مجنون حب فرعون

الفصل الخامس

(مجنون حب فرعون) الجزء الخامس

ف كل مرة كنت بحاول ابطل تفكير فيها أو حتي ابعد عنها، كانت بتحصل حاجه ترجع  تجمعني بيها !! ياتري دي علامه انها هتبقي ليا ف يوم م الايام ؟ ولا مجرد صدف بايخه وهتروح ل حالها؟وياتري لما نتخرج هتفضل الصدف دي موجودة ؟ولا هتتمحي مع الوقت؟ ،كان هيحصل ايه لو كنت اشتريت فراقها؟ ماهو انا بردو اللي غلطان ،انا اللي خليتني كدة .. كان لازم يعني اطمع ف نجمه وجناحي مكسور؟ ..اسئلة كتير كانت بتملاني ف كل ليلة ..كانت بتعيشني ف 'يتم  سهران ف السما ،بيطوف علي اي ونس ،كاس وداير ب نصيبنا ماسايب فينا حد سليم، عايشين بس بنعاني ونتعلق
فحلم قديم..   كتير استغرب ازاي م اهتمتش ب المسرحيه ولا حتي سالت مين قدم ومين ماقدمش ؟،مع أن ف اليوم ده لاحظت أن اكتر من نص الدفعه ومنهم خالد ماحضروش ،واللي اؤل م خلصت المحاضرة لاقيته بيتصل بيا عشان اجيله عند مسرح الجامعه،واؤل م روحت فاجئني بأنه دوري عشان ادخل اجرب!!! ..ساعتها اتسمرت مكاني ورفضت اني ادخل خصوصا بعد م عرفت انها خديت دور البطولة ،واؤل م اتقال اسمي لاقيت خالد بيشدني من ايدي عشان ادخل المسرح ،واللي اؤل م دخلنا لاقيت كامل قدامي..
كامل: هههههههههه..ايه ده يااياد انت ايه اللي جابك هنا ؟ خلاص دور البطولة من نصيبي ..
*ساعتها حسيت ان زي م يكون جوايا مياه وبتغلي ..ف الاؤل  لما كنت بشوفهم سوا كنت بحس ان زي م يكون رصاصة مليانه شوك واتغرست فيا ، بس ياتري لما اشوف بوستر المسرحية ف كل مكان وصورته جمب صورتها هحس ب ايه؟ ..وف لحظة سرح ابتديت ملامح الزعل والغيرة تبان علي وشي ،ساعتها قررت انسحب بشويش ومااطلعش ع المسرح ..جيت اخرج لاقيت وليد بيمنعني واصر ان ادخل واعمل تجارب الاداء ،وفعلا دخلت ،وعلي عكس التوقعات ..اختارني المخرج ل دور البطولة بدل من كامل .واللي كان شايف اني هقوم بالدور ده احسن من اي حد تاني
كامل:انا مش عارف ازاي اختارك بعد م اختارني؟
*الفضل ليك انت ..انا عمري م كنت هنجح ف الدور ده ،لولا الكلمتين اللي قولتهملي وانا داخل
كل م كان م يجي ف بالي ان انا اللي هيكون البطل قدامها ويسمع منها احلي بحبك حتي ولو تمثيل،كنت بتحول  ل طفل صغير واتكسي فرحه ودفي ، دلوقتي بس فهمت عمي مراد كان قصده ايه عن عمره اللي بيصغر كل م بيشوف لبني،
