مساء الورد 🍒🍒🍒
حبايب كلبي البارت الثاني
ابو زيد طلعنه من مضيف الشيخ ابو محمد واني عقلي مو براسي اشلون راح اني بنتي فصليه وشكول لمهه المهم طلعنه وصلت للبيت
ام زيد هلا ابو زيد بشر فضت راح يطلع جهاد
ابو زيد اي فضت انشاء الله بس الثمن غالي كولش
ام زيد ميخالف ابو زيد تتعوض الفلوس
ابو زيد يافلوس يمعوده يردون فصليه مره
ام زيد ابصدمه اشلوووون مره وشكلتولهم
ابو زيد اشكلنالهم قبلنه مضطرين يردون ياخذون ثارهم مني ومن ولد اخوي شسوي لازم اقبل
ام زيد اي منو الفصليه عيني
ابو زيد بنتج زهراء
الام كامت ادك وتلطع نرجع الزهراء
نزلت على صوت ماما وبابا يصيحون
زهراء شكو ماما اشبيج بابا ليش عصبي هيج مافضت شغلت ولد عمي
الام لالا يمه فضت فضت بس فضت على راسنه
زهراء يمه فدوه فهميني شنو السالفه
الام ابوج نطاج فصليه حتى يحمي ولد اخوووو
زهراء😭😭😭😭😭ماما شنو فصليه اني بعدني ممكمله دراستي ليش يمه ليش هيج اضلموني ادفع ثمن غلطت غيري اني شنو ذنبي
الام والله ياماما الي والج رب العالمين وعساهه ابختهم 😔
ننتقل لعائلت الشيخ ابو محمد وعائلته تعالو نتعرف على بيت الشيخ نا علي عمري ٢٨ سنه شكلي الي بالصوره مثل ماشفتوني موغرور بس الله خلقني هيج انا ابن اشيوخ ابوي شيخ عشيره معروف عدنه املاك وكيعان والحمد لله حالنه ميسور ولله الحمد عندي خمس اخوان ولد و٣ بنات اني الوسطاني ٢ أكبر مني وثنين ازغر مني امي وابوي الله يحفضهم النه وجدتي موجوده مره كبيره بالسن بس حبه كولش عندي عمام ٤ ساكنين قريبين من ابيتنه لان احنه منجمعين ابمزرعه كولش جبيره ازغر واحد بعمامي ساكن ويانه ابنفس البيت وهو عمي سلام مزوج خالتي اخت امي ععنده اثنين بنات وثنين ولد بعده اطفال الجبير عمره ١٥سنه اسمه وسام والبنات رهف ورغد وحسن هذوله ولد عمي طبعا اخواتي كولهن مزوجات واخواني هم متزوجين ٢ وال٢ الظفر مني يدرسون بعدهم مبالمتوسطه خلي نرجع الئالت عمي سلام عمي عمره ٤٥سنه وتمرض وبوي ماقصر ويا وسفره للخارج في سبيل يتعالج بس مانفع المرض شديد وماطول سنه وتوفه وغطه الحزن على ابوي وبيبيتي وعلى كول البيت خالتي بقت ويانه بالبيت ابوي ماقبل يطلعون بعد جهلانهم ازغار بيتنه كبير وبي عدتت غرف يكلي عشر عوائل ماداعي يطلعون صح عدهم بيت وسيارت عمي حديثه ابوي كال تبقه السياره الوسام بس اشويه يكبر علمو عل سياقه اخوكم هذا ديرة بالكم عليه محمد و علي اكيد يابه وسلام حاله حال جعفر وحسين هذوله اخوتي الزغار
اخواني الكبار محمد وعمار
ويوم من ايامنه المتعبه خطارو مضيف تعرفون جنه مقدمين طلب للبلديه حتى يبلطون الشارع وفعلن اجه المقاول وتفقو يبلطون الشارع بعد يومين
ورا يومين اجه العمل وبده بالتنفيذ الوالد كل عاده ذبحنه الذبايح وعزبنه للعمل
محمد ها علاوي وين ريايح
علي وين عندي شغل
محمد مثل عادتك شفت بيه تعب ونهزمت
علي افااا اني ابو حسين والله مانهزم بس مشغول والله
محمد روح الله وياك ههههه شغلك مايخلص
علي يله في امان الله
محمد الله وياك
علي توني طلعت من البيت وشوف الناس مجموعين يم الحادله وهوسه نزلت من السياره وركضت اشوف شكو وجان اشوف وسام ابن عمي غركان بالدم والولد ابو الحادله يصيح والله كلتله ميل من الحادله ياتندعم يمعود هوالولد مارجع يفرفر يمي كول شويه وزرك جوه الحادله
علي عفت ابن عمي ركضت على ولد ولك كلب كتلته وتلوم بي التمت الناس وطلعو ابوي واخوتي وخلصو الزلمه مني بالكوه شلنه وسام للمستشفى ماوصل بالطريق اتوفه بعد مانسينه عمي وبعد جمرته ابكلوبنه اجتنه مصيبت هل شاب الجنه ورده
حرك كلبي جان يفتر ورأي علي علمني على السلاح علي علمني على السياقه واني صار واتهرب منه
كلتله والك وسام ارجع واني اعلمك على كولشي بس ارجع
تسريع الحداث مرت ايام الفاتحه واهل الولد آخذة عطوه ورا سبوعين صارت المشيه واجتي اشيوخ وساده المهم ونقاش ومنا الهنا صار التفاق فصليه و١٠٠ مليون
