بعد ما هلال خلاص كان ماسك سماعة التليفون وهيتصل بالبوليس دخل فجأة صاحبه عمر وقاله استنى يا هلال
اتضير هلال بصله وقاله.. عايزني أستنى ايه على واحد حرامي؟
الاستاذ رأفت معانا بقاله سنين يا هلال مستحيل يكون هو اللي عمل كدا
أومال هيكون مين اللي عمل كدا؟ عافريت دهل على الكمبيوتر بتاعه وصرب المعلومات بتاعة الصفقة؟
قال رأفت بصوت واطي بيرتعش.. والله يا بيه ما سمحت لحد انه يخش على كمبيوتري دي أمانة اتحاسب عليها
راح هلال خبط ع المكتب وقال لعمر.. اتفضل ياعم 😡
راح عمر قال بهدوء.. يمكن حد دخل ع الكمبيوتر من وراك يا أستاذ رأفت أو حتى يكون الكمبيوتر اتفيرس؟
ماعرفش والله يا عمر بيه
خلاص يبقى لازم نتأكد من كاميرات الأمن يا هلال عشان مانعملش شوشرة للشركة على الفاضي
شوح هلال بايده وقال.. روح انت اتأكد يا عمر زي ما انت عايز وسيب دا واقف قدامي كدا
قاله حاضر وخرج من المكتب وفضل هو بيبص لرأفت بصات مرعبة ورأفت مش قادر يتنفس من الرعب
في نفس الوقت بعد ما الشاب قليل الأدب اتطاول على ماسة واتضيرت بصتله بذهول لقيت راجل عجوز لابس بدلة زرقة جه وقف مابينهم وقاله بزعيق.. اتفضل يا أستاذ من هنا بدل ما اوديك في ستين داهية انت مش عارف انت بتتكلم مع مين
الولد اتخض وماعرفش يرد راح الراجل ولف لماسة قالها.. اتفضلي يا هانم على العربية
ابتسمتله من تحت النقاب عشان تشكره وراحت ماشية ناحية العربية المرسيدس اللي واقفة وراها وركبت في الكنبة الورانية لقيت واحدة محجبة قاعدة قالتلها.. كام مرة أقولك اجي أوصلك من البيت انا وعم ابراهيم السواق عشان محدش يتعرضلك وانتي مابتسمعيش الكلام؟
طبعا أومال انتوا افتكرتوا ان ماسة هتركب عربية غريبة مع راجل ماتعرفوش لمجرد انه انقذها؟ لأ طبعا لولا انها عارفة الراجل الطيب انه السواق بتاع صاحبتها وانها متأكدة ان صاحبتها جوه العربية مكانتش ركبت أبدا.. لازم البنت تحافظ على نفسها وتخلي بالها من الحركات اللي ممكن تتعمل عشان يخطفوها.. خلوا بالكوا يا بنات ❤️
المهم ان ماسة خدت نفسها وقالت وهي مخنوقة خالص بالعياط.. دي أول مرة تحصلي حاجة زي دي دا حط ايده عليا يا نجمة تخيلي يحصل فيا كدا؟
صاحبتها طبطبت عليها وقالتلها.. ماتزعليش نفسك كان غصب عنك حبيبتي انا شوفت الموضوع من أوله هنا من شباك العربية هو اللي انسان زبالة وواطي أنا أخويا هلال دايما يقول ان الناس نفوسها اتغيرت وماينفعش بنات محترمين زينا يتعاملوا مع كل من هب ودب في الشارع كدا لازم التعامل يكون في حدود العيلة والناس اللي بنثق فيهم زي عم ابراهيم كدا
استغفر الله العظيم يا رب يعني انا اعمل ايه بس يا نجمة مانتي عارفة ظروفي وظروف بابا ماقدرش اقوله يوصلني الجامعة كل يوم وماقدرش كمان اركب تكسي لأنها هتعتبر خلوة غير شرعية مع راجل غريب
خلاص يبقى ترضي اني اجي كل يوم أوصلك من البيت للجامعة ومن الجامعة للبيت
كدا هبقى بتقل عليكي أوي انا مش عايزة اتعبك
يابنتي لا تعب ولا حاجة هو انا شيلاكي على راسي؟ ما احنا راكبين العربية أهو وعم ابراهيم ربنا يباركله سايق بينا
دخل عم ابراهيم العربية بعد ما وزع الولد اللي عاكس ماسة وقال.. اطلع يا ست هانم؟
اطلع يا عم ابراهيم على مبنى الجامعة على طول
