مجنون حب فرعون

الفصل الرابع

(مجنون حب فرعون) الجزء الرابع

كل حاجه بعيدة حلوة ،ويمكن يكون ده سبب لذتها ،وبيزيد شوقنا ليها ،كل م بيصعب علينا نولها  ..بس لما بتقرب .ساعتها ممكن م تبقاش ب نفس الشغف ..لأنها بتبقي مساله تعود .طبيعة انسان هتفضل  موجودة فيه من يوم م اتخلق لحد م يموت ، وتمر الايام وانا بشوفها قدامي ..منظر كان بيقتلني، ف كل مرة كانت بتبصله ..بتضحكله أو حتي بتسلم عليه  ..بس للاسف مفيش ف ايدي حاجه اعملها غير السكوت .لحد م ف يوم جت تكلمني والبسمه ملونه وشها وبتتطلب مني ارسم صورة ل كامل ب مناسبة عيد ميلاده ، بصيتلها بصة عتاب كسيتها ببسمه حزينه .خدت منها الصورة  ووانا مروح فضلت اكلم صورته زي م يكون قدامي ..معقولة تكون بتحبها اكتر مني ، ياتري فيك ايه مش فيا ، ولا هي مسألة نصيب وحظوظ  ، دخلت اوضتي وفضلت حاطت الصورة قدامي شوية وشغلت مزيكا هاديه يمكن تروقني شوية،مفيش ثواني وسمعت صوت مزيكا عالي اوي من الاوضه اللي جنبي
(خسااارة..خساارة..فراقك ياجارة ..عنيا بتبكي ..عليكي ب مرارة )شوية شوية ..ابتدي الصوت يقرب ومرة واحدة اتفتح باب اوضتي ،لاقيت عمي مراد واللي بدأ يحرك شفايفه مع الاغنيه زي م يكون هو اللي بيغنيها
*واضح أن مزاجك عالي اوي النهاردة ياسيادة اللواء ..الظاهر أن طنط لبني اتصلت بيك النهاردة صح ؟
_انا النهاردة اسعد انسان ف الدنيا دي كلها
*معقولة ياعمي؟!بعد العمر ده كله لسه بتحبها ؟!
_كلمة بحبها دي قليله ع اللي بحسه ناحية لبني، انا عيان بيها ،عمري ما شوفتها ل غيري وهي كمان عمرها م شافتني ل غيرها ،منه لله ابوها اللي رفضني وحرمني من اكتر حاجه اتمنيتها وهفضل اتمناها لحد م اموت ..عارف؟.  برغم أنه رفضني كتير لحد م نسيت قد ايه ؟ بس عمري م يأست ولابطلت اطلبها منه ..بالعكس ف كل مرة كان بيرفضني فيها كنت اروح الحسين اصلي ركعتين هناك وادعي يوافق  المرة اللي بعدها
*طب اشمعنا طنط لبنا ؟م كان في بنات كتير تتمناك ؟!
_ ازاي كنت ابص ل اي واحدة فيهم وانا دايب ف ست البنات؟! ،اللي مهما كبرت وشعري شاب ، كانت النظرة منها بترجعني عيل عنده 16سنه،  عمري م هنسي لما كنت بقف قدام مدرستها ف عز الشمس ع امل انها تضحكلي بس...بس خلاص هانت ..النهاردة الذكري التانيه ل وفاة والدها واؤل م الاسبوع ده يخلص هفاتحها تاني  ..انت بتبصلي كدة ليه ؟!
* عشان اؤل مرة الاقي الشاب اللي عنده 16 فرحان كدة ..
_عارف  نفسي ف ايه يا اياد؟
*نفسك ف ايه ؟
_ يبقي فرحنا احنا الاتنين مع بعض ..
* ف اللحظة دي مكنش في كلمة توصف الزعل اللي كنت حاسس بيه ..ولما جيه ف بالي مشهد كلامها وضحكها مع كامل ..سرحت ..وفضل السكوت بينا ل دقايق لحد م خالد جيه
^ايه ده؟! هههههههههههههه انت سيبت الجميله وبقيت بترسم الوحش ..
* حورية طلبت مني ارسمهاله عشان عيد ميلاده
^وهتفضل كدة لحد امتي؟
*3ساعات بالكتير واخلص
^لا مش قصدي ..هتفضل امتي عايش دور اللي بيراقب من بعيد؟ يااياد انت عمرك م هتلفتها ب استايل جدو ده ..لازم تغير استايل الشيرز والنضارة ده..كمان شعرك
*بس اللي بيحب حد ..بيحبه زي م هو كدة ..مش بيحبه عشان شكله ولا لبسه
_بص يااياد ..هو صحيح تافه ..بس بردو م يمنعش انك تهتم ب مظهرك شووية
* ف الاؤل كنت رافض الفكرة ..وان ازاي لو حد غير شكله أو طريقة لبسه هيقدر يلفت اللي بيحبه؟! حتي لو حصل هيبقي اللي بينهم مزيف ..عشان هيبقي مبني علي حاجه مش فيه .. لحد دلوقتي مش فاكر امتي ولاازاي وافقت ع التغير ده ؟!!..بس كل اللي فاكره اني لفت بنات كتير ..الا هي ..ياتري فعلا م اخدتش بالها ؟ ولا كسوفها اللي منعها انها تقولي حتي كلمه حلوة ؟مش عارف..كل اللي اعرفه اني روحت ف اليوم ده وانا متضايق ..دخلت اوضتي وقفلت عليا الباب ،شوية ولاقيت عمي مراد بيخبط ع باب اوضتي وجايب معاه العود بتاعه ..زي م يكون حاسس اني كنت متضايق ..وف لحظة كل الزعل ده اتمحي لما قالي أنه اخيرا هيتجوز طنط لبنا ..مش هبالغ لو قولت اني كنت مبسوط اكتر منه ..كنت شايفني فيه ..شوية وقعدنا نهزر ونغني لحد م نمت ..صحيت لاقيت الساعه وصلت7 وبسرعه لبست ونزلت الكليه ..واؤل م روحت لاقيت الدنيا مقلوبة والسبب ان الجامعه هتعمل مسرحية كبيرة وبتعمل تجارب الاداء عشان تختار الشخصيات و العيون كلها ع دور البطل والبطله