عينيه خضرة وشعره كستنائي وعنده دقن خفيفه لون شعره بالظبط وبشرته بيضة جدا لأنه مش بيمشي في الشمس أبدا ودايما بيركب عربيته ومعاه سواق مخصوص

كل البنات اللي يعرفهم هيموتوا نفسهم عليه وراميين نفسهم ومستنيين منه كلمة لكن هو طبعا تنك ومش بيعبرهم أبدا كأنه ملك زمانه 🤴

عمره 22 سنة ومتخرج من كلية بزنس وبيدير شركات باباه من وهو في ثانوي عشان كدا بقا عنده خبرة كبيرة وكل رجال الأعمال بتخاف منه وبتعملله ألف حساب وبيتكلم 6 لغات عربي وانجليزي وفرنساوي وروسي وكوري وهندي

3.. الحاج نادر غالي

دا بابا ماسة راجل غلبان وفقير جدا جدا لكن عارف ربنا وبيراعي الدين في كل معاملاته وعايش على أده

معندوش ولاد ولا بنات غير هي ماسة بس عشان كدا بيحبها جدا ونفسه يجيبلها الدنيا ومراته ماتت وهي بتولد ماسة ومن ساعتها وهو رفض يتجوز علشان يربي بنته ومايجيبش ليها مرات أب

بيشتغل ساعي في شركة كبيرة أوي اسمها شركة العدوية وبيقبض فلوس قليلة لكن بيحمد ربنا عليها

عمره 70سنة وعنده القلب

4.. قمر هانم

دي مامت هلال ست طيبة جدا جدا ومحترمة جدا وطبعا عندها فلوس كتير لانها كانت من عيلة اسطقرتية قبل ما تتجوز بابا هلال دا غير ان بابا هلال أصلا كان غني فهي بقت أغنى لما اتجوزته

بيضة وشعرها أصفر فاتح وعينيها خضرة زي ابنها ومش باين عليها سنها ابدا ومتدينة جدا ومحتشمة ودايما بتدعي لابنها ربنا يهديه ويرزقه بالزوجة الصالحة

بعد جوزها ما مات من 5 سنين قررت انها ترفض كل اللي اتقدمولها وتعيش عشان ولادها وبس

عمرها 60سنة وعندها السكر والضغط

5.. نجمة ضياء الدين منير

أخت هلال الوحيدة الدلوعة بتاعته بتحب أخوها جدا جدا لكن مش بتحب طبعه الصعب وقسوته

بنت رقيقة وحبوبة ومتواضعة جدا وكل اللي يعرفها بيحبها ومحتشمة بتلبس حجاب كامل مع انها شعرها كستنائي طويل لاخر ضهرها اللي يشوفه يتهبل عليه بس هي اختارت أخرتها

بيضة وعينيها خضرة زي أخوها لكن تشبه مامتها أكتر عمرها 18سنة وفي سنة أولى كلية حقوق ودايما بتطلع التانية على الدفعة وصاحبتها البيست بتطلع الأولى

مش بتحب الماديات واخر حاجة بتفكر فيها الفلوس

6.. عمر عبد الغفور

شاب فقير وغلبان يبقى صاحب هلال الوحيد ومخزن أسراره والمساعد الأول بتاعه

طيب وحنين ومتدين ومتواضع ومش بيحب يزعل حد منه ابدا عشان كان يتيم وعايش لوحده طول عمره ومكانش ليه أصحاب لغاية ما قابل هلال

شعره أسود قصير وعنده دقن كثيفة ووشه سمح دايما بيبتسم وزي هلال طويل جدا وجسمه مليان عضلات بس بيلبس بدل بكرفتات مش بببيون

عمره 22 وهو كمان متخرج من كلية بنزس وعنده خبرة كبيرة جدا في الشغل وكل رجال الأعمال لما بيشوفوه مع هلال بيحطول ايدهم على قلبهم

بس كدا هي دي الشخصيات المهمة والباقي هنتعرف عليه في الأحداث 😃
ادعموني بلايك وكومنت وشير لو البداية عجبتكوا ⁦👍🏼⁩⁦👍🏼⁩