السلام عليكم وردات 🍒🍒🍒
علي دخلت للحمام سبحت وطلعت لكيته واكفه وترتب ابغراضه ونازعه العبايه لابسه فستان اسود مخصر وكصيبته شكره فاتح طالعه من الحجاب عابره خصره والجسم سبحان الخالقه الصراحه عجبتني كشكل حلوه حيل المهم طلعت بالداخليت هي باوعت ودارت وجهه استحت اني
علي زهراء طفي الضوه اريد انام
زهراء بس بعدني مامكمله ترتيب الغراض
علي هاي اشبيج انت غبيه اكلج اريد انام
زهراء هاا اي هسه اطفي
علي اني تقصدت مانطيه وجهه لان مابالي اتقربله وثانين هي طفله ومين عليه مدلله هي سمعت الكلام وطفت الضوه وراحت للحمام اني ماجاني نوم مامتعود احد يمي بالغرفه للرغم هي ماطلعت صوت بس ماجاني نوم جانت الغرفه بيه سفار ضو من الاضويه البالحديقه طلعت لابسه اتراك اسود تشيرت اسود وبجامه سوده ومنقده ببيض البجامه كصيره وهي بيضه مثل الحليب بياضه ناصع حتى بالضلمه اتشع اني اباوع عليه بس هي متشوفني نشفت شعره ومشطت وسوته ضفيره خلت عطر هادء الغرفه بارده السبلت مشتغل وجه العطر ابخشمي انسطرت هي راحت طلعت جرجف ومخده من الكنتور واتمددت عل تخم اني اهنا كمت احوص كلت خلي غثغث عليه شعلت الضوه هي فزت خطيه
زهراء هااا عيني محتاج شي
علي اي محتاج اريد مي اشرب هي دنكت وكالت ماندل منين اجيب
علي وصفتله المطبخ وين راحت لبست شال وعبايه ونزلت اشو هاي اتخرت ولكم هاي وين ولت نزلت لكيته بيده جك المي وتفتر بالبيت وتبجي
علي هااا يول اشبيج
زهراء تيهت الغرفه وضليت حايره وين اروح الكل نايم
علي يله يابه يله منا الغرفه اشهل بالوه الي وكعت بيه وبس تبجي ادكول طفله وهي فعلا طفله
صعدنه اخذت منه المي كلتله انتي ماكلتي شي كالت لا مجوعانه كلتله هسه منو جايبلج اكل وانت ادكولين ماجوعانه بس اكو فواكهه بالثلاجه اذا تردين اكلي
زهراء اني ميته من الجوع بس استحي أمد ايدي عل ثلاجه واكل هو رجع طفه الضوه ونام
اني رحت على كيف فتحت الثلاجه اخذت تفاحه وسديته جان يشعل الضوه
علي هااا ولج بزونه مودكولين ماجوعانه ليش تجذبين
زهراء لا ماجذب بس استحي
علي يول لاتستحين اكلي ونامي وترتيني
زهراء اكلت التفاحه ونمت عل تخم وهوه نام على الجربايه بقيت اتكلب وفكر باجر اشنو راح يصير بيه غفيت بلا ماحس
علي حسيت نامت اني هم نمت بس نومتيش اتعلعل اكو واحد يمه هيج غضب ويطرد ينام المهم نمت كعدت الصبح ساعه ٧
وشوفلك هل شوفه واكعه من التخم بالكاع وكصيبته مشموره بالكاع وبلا غطا تشيرته مرفو والبطن طالعه عبالك كيمر موجسم كعدتته انت زهراء كعدي شنو هل نوم المرعبل دكومي هي فزت ابسرعه من فتحت عيونه سبحان الخالقه على هل جمال الشايلته كلتله كومي حضريلي الحمام اريد اسبح هي طفرت حضرت الحمام طلعت لكيته ترتب بالغرفه كلتله من اتنزلين جوه البسي ثوب مستور ماشي
زهراء صار الصبح علي كاعد قبلي واني جنت واكعه من التخم لن مامتعوده انام عل تخم كعدني فزيت ابسرعه كالي حضريلي الحمام رحت ح حضرته طلع علي لاف المنشف على خصره شكله يخبل ملامه رجوليه اني ماكدر اباوعله استحي كال جيبي دشداشي البيجي طلعتله داخليات ابيض وطلعت الدشداشه بدل كالي يله بدلي ونزلي وياي
زهراء اي هسه بس لحضات اغير ملابسي وانزل دخلت للحمام اخذت نفنوف اسود طويل حلو مرتب ولقيت شالي صحيح طلعت لكيته كاعد عل جربايه منتضرني كلتله يله
علي طلعت من الحمام لاف المنشفه على خصري اتعمدت هيج ااسوي عجبني خجله كلتله جيبي ملابس داخليه ابيض ودشداشه بيجي وبدلي خلي ننزل
دخلت بدلت وطلعت لبست نفنوف اسود وشال اسود بس كصيبته طاله كالت يله ننزل كلتله فتري شنو هاي كصيبتج طالعه كله شنو موقعه من العراب يعني عادي يطلع شعرج شوفي والج لاشلعين كلبي انتي اهنا ابيت اشيوخ بيت محترم مومثلكم سايبه تفترين ابنطروج اهنا ولد عمي يدخلون واخوتي اذا اشوف ابكده ابضرف طالع منج مارحمج سمعتي هي بس ساكته والدموع مثل المطر وبس اتنشغ ودكول اي اي اي
