عائلة من جهنم

عائلة من جهنم ~ الجزء السابع

#عائله_من_جهنم 7

قمر:....وهيا في طريقها لي غرفة امها
كان باب دار ايه مفتوح ونصدمت لما شافت ايه ماسكه يد راجلها وتبصم فيه ع أوراق 
انصدمت ومعش عرفت نخشلها ولا نقعد واقفه في مكاني !!
راجلها فاقد الوعي واضح انه مكانش راقد 💔💔

قمر:فتحت الباب وخشت
جيهان:خذت نفس ..به الله غالب ماما خلاص الحق طلع قدامك
قمر:لا حبيبتي مش خلاص اسكتي معش تهدي الامور
ياماما اشبحيلي بالله عليك كلمي خوالي قوليلهم يجو ياخدونا
وراااس اغلى شي عندك ماما انتي عارفه خوالي مش حيردونا وبيوقفو معانا  كلميهم احكيلهم ان نحنا مش مرتاحين هنايا
جنى:اي صح امي نبو نمشو الشرق
قمر:مش كنتي عاجبك الجو هنايا وفرحانه بي النافوره يلي ورا الباب ؟؟
جنى:اسكتي قمرر اسكتي راهو الناس يلي هنايا صعبيين ويخوفو
سميه:خلاص إنتي وَيِّاهَا بَطْلَنّ راسي بٌروحهْ مش متحمل اليوم نشوفله حل الموضوع هضا بِنْقَعْمِزْ نكلمه
جيهان&قمر:منو؟😨
سميه:جدكم
جيهان:سكتت...به ماما ارتاحي شويه توا
سميه:بنوض نصلي ويحلها ربي ...وناضت
جيهان:قعمزت ع السرير...بجد العيله تخوف
قمر:شفت مرت الشباني تبصم فيه على ورق توا
جيهان:ع من تحكي؟
قمر:على ايه ؟
قمر؛اي ايه ...تبصم في راجلها على وراق وشكله راقد ولا مفهمتش
جنى:حي عليها😱😱😱
جيهان:وهيا سارحه...امالا لو سمعتو بي القصه يلي عرفتها شنو تقولو؟
قمر:شن سمعتي؟
جيهان:خذت نفس وبدت تحكي على القصه يلي قالهولها زياد

__________________

صالحه:تشوف بنضرات حقد لي راضيه وجليله والزوز منزلين روسهم
خديجه:خايفه من الجو يلي صاير ...تصبحو على خير ...امينه اماني هيا ماما انتي وياها ليل
هدى:وفاء حوريه ...فووق
وفاء:بصوت واااطي...ماما بالله عليك خلينا نقعدو نبو نشوف حناي شنو بدير فيهم
هدى:فنصت فيها...سكري فمك وقدااامي مش ناقصين مشاكل
وفاء وحوريه ماشيين مع امهم لدور الثاني
حوريه:مشاكل شنو يا امي خلينا نتفرجو
هدى:اسكتي هاذم الزوز كناين حرام توقعي يجبدوني انا وياكم في قصة الحدايد كان خوك يسمع حاجه نهار اسود بعدين
وفاء:اففففل

جليله:مرت عمي ...انا م...
صالحه:سكررررري فممممك
راضيه:شافت لي جليله بخوف
صالحه:هاذا عقابها؟؟؟انا؟؟؟
انا تخنبوني علاااااش؟شنو يلي ناقصكم فهموني
راضيه:مش م.......
صالحه:ضمي فمممك انتي ....هاذا الحاج مش منقص عليكم في شي وهوا يلي يصرف على العيله هاذي كلهااااااا
لكن ياويلكم مني وياسواد ليلكم لو مخليتكمش تكرهو الساعه يلي جيتو فيها
راضيه:بدت تنزل في دموع التماسيح ...سامحيني يامرت عمي بالله عليك متقوليش لي عمي 😭
صالحه :اشرت بيدها ...تحركي انتي وياها خوذو صغاركم واركبو فوق يالله
جليله:ساكته وتشوفلها
صالحه:تحرررركي ....

___________________

ايه:واقفه على روشن الدار نتفرج وقدامي اوراق !
نتفرج ع راجلي...هه راجل؟!
كنت رح نتقبل فكرة ان هوا شباني عادي مش رح يكون اسوء من القعده مع مرت بوي
او من خوها يلي يعتدي عليا كل يوم 🤷🏻‍♀️
بس يلي قهرني ان ع ابسط سبب يمد يده
والاهانات سواء كان بروحنا او قدام الناس !!..حسيت ان بديت انسانه معش تحس من داخل من كثر الصدمات يلي حصلتهم 💔
استاحشت ماما يلي معش ريتها من لما كنت نقرا في الابتدائي💔
استاحشت بابا لما كان بعقله ومدكرني !!
اكيد لوكانو معاي الاثنين اكيد كان حالي افضل بهلبا من توا !!
قعمزت على الكرسي وطول الليل نتفرج عليه
كنت عارفه ان مريض هلبا حتى انه اغمى عليه مرتين !
كنت عارفه انه معش يطول ...كنت نسحابه ان قلبي بدي قاسي ورح نخليه يموت قدامي بدون ما نساعده ولا نحن عليه!
بس بعدين اذكرت جانب ربي 💔...نزلت حكيت مع الشامخ وع طول كلم واحد من ولاده رفعناه للمشفى