جريمتي الثانية

جريمتي الثانية ~ الجزء الرابع عشر

#جريمتي_الثانيه 14

ايمان:خشت للحمام غسلك وجها وطلعت ...كانت عيونها في الشنطه تبي اطلع كلينكس ونضربت في شخص بدون قصد ...قامت عيونها فيه ونصدمت ...عع عمر؟😧
عمر:من الصدمه مقدرش يحكي قعد ساكت
ايمان:بدون شعور حضناته وتبكي تبوس فيه وتشم في ريحته...حبيبي انت كبرت❤️ ياقلبي استاحشتك وربي😭
عمر:بلع ريقه بصعوبه وقلبه حن❤️...بادلها الحضن وحاس بوجع في قلبه🥺
ايمان:باعدت من عليه وتمسح في دموعها بدت تتفحص فيه زي المجنونه..انت ليش هنايا فيك شي؟صاير معاك شي؟؟
عمر:لا مش انت 💔...بوي
ايمان:نخطف لونها ...بابا!خيره شن صار وينه هوا بخير ؟
عمر:مفي شي خطير السكر ارتفعله شوي وجبناه هنايا ..انتي ليش جيتي
ايمان:ولدي مريض ...عيونها دموع مسكاته من يده وجبداته ...تعااال عمر تعال شوف ولدي كبر وفيه شبه منكم والله
عمر:سحب يده منها ...اسف ايمان منقدرش نحكي معاك اكتر من هكي ...بوي عاطينا قلة السماح لو اي حد تواصل معاك
ايمان:انكسر خاطرها ..وقعدت تشوفله وتبكي
عمر:عطاها بضهر ومشي وقلبه يتقطع بلعرق على اخته يلي ليه سنين مشافهاش ومش قادر يقسي قلبه عليها دي مادار بوه وباقي خوته
ايمان:انهارت في ممر المشفى تبكى ومش قادره حتى تاخد نفس 💔

____________________

محمد:طلع من غرفة نومه يدور بعيونه على ماريا!..لين طاحت عينه عليها مقعمزه ع الصلايه وتدعي ❤️
محمد:يحاول يحكى معاها...تقبل الله
ماريا:بدون ما تشوفله...اجمعين
محمد:ساكت معرفش شنو يحكى !
ماريا:اطبق في الصلايه..فطورك واتي بنخش نوتي روحى وناخد كم لبسه معاي ماما مريضه ومحتاجه حد يعانيها وزي ما انت عارف معنديش خوات
محمد:اكيد اي نرفعك اكيد بس ليش هيا خيرها لاباس؟
ماريا:تنحى في بدلة الصلاة...برده جايتها قويه شوي
محمد:بتباتي غادي؟
ماريا:قامت راسها ونصدم محمد في عيونها كيف متورمات من البكى💔...اي رح نقعد اقل شي اسبوع نريح ونرتاح
محمد:بس انا مش مضايق منك!
ماريا:شبحتله بكسرة خاطر...فطورك ع الطاوله ....ومشت

________________

بسمه:مدايره شعرها كعكه ولابسه بجامه بسيطه...مقعمزه ع الارض وتكنس بي الكهربائيه تحت الصالون وحاصله في روحها😂..
زياد:واقف ياكل في نفص ويتفرج عليها
بسمه:قامت عيونها وفنصت فيه
زياد:معش قدر يمضغ...خيرني شن درت🙄
بسمه:وقفت ولوحتله المكنسه...هي اكنس يلي درته توا هي
زياد:نعممم😧
بسمه:اكنننننس يلي درته مش خدامه انا جهدي طاح من التنضيف وحضرتك ع البارد والمستريح تحي تاكل هنايا
زياد:يمرر في رجله ع الارض ببرود...تي هما شوية فتروشات عادي
بسمه:داهشه ووجها احمر ومعصبه...زيااااااد😡
زياد:تي به خلاص ...مسك المكنسه
ع اساس حاجه صعبه يعني
بسمه:وقفت مربعه يديها وتتفرج عليه
زياد:هاذي كيف يفتحو فيها
بسمه:شغلت البطمه برجلها
زياد:انخلع من الصوت ...بسم الله 😨
بسمه:هياااا
زياد:يكنس ...تى والله لو مكنتش انا سبب يلي نكنس فيه ماناخذ كلامك ..لاكن انا انسان متصالح مع نفسي ونلم الفتروشات يلي طايحه من ماكلتي ع فكره عادي الخدمه مش عيب
بسمه:عطاته بضهر وخشت للمطبخ وهيا تضحك بس بدون ماتبينله
زياد:عقاب الوقت مقعمز نكنس زي موده اختي ...عادي عادي البيت يخدمه تَرِسَهُ😂