السلام عليكم وردات 🍒🍒🍒🍒🍒🍒🍒🍒🍒🍒
مر اسبوع اجه يوم السفر بس اني كلبي معصور ماعرف اشبيه لان علي راح يسافر المهم باجر يسافرون علي وعمتي مر يومنه مثل باقي اليام جان علي طالع رجوع الولد بيدهم جيس مليان سمج خلو بالمطبخ سجى كومي زهراء تضفي السمج زهراء اي صار ماكدر اوكف على حيلي لان كولش ثكلت خليت صينيه وسجينه وكعدت انضف بالسمج دخل علي السلام عليكم الكل وعليكم السلام علي هات زهراء من اتخلصين حضري جنطتي موتنسين خليلي تشرتات ثخينه جوهم بارد دخل علي جوه يم بيبي وامه وخالته تقريبا صارت صلات المغرب اني بعدني انضف بالسمج لان كميه جبيره رجع علي طلع للمضيف باوعلي وابتسم هاا خوماتعبتي لا ماتعبت اجتي رهف بنت ام وسام اتريد اتريد كيك من الثلاجه البنات ماسويت كيك كلتله حبيبتي اديه زفره هسه يجن البنات وينطنج البنيه كامت تبجي سمعته امه اجتي كامت اصيح وتغلط الاء خاله الطاوه عل طباخ جاي اتكلي سمعت بنه بجه ركضت علي اجني ام وسام كلتله خاله لان اديه زفره كلتله هسه ينطوج البنات هي كامت تغلط وصيح خاف عبالج راحج اجيبين طفل اصيرين شيخه اني كلتله لاخاله امي وين والشيخه وين الشيخه لهلهه جان ادكوم تضربني راجدي اني استهضمت وبجيت كلتله خاله اتقي الله اني شعليه ليش معاديتني وجان اتشيل الطاوه وتشمره عليه وهي ملايانه دهن ماعرف اشصار بيه فرحت روحي بهل أثناء ركضت سجى مالحكت عليه رادت تلزم الطاوه مالحكت من شدت الحرك طلعت للطرمه وصرخ العلو صوتي من الحرك وجن يجون الولد يركضون علي واخوته شكو شنو الصار يمنه خطار شنو هل صوت اني ارجف من شدت الحرك وحامل ثكيله لتكن البنات وعمتي والولد دخلت الغرفت عمتي علي وياي وعمتي تنعت ملابسي انشال الجلد ويه الملابس عمتي يمه اشصاير بيه سوده ابوجهج ولج خيه اشلون سويتي هيج بالبنيه علي اتخبل ليش هيج سوت شنو سويتيله وهيج حركتج بس الوجه يطفر شرار حتركت ركبتي وايديودزء من صدري بس متت من الوجع لبست ثوب وعبايه وخليت الشال على كيف اخذني علي وعمتي والولد للمستشفي نضفولي الحرق وخلوله دهن واخذوني شاش وعصارات ورجعنه صعدت الغرفتي بس ماشفت النوم من اللم علي جنت طالع اني والولد رحنه للبحيرات صدنه سمج كونيه تقريبا هم يله اتكفي احنه عيال وخطار اخذوهه الولد للمطبخ اني بقيت بره يم اخوتي بالحديقه صار المغرب دخلت لكيت زهراء كاعده بالكاع ومكومه السمج وتنضف بي دخلت جوه نطيته لمي الجواز مالته كمل وطلعت بتسمت ابوجهه بس كسرت خاطري هم حامل وهم زغيره وشصاير بيه هي هم ابتسمت مدري اشبيه من طلعت احس انعصرت كلبي طلعت للمضيف ورا ماطلعت الشعر دقايق وجان اسمعك صرخه رجت القصر رج ركضنه كلنه وشوفلك زهراء تركض بالحديقه تصرخ الحكومي احتركت ماشوف بيه نار ركضت عليه طببته جوه امي والبنات وخوتي كلهم التموم شكو شنو الصار سجى خالتي ام وسام كلبت الدهن عليه وهو حار اني اتخبلت ليش هيج واشلون هيج البنيه امانه ابتنه وحامل دخلته الغرفت امي نزعته ملابسه امي وياي من نزعت انشال الجلد ويه الثوب راحت روحي من المنضر كلبي احترك مثل حرك جسمهه ركبته وايده وجزء من صدره كلت لمي يمه