وابتديت اؤل بروفا ..الكل مشغول بدوره اللي هيقوم بيه الا انا، بمثل اني بقرا دوري بس عيني شبطانه فيها ،لحد م المخرج (وليد)خد باله ،وقتها بصلي وابتسم ،حطيت وشي ف الارض ف لحظة كسوف فشلت اداريها ، شوية ولاقيه بينادلي انا وعزيزة عشان يورينا مشهد نقلده ،فرحة جدا لما عرفت ان فيه رقصه المفروض نعملها سوا ،ولما خلصت تحضيرات المشهد ،الكل كان مستني لحظة طلوعي انا وهي ع المسرح ،مفيش دقايق ولاقينا نور المسرح ابتدي يقل ،شوية واشتغلت اغنية رومانسيه ،طلعنا ع المسرح واللي مكنش فيه حد الا انا وهي بس،واؤل م ايدي لمست ايديها كنت حاسس ان زي م اكون اتكهربت !!ساعتها قلبي فضل يدق جامد زي م يكون هيخرج من مكانه..ومرة واحدة ببص ف عيونها لاقيتها بتبص ف الارض ،ف اللحظة دي مسكت ايديها جامد ،كنت عايز احسسها ان اللمعه اللي ف عيوني دي مش تمثيل كان نفسي اقولها انك بتاعتي ..بتاعتي انا وبس ،ومرة واحدة من التوتر اتكعبلت ووقعت من علي المسرح ،وبسرعه رجع نور المسرح من تاني واتلم الكاست حواليا ..كانت اؤل واحدة بينهم ،لمحت ف عيونها خوف وقلق نستني المي،ساعتها حسيت ان احساسي وصلها ..بكل نظرة..بكل حركة ..بكل لمسة بينا ،
وبسرعه خدني خالد وروحنا ع المستشفي،كان الدكتور مستغرب ازاي بيخيط 5 غرز وانا مش حاسس بحاجه ،حتي كاست المسرحية كانو مستغربين ازاي قدرت اجي تاني يوم ولا كأن حصلي حاجه !!
حاول كامل يقنع المخرج أنه ياخد دور البطوله بدالي خصوصا بعد اللي حصل امبارح بس اتفاجئ ب رفضه ..وطلب منه أنه يركز ف دوره و اللي كان شايف أنه احسن ليه ،
وف اليوم ده طلب مننا المخرج(انا وحوريه)نقعد مع بعض كتير عشان يزيد التفاهم بينا ،كمان سمحلنا اننا نفضل ف المسرح بعد البروفات عشان نتمرن اكتر ، وفعلا ف الفترة دي قدرت احفظها بكل تفاصيلها، وف يوم بتفتح شباك اوضتها ،لاقيتني قاعد ف العربية وتقريبا شبه نايم ..ف اللحظة دي م اعرفش ايه اللي خلاني ابص ناحية شباك اوضتها ؟ عيونها اللي مخاصمه نور الشمس،نسمة هوا وهي بتعاكس ف شعرها ،ندي الصبح اللي سايل علي احلي وردة ف بستان الحسن ،يارب ديم عليا الطلة الحلوة دي ،وهعوز ايه اكتر من كدة؟!! ،بصيتلي بنظرة استغراب وضحكة بتداريها ب أيدها ،مفيش نص ساعة ولاقيتها نازلالي ،واتكرر المشهد ده كل يوم ،كنت حاسس ان فيا حاجه ناقصة م بتكملش الا لما يشوفها، 
ادمان حاولت افوق منه وماعرفتش
وف يوم واحنا بنتمرن لوحدنا لاحظت عليها التعب والارهاق طلبت منها نرتاح شوية،واؤل م قعدنا ، لاقيت نفسي بقولها ..تعرفي انك احلي من صوفيا(بطلة المسرحية)؟
_اعتبر دي معاكسه؟
*بصراحه اه ههههه..هاتي ايدك
_ليه؟!
*م تخافيش ..امسكي الورقه دي جامد ..ومرة واحدة اتحولت لوردة صغيرة ..ابتسمت ابتسامة مليانه براءه ورقه ..ف اللحظة دي لاقيتها بتقولي
_تعرف انك فيك شيه من وليام(بطل المسرحيه)
*اعتبر أن دي معاكسه ؟
لاقيتها ضحكة ف خجل وقامت تستعجلني عشان نروح ..