جريمتي الثانية

جريمتي الثانيه ~ الجزء الثالث

#جريمتي_الثانيه 3

نهت سؤالها هاذا بكلمة.....ممكن اعجاب بي شكله بس 🤦🏻‍♀️خلاص روح وتمت القصه
بدت ترتب في الغرفه ولقت شي غريب طايح ع الكنبه...كانت عباره على ورقه صغيره ولما قلبتها شافت صورت زياد 🤤
نضرته اذووووب خذت الصوره ضمتها في جيب سروالها بدون ما تعرف ليش دارت هكي ؟!بس كان في شي داخلها يبي يحتفظ بي الصوره هاذي ❤️❤️

_______________

طق طق طق
عُلا:فتحت الباب ...يا اهلا
زياد:متكي ع الباب....يامرحبا بي الانسه المطلقه بتردي على رسالتي ولا بتخليها معلقه 😂
عُلا:ضحكت وجبداته من سوريته....تعالا شكلك شارب لين قريب يغمى عليك
زياد:خش لشقه ولوح جسمه علي الجلسه
عُلا:واقفه في المطبخ واديرله في النسكافي ....اي خبرني وين كنت ؟
زياد:كان عندي مشوار هكي يخص الخدمه نضمت اموري وروحت
عُلا:تخلط في الكوب ...وطبعا متبيش تروح الحوش بحالتك المعفنه هاذي عشان خوك ميقلبش الدنيا
زياد:ضحك ع جنب ...انتي ذكائك زي ابلة الرياضيات ع فكره
عُلا:تنهدت....قعمزت جنبه وحطت الكوب...وزياد ياترا ليش شارب ؟!في العاده تشرب لما تبدا مهموم بس
زياد:يفتح في بطم سوريته...تقدري تقولي هم قنين
عُلا:كيف؟شن صار ترا؟
زياد:نحى سوريته ورجع رقد وكان دايخ....عندهم خلقت بنت غادي🤤
عُلا:اففف رجعنا لنفس سريب البنات يلي مباش يكمل هاذا كل يوم زاهيا في عينك وحده
زياد:تي لا...البنت مش زي يلي نعرفهم متع مواضيع
عُلا:تصب في المكسرات...امم امالا متع شنو متع بابا وماما
زياد:بزبط خااام الفرخه واضح عليها مش مجربه شي
عُلا:حطت الصونيه...لا زياد لااا حرام تفسدها البنت
زياد:ولع الدخان ....من قالك بنفسدها!
عُلا:امالا شنو بندير فيها ياروحي بتقرا عليها قرآن مثلا!!...بطل زياد خلي البنت في حالها مدامها مش متع الجو هاذا عندك الف وحده يكونو قدامك وقت تبيهم
زياد:البنت قطعه لنم مش زيكم الزح هكي فيها شي ...تحسي انها طبيعيه في كل شي
عُلا:امممم مش زينا !
زياد:حط راسه ع المخده ...بنرقد نوضيني مع المغرب
عُلا:ضحكت بشويه...متبيش مساج قبل😉
زياد؛معنديش نيه فيك بنرقد
عُلا:اففف به اوكي...وناضت

عُلا:تكون وحده من البنات يلي يعرفهم زياد او اكتر وحده يتردد عليها بحكم انها مطلقه وعايشه بروحها ف ياخد راحته عندها ويصرف عليها احيانا

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

محمد:ابتسم ...اي وشنو صار؟
موده:شنو بيصير ؟داعيتلها امها يا بابا تاخد واحد زي وخي حميده زين ورضى الولدين
محمد:ضحك...كل قرد في عين اخته غزال
سميره:ههههه هاذا ياحنى انا تكلمت البنت ناضت تجري تحشمت ياحليلها
توا نستنو في الرد بعدين ساهل ....وربي يكتب يلي فيه الخير
محمد:ان شاء الله
سميره:والله ضحكتني كيف ناضت تجري متحشمه
محمد:سرح ويذكر!!....ايام كانت تمشي للقرايا وخدودها حمررر من الصقع❤️
كانت تتحشم تقيم عيونها ديما راسها في الارض