ريم :بس سمع صوت عمتي راح بكل سرعته لبداية المطبخ
حياة: باوعتلي صفح ولتفت عليه وهيه رافعه حاجبها شدسون هنا بنص الليل ورجعت التفت عليه
باوعت عليه اشرلي بأيده بعلامةة الذبح
جواد :مدنسوي شي حبي سمعت صوت بل مطبخ عبالي بزونه واني منا جوعان كلت لريم تسويلي اكل وناكل اني وياها لان ثنينه جوعانين
باوعتلي بعدم قناعه وگالت
حياة :صدوك هل كلام
ريم: هزيت راسي بمعنى اي جان الخوف مسيطر عليه وتملكني شنو السبب الي خلا يسوي هل حركه الحقيره وليش ديهددني المفروض اگول لمعتي لو اسكت قاطع تفكيري صوت عمتي وهيه تگولي
حياة: جان كعدتيني اسويلج اكل
ريم :مالها داعي عمه حاكل تفاحه وانام اخاف موزين اكل وانام
باوعت لزوجها وكلتله دشوف طفله وتعرف موزين الاكل بليل وانته خلصت عمرك تعلف بليل
جواد :ههه ي ياحبي شسوي هاي طبيعتي
حياة :وشبيك مرتبك والخوف ماكلك اكل
ريم :اني اترخص عمه حروح انام
ومن ذاك اليوم بده زوج عمتي يتحرش بيه بتصرفاته وبنضراته صرت حته مااكل وياهم وغرفتي مسدوده 24 ساعه اكثر من مره تعرضلي والينقذني عمتي الي تغافله وتدخل لانو الضاهر تعرف رجلها شنو من زباله اجلكم الله صرت ماانزل بليل اوصي عمتي ع حلويات واخذ مي وياي اخاف اعطش بليل حته ليصير بيه مثل قبل
وبيوم من الايام جنت كاعده بغرفتي وعمتي نايمه لانو يوم الجمعه ماعدها دوام ندكت الباب
ريم :منو
جواد : اني بنتي عمتج دصيحج انزلي
ريم :نزلت اباوع ماكو احد وين راحوا هستوني داريد اكول عمه وينج سدلي حلكي بايده بديت اصرخ بس صوتي مينسمع لانهو جان ضاغط باايده حيل ع حلكي سحبني للمطبخ واني جن جنوني كل مره عمتي تنقذني بجيتها هسه منو يشفعلي عضيت ايده
وخر ايده عن وجهي
جواد :اخ بت الكلب تعضيني اني اعلمج اليوم اذا مربيتج
ريم :سحبت سجينه من الكاونتر وكتله اسمع لك اذا فكرت تتقربلي بيوم من الايام ولو مجرد تفكير اني راح انهيكك فتهمت اكطععك واذبك بلزبل يانكس
جواد :خوفتني الحلوه اسمعي حبيبتي انتي يتيمه وماعندج احد وحلوه بنفس الوقت اني اطلك عمتج وازووجج ونضر عيني احبج احبج
تقرب عليه جرحت وجهه بكل قوه وبدون شعور صعبه ع بنيه ينتهك عرضها كدامها ومن منو من ناس جانت مآمنه بيهم
اسمعني هل مره وجهك مره ثانيه املخكك والله فتهمت
ذبيت السجينه وركض لغرفتي هذا كوله وعمتي مسلمتها نومها موطبيعي صاير هيه من النوع النومها خفيف بس هسه لاحياة لمن تنادي
ورا اربع ساعات من الحادثه تقريباً ندكت الباب
رديت بصوت يرجف منو
أنت تقرأ
ابنتي اليتيمة
Romansaفتاة عاشت حياتها وهي لاتعرف من والديها دفعت ثمن اخطاء لم ترتكبها تعرضت للضلم والاذى والتحرش كيف ستواجه الحياة تلك الفتاة وكيف تنقذ نفسها من بين الوحوش البشرية
