ادم : اتصليلي علي كريم خليه يجي
السكرتيره : حاضر يباشا
كريم جه
ادم :جبت سكرتيره ليك ولا لسه
كريم : هتيجي بكره . مالك في اي
ادم : مازن بيهددني علشان كسبت المناقصه منه
كريم : عادي ولا يهمك. مش هيقدر يعمل حاجه
اليوم عدي
محمد : ارجعي يبنتي معايا ومش هعملك حاجه
ليليان : لا انا هقعد هنا واختي معايا
وف اللحظه ادم دخل وسمع هما بيقولوا اي ووقف علشان يشوف رد فعلها اي لما محمد عايز يخدها ويمشي
محمد : تعالي معايا يبنتي بس واطلقي منه ومش هعملك حاجه
ادم كان هيدخل يقطع الكلام دآ بس استني يشوف رد فعلها
ليليان : لا يا بابا آنا بحب جوزي ومش هتطلق من حد. ومحدش هيخدني منه
محمد : يبنتي مش هترتاحي هنا في القاهره. وانتي صعيديه ومش هتعرفي تعيشي. والحياه هتبقي ضدك في كل حاجه
ليليان : بابا لو كانت الحياه ضدي وانت ضدي فانا بعشق التحدي . سلام. انا طالعه
ادم فرح جدا انها مش هتمشي وفرح اكتر لما قالت ان لو الحياه ضدي وانت ضدي فانا بعشق التحدي الجمله عجبته جدا.. بس طبعا مش فرحان وخايف من بكره ومن مازن وال هيعملوا وخايف من بكره جدا
طلع ادم قعد علي الكنبه بيفكر في بكره وخايف من المستقبل وليليان طلعت بس مكنتش تعرف انه فوق ودخلت ولقته سرحان وفعيونه حزن راحت قعدت جنبه.ومحسش بيها اصلا
ليليان : مالك
ادم : مفيش
ليبيان : هو اي ال مفيش انت مش شايف نفسك ولا اي. اتكلم مينفعش تسكت كدا. غلط عليك
ادم : مازن كسبت المناقصه منه. وهو بيهددني بعيلتي. انا عارف انه مش هيقدر يعمل حاجه. بس انا خايف من بكره. وبخاف من المستقبل .ومش عارف اعمل اي. انا تعبان اووي يا ليليان.
ليليان : اي يعم الكئابه دي. وليه خايف من بكره. وليه شايل هم بكره .هو ربنا كان قصر معاك امبارح في حاجه لما تشيل هم بكره...
انت ليه بتحمل نفسك حاجات اكبر من طاقتك...ليه كل دا... دا حتي بكره احلي من انهارده... وكلنا عندنا مشاكل.. انا ذات نفسي عندي مشاكل قد كدا...بس بضحك وبنبسط وبرضا...وبحاول اققول ان بكره اكيييد احلي من أنهارده... ولو انهارده حتي حلو...بكره انشاء الله هيكون احلي.. والدنيا مش ورديه زي ما بيقولوا..بس مش وحشه.. الحب قرار..السعاده قرار...والاختيار قرار..والحياه قرار.. وانت... انت ذات نفسك قرار...قرر انت هتكون سعيد.. قرر انت هتكون مبسوط...قرر انت هتكون متفائل.. وانشاء الله وباذن الله هتكون سعيد وراضي وقوي ومتفائل..فهمت
ادم : هو انتي علطول كلامك حلو كدا.. بس انتي ازااي كدا. ازاي وبالرغم كل ال انتي فيه دا وكدا.. اززاي هاديه كدا.
ليليان :انا كدا مش بحب ابين للناس وفي الاخر يجيوا يطبطوا عليا ومعلش ومش عارفه اي. ليه .علشان انا مبحبش الشفقه من حد . ومفيش حد يعرف انا عافرت قد اي علشان ابان بكل الهدوء دا.. وانا من جوايا زحمه وبرد وليل وغربه وخوف ودمار ...محدش يعرف انا اتكسرت وادغدغت ميه الف حته وفضلت ادور في الدنيا دي شرق وغرب الملم البواقي الفاضله من انكساري الاخير ..محدش عارف كم لحظه عديت عليا كانها عمر مبيعديش.. وان كل الاوجاع ال مريت بيها عديت عليا من فوق رقبتي . ومع ذلك بضحك وبنبسط..
ادم : انا مش عارف اقول ليكي اي الصراحه... بس حلو تحفيزك ليا... وسعي بقي علشان عايز انام.. انا هنام علي الكنبه انهارده. هو‘انتي كل يوم تنامي عليها.
ليليان : طيب. تصبح علي خير
ادم : وانتي من اهله
واليوم عدي ومنعرفش مستخبلنا اي بكره؟؟؟
هو يتري بكره احلي زي ما بيقولوا؟؟؟ انا ك كاتبه بقول ايوه ان بكره احلي من انهارده
انتظروني
بقلم ايريني عيسي 😍
Wary😍
