عشق الشيخ دريد

بارت الاول

#QUEEN_ALDOLIMY
اضغط نجمه قبل لا تبد
.
.
.
.
.
.
.
.
السلام عليكم اني اسمي شيخ دريد راح تستغربون اسمي دريد و اني شيخ
اي صح ابويه من تزوج امي مصار عدهم أطفال اله بعد سنين بعد مده إجت مرت عمي هيه كرديه و كالت لأبويه حلمت عندك طفل ولد والدي فرح هوايه كلش كال الله وايدجً خيتي راحت مرت عمي لزياره ويه عمي و دعت الأبويه و من رجعت كالت اذا صارت عدك ولد اني اسمي فرح الوالد كلش وره مده صارت والدتي حامل بيه و من ولدتني امي سمتني مرت عمي هذا الاسم
خلي احجيلكم عني طبعا اني  عمري ٣٣سنه اني اكبر اخوتي عايشين ويه امي وأبويه و عدي اخوان ٣اخواني ( امير ٢٦سنه و احمد ٢٤ سنه و منتضر ٢٣ سنه ) و عندي اخوات ٢ و ثنيهم متزوجات لما متزوجه ابن عمي معاذ و عمرها ٢٨ عدها ولدين و بنيه و هدى عمرها ٢٢سنه متزوجه من ابن خالتي منير و عدها ولد واحد
طبعا اني طبعي عصبي كلش و كلمتي متصير اثنين و اني شيخ بعد الوالد الله يحفضه شكلي شكل اي شاب عراقي اسمراني عيوني بني و عدي لحيه خفيفه ضخم طولي ١٨٠ وزني ٩٠ اني اشتغل ويه والدي بالشركة عنده شركات هوايه و شركه يلي اشتغل بيها هيه لتصدير اني وإخوتي وياه نساعده اني مخلص دراسه ماجستير علوم حياتيه
فد يوم من الأيام
واكفين اني و اخوتي و أولاد عمي يعني ناس هوايه و دا نناقش أمور هوايه
و فجا و اشوف و حده تركض من بعيد و صلت يمنًا كلنا واكفين مصدومين ويه ما وصلت وكعت لزمتها و صارت تحجي بصوت متقطع
......ار..جو...ك ساعدني د...خيلك
و بعدها اغمى  عليها صارت ايدي جوه رأسها شلت ايدي باوعت  كلها دم شفت رأسها متوك يعني مشكوك شك جبير كلش  اشرت لابن عمي صديق دربي معاذ
حتى يروح يجيب السيارة
و راح جابها
شلتها و رحت بيها للمستشفى
جان شكلها عبارة عن دم و اصابه طلقه بالكتف و كدمات ع الوجه و شعرها منثور و مبين عليها متعرضه لتعذيب
ع العموم و صلنا اني و ابن عمي و شلتها و صرت اصرخ
حتى يجون اجه دكتور و أخذوها  وخلوه ع سديه و دخلوه سألني دكتور شنو تصير منها كتلها ما اعرفها دخيله عندي كتلها مضروبه طلقه ب كتفها
وراح الدكتور و اكفين اني و معاذ و اجو ولد عمي و اخوتي كالو ها شصار كتلهم ما اعرف بعد صارو الدكاتره تروح و ترجع و يركضون سألت و حده من الممرضات كالت
الممرضة :بصراحه فاقده المريضة دم هوايه و محتاجين دم الها
سألتها شكد زمره دمها
الممرضة :A+
اني زمره دمي نفسه كالت تعالي وياي تبرعت الها بطلين و ضعها بعد بخطر
وره تقريبا شي ساعه طلع الدكتور ها دكتور بشر
الدكتور :بصراحه حياه المريضة بخطر و الضربة يلي برأس قويه كلش بعد اربع و عشرين ساعه تماما اذا عاشت تبين عليها أعراض يعني يا إما تنشل أو يصير شي بيها راح نخليها بالعناية المركزة عليها العافية
بصراحه ضجت عليها خطيه و احنه لازم نعرف قصتها حتى نساعدها بقينه سمها اني و اخوتي و بعدين كلولي روح ارتاح و ارجع و فعلا رحت ارتاح اول ما وصلت صاحلي الوالد رحت يمه و بست ايده ورأسه
الوالد: شنو قصه لابنيه بويه
دريد: والله يا بويه حتى اني ما اعرف بس يله كالته انو أساعدها و هيه دخيله و مبين عليها هيه مو بنات منطقتنا لا مبين من لبسها حتى بنات السلف كلهن نعرفهن هاي اول مره أشوفها
الوالد :الله كريم ان شاء الله تكوم بالسلامه و نعرف شنو قصتها
دريد:الله كريم بويه يله اني رايح ارتاح من رخصتك بويه
الوالد :مرخوص وليدي
دريد:صعدت لغرفتي وأخذت ملابس و سبحت و تمددت ع سرير إجت بالي صوره للبنيه من إجت تركض و شلون مدمايه و من جانت بحضني وجه مليان كدمات خل أوصف الك شكلها هيه بيضه بعيون بنيه و شعر طويل لونه جوزي عدها جوه شفتها شامه و بالحنك اكو شامه طبعا هذولا ميبينون اله يلي يركز عليهم لان صغار و بخدها اكو شامه كبيره و مبينه أما بالركبة اكو ثلاث شامات وحده جوه الأخرى اهوووو شجاي احجي خل انام فصلت لابنيه تفصيل يبوووو خل ارتاح .
