ابنتي اليتيمة

البارت الثامن

ماحسيت بس جواد نضرب وكع ع ارض والولد سحب اقسام عليه

جرني من ايدي وخلاني ورا ضهره وكلي لتخافين اختي باوعتله هذا موغريب هذا اخو رانيا

جواد :أيا كلب هذا انته شون تتجرأ تمد ايدك عليه
هجم ع ولد رجع الولد دفره

فهد : اسمع لك اقسم برب العرش العظيم اني انهيك تعرف شنو انهيك هاي البنيه كدامك واذا انته رجال طخ شعره منها وشوف شيصيرلك

جواد :شتريد تسويلي يعني ها شتريد

فهد :اخذ التسجيل لمرتك واراوي الها واخلي البنيه تشتكي عليك وتخليك تعفن بلحبوس ولو ادري مرتك مثل اخلاقك ووحده منحطة بس ادري عار وتخاف منها كدامي ع بيتك هلمره نكسر خشمك مره ثانيه ماخليلك اثر

جواد :ماشي ريم اني اعلمج ماشي

ريم :اسمعهم واني كلبي داحسه يريد يوكف من الخوف لو مافهد جان هذا الحيوان اعتدى عليه وبكل دم بارد

فهد :بيج شي تأذيتي

ريم :ها لامبيه شي مبيه

فهد :اعتقد انتي صديقه رانيا تعاي وياي للبيت ارتاحي يمها وارجعي لبيتج

ريم : ها لا ماريد

فهد :لتخافين البيت موجودين الاهل هناك اذا تحبين تتأكدين هسه حتصل ع امي كدامج

ريم :اتصل ع امه وكلتله موجودين بلبيت
هنا طمئنيت ورحت ويا لبيتهم من ورا جواد الحيوان وعمتي ماضلت عندي ثقه بأحد

رانيا :هلو حبيبي ريم تعاي تفضلي تفضلي شهل صدفه اجيتوا ثنينكم سوه

فهد :رانيا لتلغين هواي

رانيا :اسفه ريم موداحجي وياج الوو بالج وين

ريم :وياج وياج

رانيا :شنو وياي شبيج شصاير وياج ليش وجهج اصفر

ام فهد (زهره) هلا يمه هلا تعاي حبيبة فوتي جوه تعاي الدنيا بارده يمه من طلعتي عمتج ماشافتج شلابسه ملابسج خفيفه يمه والدنيا بارده

ريم :باوعتلها ودمعت عيوني مدري شلون سيطرت ع نفسي مابجيت كدامهم
خاله منتبهت عليه من طلعت لان جانت مشغوله

رانيا :اوور عوفكم من هل مواضيع يلا خلي ناكل متت جوعع

فهد :صعديلي الاكل لغرفتي وتعاي وراي عندي حجي وياج

رانيا :عن اذنج ريوم شويه وارجع

كعدت خالةة تسولف وياي وتسألني ع عمري وليش اجيت لهنا سولفتلها سالفتي كولها وكامت تبجي بس مجبت طاري لعمتي ورجلها بس حجيتلها ع ابويه وامي

صدوك احس هل انسانتين سر ضحكتي من يوم مسافرت لليوم مبتسمت غير بس بيت ام فهد جانوا كولش لطييفين وياي بس اثناء مدنسولف كلتلي رانيا انو حننتقل لغير مكان وبعدين نسافر لتركيا