ليليان: ادم بيه ادم بيه يا ادم
ادم:........
ادم مش بيرد راحت هزته مش بيرد بصت حواليها لقت برفاناته وقامت مسكت البرفان ورشت علي ايديها وراحت تشممهولوا وتلمس مناخيره علشان يفوق
ادم فاق : اه انا تعبان قوي مش قادر هموت
ليليان : قوم بس حضرتك كل علشان اديك الدوا وتبقي كويس انشاء الله
ادم بتعب : مش قادر اققوم يا ليليان مش قادر
حاولت ليليان تقومه وشدته من ايديه علشان تقومه وحطت المخدات ورا ظهره
ادم : يلا علشان تاكل
ادم مسك المعلقه ووقعت من ايديه وتقريبا كدا مش معاها اصلا تايه كدا
قامت ليليان مسكت المعلقه واكلته بايدها وهو مستغرب من تصرفها دي
ادته الحقنه وشدت المخدات من ورا ظهره وخدت الصانيه ونزلت وهو نام
الدكتور اتصل بتليفون ادم بليل بس التليفون كان مع ليليان وحكتله الي حصل وقالها ابقي شوفيه بليل تاني ومتخليهوش يروح الشغل بكره امنعي انه يخرج علشان خطر عاليه جدا
بليل ليليان طلعت تشوفه لقته عرقان وسخن جدا نزلت جابت تلج علشان تعمله كمدات وطلعت تاني وسهرت جمبه طول الليل ونامت علي الكرسي الي كان جمب السرير
ادم صحي لاقها نايمه علي الكرسي
ادم : انتي. انتي يا بت ليليان
ليليان : اي يبه اسفه يبه فضلت هنا علشان كنت تعبان طول الليل
ادم: طيب اخرجي بقي
ليليان خرجت وهو مستغرب ان دا كان حقيقه كان فاكر نفسه بيحلم 😂
ولبس نزل وفطر ولسه هيخرج
ليليان : علي فين يا بيه
ادم بجمود : نعم وانتي مالك بتسال ليه. وبعدين فين تليفوني
جابته ليه وقالتله ان الدكتور اتصل بليل وقال انك متجرجش انهارده
ادم : بالعند فيكي وفيه هخرج
ليليان بنرفزه : وانا قولت مش خارج يلا بقي
ادم : هخرج سلام
ليليان جريت وقفلت الباب وقالت بزعيق : مفيش خروج
ادم اتعصب : اوعي كدا
وزقها وقعت علي الارض مقمتش
ليليان : اه ااه اه حرام عليك حد يزق حد كدا
جري عليها ادم وقال : انا اسف مش قصدي والله اسف
وقامت وقالت : مفيش خروج
ادم بنرفزه : طيب خلاص انا طالع
بعد ساعات
ليليان : الدوا
ادم بزعيق : مش واخد حاجه واطلعي بره بقى بره
خرجت وهو عمل كدا علشان مخرجش الصبح واستفزته
مازن : نفذوا الخطه حالا هو لوحده في الشقه والشغاله بس الي معاه هاتوا الورق وتعالوا بسرعه
مجهول 1 ومجهول 2: امرك يباشا اعتبره حصل
المجهول دخل الفيلا علشان يجيب الورق
ليليان في المطبخ سمعت صوت دوشه فوق وسمعت ادم وهو بيقول انتو مين طلعت تجري تشوف في اي شافت ادم واحد ماسكه والتاني بيدور علي حاجه
قامت دخلت وقالت : انتو مين وعيزين اي ومسكه كدا ليه سيبه لقت حد مسكها شدها من شعرها وقالها
مجهول 1 : بس يماما علشان مموتكيش انتي وهو
ليليان بزعيق جامد : تقتل مين يا حيوان دا انا ادفنك هنا
ادم : بس اسكتي هتودينا في داهيا اسكتي
ليليان : اسكت انت
مجهول 1 : متسمعي كلامه بدل متزعلي مني
ليليان : شكلك انت الي هتزعل مني
مجهول 1 : متسكتي بقي دا انتي عندك لسان اطول منك صحيح
ادم : اه والله عندها لسان عايز قصه
ليليان : شيل ايدك دي بقي بدل معلمك الصح
مجهول 1 : لا انا عايز اتعلم الصح
ليليان : طيب انتي الي جبته لنفسك وقامت مسكاه نزلت فيه ضرب خليت وشه خريطه 😂😂
كل دا وادم ومجهول 2 باصين لها مش مصدقين هي عملت كدا ازاي
ليليان قامت علي مجهول 2 : شكلك نفسك في علقه زيه اصل انت متنح وقامت نزلت فيه ضرب هو كمان
ليليان خلصت لقت ادم باصص ومتنح قالت : اي نفسك في علقه زيهم ولا اي
يتري ادم هيضرب من ليليان ولا لا؟؟ 😂😂
بقلم ايريني عيسي
Wary😍
لوعجبتكوا متنسوش تصوتوا وقولوا رايكوا في كومنت 😁
