ابنتي اليتيمة

البارت الثاني

#ابنتي_اليتيمة

#مريم_آل_طاهر

#البارت_الثاني

احمد :جان خبر وفاة علي مثل الصاعقةة نزلت ع روسنه
جان طالع بواجب واستشهد

امي ودلال كل وحده تلطم وتعيط بصفحةة بلنسبةة الي ضهري نكسر وكمت مااكدر اوكف ع حيلي احس رجليه صارن خيوط وماحس ع نفسي غير اني ابجي واصرخ مثل النسوان اخوويةة حزام ضهري راح برمشةة عين
المنطقه كولها لتمت علينةة اريد اكوم اشوف اخويةة شبي ماكدر اريد واحد يكلي جذب علي مامات ماكوو

ساعدوني الجيران اوكف ع حيلي امي صاحت بيه

ام علي : يمه احمد عازتك عازه هسه ادخل طلع فلوس من البيت وخابر ع اختك و عمامك عوف البجي واللطم مايفيدن الوادم (الناس ) التمت علينه

احمد :اخذت بكلام امي والله كوه جنت امشي بس شسوي ماكو رجال غيري طلعت فلوس جيرانةة دخلن لمن البيت وي امي وامي جابت دلال يمها طلعنه نجيب جثةة اخويه

جان جسمه مهشم تهشيم طاگه عليهم عبوه ملامح وجهه متشوهه الله يرحمه ماكو شي بي صاحي عاتبته وحاجيته عبالي يكعد يحاجيني مايكعد لو بس يكعد يحاجيني كلمةة ماكعد خليته بحضني واني ممصدك اخوي مات اخذنا للبيت امي تريد تفتح التابوت شلعته بااضافرها ادري اذا شافت منضره تتخبل هوا جان ارحم من البقيه الي ويا لان جان ابعد واحد عن العبوه امي تتوسل ينرفع غطه التابوت اخر شي ستسلمت ورفعته الها لان اخر لحظات ويروح لگبره بعد لانشوفه ولاييشوفنه

امي خلته بحظنها وتنعاله تكله حاجيني ليش نايم يمه مووكت نومك هذا اكعد يمه كل الموجودين بجوا ع حال امي رحنه اني وياها وجماعته وعمامي نكمل مراسيم الدفن سويناله تشييع يليق بمقامه ماكو واحد ميحبه بل منطقه الكل جانوا يحبوا ويحترموا جان فكاهي وصاحب ضحكةة يضحك للهوه
عمت عين المگابر اخذته
قبل لااطلع انطيت لاافراح فلوس ودزيت ع مسواك كامل لان ووصيت جيرانه ينصبون جادر للنسوان ويفتحون الجامع للزلم
جانوا قبل جيران حسبةة اهل ناس حنينة ع ناس وين هسه كلمن حاير بروحه

طلعنه للنجف كملنه مراسيم الدفن ورجعنه اني وصلت امي للبيت ورحت للجامع

كل شويةة يخابرروني امك تخربطت
لحد مصار الليل راحت العالم بقوا بس الكرايب عمامنه وخوالنه وصلت اختي ورجع البيت مناحةة عبالك الخبر هستوه وصل
سألت افراح عن دلال مالمحتها لاهيه ولاريم ولا عمر ابن علي

گالت اجتي امها العصر واخذتها

امي سمعتها لو تخبلت

ام علي : بياا حق تاخذ ضنه ابني وشلون تروح وفاتحه رجلها بعدها ماخلصت وتخلص العده بمهجومها وتنجب شلون تروح وشلون تروح
امي ضلت تحجي وتصيح لحد ماغابت عن الوعي هيه صاحبةة سكر وضغط والعصبيةة موزينةة عليها.