هَــ(✋)ــِلاؤ ↝ ✩🎀 اشلونگم 😊
راح احچيلكم عن الحب
ملاحظة مامجبور إي احد ياخذ ابگلامي الي راح اكتبه والي ايحب ياخذ فهذا شي يخصه اتمنى محد ينتقد إو يرد بشي سلبي... وراح احچي بي عن الطرفين ❤
.
.
.
.
.
الحب شي حلو وماكو شي يوصفه بس اكو اشياء لازم نسويها قبل مانحب راح يسئل البعض شنو هالاشياء طبعاً احنة بمجتمع شرقي وگلنا نعرف العادات والتقاليد خاصة بالعراق مو بسهولة واحد يكدر يحصل الشي الي ايحبه الا بعد معاناة وصراعات ومن وره اسباب يمكن اذا يسمعون عنها المجتمعات الباقية يضحكون علينا ومن هالاسباب والاكثر شيوعاً اهل الطرفين يعني مرات الرفض يصير على الأهل مو الشخص نفسة وهالشي يعاني منة اغلب الي ايحبون أو اختلاف المذاهب أو البعد والقرب يعني هواي اشياء تصير عارض ونادراً ميصير توافق بين الطرفين وطبعاً الي تتيسير بسرعة شغلته هذا حظة فوك الغيم
انصح شكو واحد ايحب أو قبل لاايحب يشوف روحه
هالبنية اتصير اله والبنت كذلك من كل النواحي خاصه الولد خليك مرتب امورك على اخر حبه يلا تصارح البنية
الي اتحبها خليك واثق انو اهلك مراح يوگفون بوجهك أو اهلها مايوگفون بوجهك اذا متأمن 100% لاتتورط نصيحه مني هاي خليك گولش مرتب امورك يلا تتوكل طبعاً داحچي على الي نيته صافية مو يصارح ويطفر ورة فترة
واكو شغلة گولش ضرورية خاصه الي يفكر بالزواج عن حب لااتطول بالعلاقة لاتگلي متصير مشاكل بلي اتصير مشاكل خلي علاقتك شهر بالزايد شهرين وتوكل اخطب الي اتحبها هاي احلى شي ممكن تسوي بحياتك وطبعاً اول وتالي هو توفيق من رب العالمين واتمنى من الكل يختار اختيار ملائم اله والبيئتة العايش بيهة ولايختار شي ميگدر عليي إو ايعاني منه وصعب يحصله
ونصيحه الشباب هل وكت ...لتگوللها "احبچ " وانتة مجرد معجب بشخصيتها لتگوللها "مااگدر استغني عنچ " وانتة حاجتك الها مؤقتة
لتگوللها " ترة مشتاقلچ " وانتة مشتاق السعادتك وياها وبس
لتگوللها "اني وياچ للأبد " وانتة من أول عثرة تروح لاتوعدها بشي انتة مو گده تمامم
الحب يعني من تضحي على مودها الحب لمن تخاف تحچي عليها گدام احد الحب لمن اتگون خافيها من عالمك علمود لحد يحچي بيها الحب لمن تضوجك وتزعل وترجع انتة اتصالحهة الحب لمن تنام وانتة تحلم ابيت يجمعكم سوه الحب لمن متشوف بيهة عيب الحب لمن متشوف احد غيرها بالدنيا لمن ادخلها ابدق تفاصيل حياتك وتاخذ رأيها
الحب يعني لازم قبل النوم تگللها تصبحين على خير حتى لو متزاعلين
الحب مو الا اتدزلك صورها الحب مو الا تخاطر بثقتها گدام اهلها وتجبرها اتخابرك أو تحچي وياك أو تطلع وياك گدام العالم
الحب احلى من هيج واذا متگدر عليه لتندگ بي
وقبل لاتترك بنية اتحب ومتعلقة بيك تذگر كم مره وعدتها اتظل وياها وكم مره خلتك فرحان وانتة زعلان وكم مره دافعت وتركت ناس الخاطرك