والله نمت ساعتين و كعدت و بدلت و طلعت ع الوالد و سلمت علي ورحت للمستشفى هاااا خويه بشر شلون وضعها
احمد:والله خويه بعدها
دريد:الله كريم
ضلينا ننتضر اربع و عشرين ساعه و تعدت مرحله الخطر و نقلوها ع غير غرفه وره تقريبا شي اربع ساعات صحت طلعت الممرضة تركض وراحت لدكتور و اجه حتى يشوفها و دخل واحنه واكفين ما مفتهمين شي و بعدين سمعنا صوت صراخ رأسا دخلت اني و ضربوها إبره و طلعني الدكتور و كال
الدكتور: شيخ بصراحه المريضة فقدت الذاكرة تماما
دريد:دكتور شنو هل الحجي فهمني شلون
دكتور:كتلك شيخ الضربه يلي بالراس قويه كلش لهذا السبب فقدت كامل
دريد:بصراحه ضجت يعني لازم نعرف قصتها خو ما تبقى هيج اهووو هسه هاي من وين طلعت الي يا ربي زين دكتور اكدر اشوفها
الدكتور:لا انطيتها ابره مهدء لان انفعلت لان ما تعرف شي من تصحى تكدر تشوفها
دريد:راح الدكتور و انتضرنا يمها و خابرت ابويه و كتله عنها و ضاج كلش عليها كال أبقى حتى نشوف شراح يصير والله وره مده و كعدت و دخلت عليها خطيه حالتها يرثى الها و ما تعرف احد و بس تسأل كعدت يمها
دريد:سلام وعليكم
——— لا رد
دريد: بله هاي شحجي وياه اذا هيه متذكر شي كلت الها بويه شنو اخر شي تذكري حطت ايدها ع رأسها لان أيدها الثانية ملفوفة  و صارت تضغط علي اوكفي لا تجبرين نفسج مو زين هيج
——-ارجوك ساعدني مدا اذكر اي شي لو سمحت
دريد :تمام شوفي يبنت الناس (وحجيت الها من إجت إلى هسه ) خطيه تباع مصدومه
مر يومين وهيه بالمستشفى و ع نفس و ضعها اجه الوالد شافها و كال هاي تبقى يمي و تعقد عليها إلى ان ترجع ذاكرتها
دريد :بويه شنو هل كلام لا شلون هيج
الوالد:بويه صدك اذا بقت يمنًا ناس تأكل و وجهنا بالكلام و انته تعرف بيتنا بي اربع شباب و ما متزوجين فكر بيها ابني واني ما اكدر اعوف لابنيه هيج بالطريق تائهه خطيه و هيه طلبت مساعدتنا
دريد :فكرت بكلام الوالد و صح كلامه هيه من إجت كلشي ماكو يعني ما نعرف اي شي عنها و طلبت مساعدتنا ملازم نعوفها كلت اله بويه بس يمكن تطلع متزوجه و ميصير حرام
الوالد :هسه أتأكد من الدكتوره و رواجكم راح يكون ع ورق من تستعيد ذاكرتها الله كريم والله راح و بعد مده اجه كال لا تخاف هيه بنيه ستغربت منه شلون عرف طلع حاجي لدكتوره و مفهمها بقت شي اربع أيام بالمستشفى و لطلعناها للبيت و جان الشيخ ينتضرنا طبعا والدي حجه وياها و رفضت و رآها حاول يقنعها و فهمها و قبلت من و صلنا امي رحبت بيها و فرحانه بيها وره شويه و عقدنه و اخذتها امي ع الغرفة و اني رحت ع غرفتي ارتاح لان ميت تعب و غفيت شويه و كعدت ع صوت امي تكعدني ع العشه نزلت احنه من يصير العشه نتجمع كلنا اني و امي وأبوي وأخوتي الولد كاعدين كلنا سألت الوالدة
دريد : يمه لابنيه وين

الوالده:و الله ناديتها للأكل مقبلت و بس تبجي

احمد: اكلك خويه هاي خو منضل نناديها بنيه خل نختار الها اسم شنو ورأيك
امير:اي وربي صحيح
منتضر:نسميها ملاك شنو رأيكم والله صراحه لابنيه حلوه
دريد:انجبو واسكتو يمه صيحيها خل تجي تأكل
احمد.امير.منتضر:🤣🤣🤣

دريد:والله وره شويه إجت هلا هلا يا بويه الشعر مفتوح و مخاله شال ع رأسها و لابسه تراك وكدام  اخواني هلا هلا بله اذا اكوم أموتها احد يكلي ليش يمه ماكو شي تخلي تلبسه بس هذول
الوالده:والله يمه هاي من مالات خواتك باقيات ماعندي شي الها
دريد:إجت كعدت و ساكت خطيه عيونها مورمه من بجي اخوتي حتى يغيرون الجو عليها
احمد :شلونج ملاك
——منو ملاك صح اني اسمي ملاك كامت و كفت مفزوعه
امير:لا بويه قصده راح نسميج ملاك إلى ان ترجع ذاكرتج تمام
دريد:كعدت و سكتت بويه آكلي شي متقبل تأكل