#جريمتي_الثانيه 7
زياد:راقد وفي حضنه هيام
هيام:تمرر في يدها على لحيته ....من بكري تالفونك يشرين
زياد:دايخ....نحي من عليا فوتيني
هيام:ناضت قعمزت ع السرير وهيا تشوفله بخبث كأنها ناويه ع شي اديره🔥
زياد:راقد في عالم ثاني
هيام:نسحبت من السرير بشويه لين نزلت ...قعدت تفتش في جيوب الجاكيت متع زياد خدت الفلوس ضمتهم عندها ورجعت ع السرير
________________
ايمان:حطت ولدها ع الفراش وغطاته
جلال:يلبس...كيف الاوضاع عندك!
ايمان:كويسه ..مشاء الله العرايس ربي يباركلهم ويهنيهم
جلال:مفيش مضايقات؟!
ايمان:نزلت راسها...عادي مش مهم انت كيف الوضع برا؟
جلال:زحمه اليوم عمامى كلهم جو لما سمعو بيا روحت
ايمان:يدوم اللمه ان شاء الله💔
جلال:تنهد بحزن ...نحاولو نمشو لي ام.....
ايمان:متكملش جلال بالله عليك!!...خلاص مستحيل يرجع شي مهما درت
جلال:رقد..ان شاء الله خير وخلاص
ايمان:عيونها تعبو دموع...عطاته بضهر ورقدت
جلال:تصبحى ع خير
ايمان:تلاقي الخير💔
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
ثاني يوم🌤🌤🌤
زياد:فتح عيونه وگ العاده راسه بيتفجر وخذي ربع ساعه عشان يذكر هوا وين وشنو قاعد يدير بزبط؟
هيام:صبااحو
زياد:مردش عليها وناض للحمام يغسل في وجها
هيام:تتكلم من الدار...حطيت تالفونك في الشحن مبكرى لان كان مسكر ...اول ما نفتح رسايل بي الهبل من ست الحسن مرتك
زياد:طلع من الحمام يمسح في وجها ...محد قالك اشحنيه
هيام:هاذا يلي يدير الخير هكى😒
زياد:يلبس في حوايجه
هيام:تفطر معاي؟ولا بتطلع
زياد:اااااخ راسي بيتفجر حاس بيه ..معنديش نيه
هيام:ساكته وتشوفله خايفه يكشفها على خنبة الفلوس منه
زياد:وقف خذي تالفونه
هيام:صايرك معاك شي؟
زياد:شنو؟
هيام:يعني جوك واضح ان في شي مش طايقني وامس طول رقدت ...صاير معاك شي في الحوش مثلا!
زياد:اذكر خوه !!...مصاير شي
هيام:براحتك 🙄
زياد:طلع من الشقه بدون ما يرتب شعره وحوايجه زي ما تعود
______________________
محمد:طلع من غرفة النوم ...صباح الخير
ماريا:تسخن في الشاهي ...صباح الورد
محمد:واقف يشوف في رسايل فونه
ماريا:تعالا افطر
محمد:لا كولي صحتين مخاطريش وبنطلع عندي خدمه
ماريا:به...وقعمزت ع الكرسي
محمد:رجعلها وقام عيونه...اهلك بيجو اليوم ولا؟
ماريا:خافت ..اي جايين ليش💔🥺
محمد:مش ناقص شي نجيبه؟
ماريا:نصدمت وتحكي داخلها...نسحابه بيحكيلهم شي !!طلع ميبيش ينقص عليهم شي لما يجو ...طبيعي الانسان هاذا؟؟؟
محمد:نكلم فيك؟
ماريا:اااها😨...لا مفي شي ناقص كلهم تمام موجود
محمد:به كان تبي حاجه كلميني بالك نروح مع المغرب مدورينيش
ماريا:تمام
محمد:طلع وقاعد عيونه في التالفون
أنت تقرأ
جريمتي الثانية
Teen Fiction.. روايات بنوتةة الشيخ .. 🔥رِوايَــــــاتْ بـــّـــنـــوتِـةْ الشـِـــــيــــــخْ🔥 🔥اروى الطـــــّـاهــــِرْ المـــســــــلاتـــــــــي🔥