خلي تلبس اخذه للمستشفى اخذته وداووهن ونطونه عصارات وشاش ورجعنه بس هي اتلوج من شدت الحرك وحامل اني ماضل عقل ابراسي رجعنه صعدته سجى الغرفته واني جمعتهم وخالتي وياهم وحجيت العني كله بس اشويه واحرك البيت اخوتي استهدي بالرحمان خويه انشاء الله سلامات امي اتلوم ابخالتي اني لوماخوتي جان ارتكبت جريمه صعدت لكيته اتلوج اشتعل كلبي نار شنو ذنبج يامسكينه شنو السويتي ااااخ يازهراء صدك كسرت كلبي زين باجر لازم اسافر وهاي المسكينه اشلون بيه ضليت حاير كلتله اجل السفر هي ماقبلت كالت البنات والولد ماقصرون روح الله وياكم ترجعون سالمين طلعت جنطتي وهي اديني واني خليت الملابس بس كلبي مامنطيني اعوفه ابهذا الحال ضلينه للصبح لاهي نامت تتوجع ولاني نمت احس كلبي المحروك ضليت افكر هاي ركبته راح تشووه هي كل اشويه وكالت علي راح يشووه مكان الحرك اني كلتله لا يكلبي مايشوهه اني عالجج ماعليج لاتفكرين هيج بسيطه صار الصبح كعدو الكل هي ماكدرت تنزل لان مكان الحرك مكشف المهم سلمت عليه وطلعت بس كلبي يمهه وصلونه لولد للمطار وصيتهم ابزهراء ياخذونه للمستشفى كل يوم ينضفون الحرك ويغيرون الضماد بس خصب عني رحت وصلنه اني وامي اجرنه شقه قريبه عل مام اخذته للدكتور حدد موعد العمليه بعد يومين مرن اليومين رحنه زرنن واني كله موبعيني زهراء ماتفارك بالي كل ساعتين اخابر للبيت واسئل عنهه يكولون جاي تتحسن اجه وقت العمليه واني كلبي شيصير امي منا وزهراء منا خلصت العمليه وطلعت امي بالسلامه الف الحمد والشكر الك يارب بقت امي اسبوع بالمستشفي وفتحوا الضماد ونجحت العمليه كلتله يمه باجر نرجع خليت امي بالشقه ورحت الطبيب شرحتله وضع زهراء كتب لي عصارات وعلاج اشتريتهم وجمعنه اغراضنه خابرت اخوتي كلتله باجر جايين ماعول اوصل مرت
اسبوعين على سفرتنه وصلنهه بالسلامه الحمد لله تكونه الشباب بالمطار اول ما سألت على زهراء كالو زينه وتتحسن جاي وصلنه للبيت سلمت عل موجودين وصعدت الغرفتي والكالك زهرتي متغيره والوجه ذبلان وضعفانه شافتني وبجت حضنته حيل جني مضيعه صار اسنين ماجنهن اسبوعين وك علي من يمته وجاي هيج اتعلقت بيه من احتركت اكتشفت روحي عاشكهه مو بس هيج مجنون بيه طلعتله العلاج وبدت تستعمل مرت ١٠ ايام اتحسنت اهواي ورا اسبوعين دخلت بالتاسع اخذت للدكتوره كالت لازم عمليه قيصريه نطتنه موعد للعمليه بعد ١٠ايام رجعنه للبيت هي صعدت الغرفته اني كلت المي على عمليته كالت الله يسهل طلعت للمضيف كالتلي مي عندي شغله وياك ارجع من وكت هم صدك رجعت من وكت رحت لمي ها يمه شنو الموضوع يمه اخوك حجه ويه ابو علاء على بنته فاطمه اني ابصدمه يافاطمه الام يا يمه اشبيك البنيه الي رايده موحطيت شرط علينه من أدر سنت ابن عمك نخطبه اي شنو اي خطبناهه الك واهله وافقو يمه اشلون بدوم مادكلولي هيج تصرفون موانت شرطت علينه يايمه
علي يمه هذا الحجي قبل سنه ونص انتي اشدتحجين يمه وهاي المسكينه شكلله ماضل شي ما صار بيعه المهم كلش ضجت من تصرف اهلي بس النفس الوقت ماكدر اكسر كلمتهم صعدت الغرفتي لكيت زهراء كاعده عل تخم ودكلب بالتلفزيون
